السلام عليكم ورحمه الله وبركاته يا حبايب 🧡😊
كل سنه وانتم طيبين إحنا في العشر الأواخر من رمضان عايزين كده يا حلاويات نتفرغ للعباده في العشر ايام دول لعل ربنا يرحمنا بهم لأن بهم ليلة القدر وما ادراك ما ليلة القدر ربنا بيقول ليله واحده قادره تغير حياتك ١٨٠ درجة يلا فين الهمه افتحوا صفحه بيضه مع ربنا وخالي عندك يقين ان الله غفور رحيم
أولا الناس اللي لسه ماختمتش ولا مره لسه عندك فرصة أيكم وهجر القران
بلاش تكوني من الناس اللي الرسول ااشتكاهم لربنا🥺♥
ثانياً خالي صيامك في صيام عن المعاصي والذنوب صيام عن النميمه والغيبه والحقد صيام عن الاغاني والمسلسلات
ثالثا الصلاة هي ملجئك الواحيد
صلاة الفروض علي وقتها اول ما نسمع الله اكبر نروح نصلي علي طول بلاش كسل🤨 خالي عندك خشوع وتدبر في الصلاة كمان صلاة الضحى يا حبايب صدقه عن كل مفصل في جسمك فهي ٣٦٠ صدقه اقتربوا من الله بالنوافل في العشر ايام دول علي قد ماتقدري القرب من ربنا راحة كبيرة أوي ربنا بيقول (فمن اتبع هداي فلا يضل ولا يشقي ومن أعرض عن ذكري فان له معيشه ضنكه ونحشره يوم القيامة اعمي)
رابعاً الصدقه يا حبايب ومانقص مال من صدقه في حديث عن الرسول صلى الله عليه وسلم فيما معناه ( أن الصدقه توضع في يد الله قبل يد السائل) شوفي هتحطي في ايد ربنا ايه يا جميله😉🧡 كمان الصدقه بتشفي المريض ( داووا مرضاكم بالصدقه)
خامساً بر الوالدين بلاش تزعلي ماما وبابا في الأيام دي
اكسبي دعوه حلوه منهم في الأيام
سادساً الذكر ( فاذكروني أذكركم واشكروا لي ولا تكفرون) افضل الذكر اللي اجتمع فيه قلبك ولسانك بمعنى قلبك يكون صاحي وحاسس بكل ذكر بيقوله لسانك
اذكروا الله يا حبايب بالازكار مختلفة من الحمد والتسبيح والتكبير و التهليل واكثروا من اللهم إنك عفوا كريم تحب العفو فاعف عنا سن عن الحبيب المصطفى عن عائشة رضي الله عنها قالت ( كان رسول اللّه صلى اللّه عليه وسلم يجاور في العشر الأواخر من رمضان فأكثروا من دعاء اللهم إنك عفوا كريم تحب العفو فاعف عنا)
وصلوا على الحبيب في كل وقت وحين
شدوا الهمة والنشاط يا حبايب الجنه تستاهل😊😉💪🧡
دمتن مسلمين
بحبكم في الله
ان استطعت ترك اثر في قلب احداكن فلتذكرني في دعائها
