السلام عليكم ورحمه الله وبركاته يا حبايب💜💜😊
حابه اتكلم في موضوع مهم جدا
اولا كده يا جميله صلي على الحبيب واعرفي دايما أن لا يكلف الله نفسا إلا وسعها يعني انتي لو مش في وسعك انك تتحملي البلاء ده مش هيكون من نصيبك في بنات كتير بتعاني أن حياتها مش سعيده بسبب المشاكل الكتير مع زوجها وتقعد تندب حظها نفسي زوجي يبقي صالح نفسي يكون هادي نفسي يكون رومانسي نفسي يكون زي زوج صاحبتي او زي زواج بنت خالتي او عمتي .....الخ انا زهقت من حياتي معاه مش عايز يتغير ابدا كل الناس عايشه سعيده إلا أنا
طبعا هي مش واخده بالها أنها بتدي فرصة حلوه اوي للشيطان ماهو يا حبايب اكتر حاجه تفرح إبليس هي خراب البيوت يمكن اكتر عندهم من طاعة الله سبحانه وتعالى مع أنا مش لو هتركز حلو هتعرف أن مافيش انسان كامل الاوصاف الكامل لله فقط وان كل واحده فينا لازم تختار العيوب اللي هتعرف تتعايش معاها وتصلح منها وبعدين بلاش تتغري في اصحابك الي كل يوم ينازلو حالة واتس وأشعار وقلوب وكلام حب في ازواجهم وتقعدي انتي تقولي اشمعنا انا بجد زهقت من عيشتي معاه حابه أوضح لك نقطة يا جميله لو فعلا حايتهم سعيده كده يبقا هتخاف من الحسد والعين ومش هتتكلم عنه أصلا فبلاس الموضوع بأثر علي حياتك انتي واعرفي ان واره الاستوري الجميلة دي في حاجه والله اعلم بيهم فبلاش تفضلي تتعبي نفسك وركزي في حياتك احسن بلاش تشحني نفسك بالكلام ده بمشاعر سلبيه ناحيته بلاش تعكنني علي نفسك كل يوم الي بوستاتها كلها كلام حب وقلوب وكلام فاضي عمال علي بطال حبيبتي دي واحده عايزه تعمل شو مش اكتر حابه تظهر كل شويه حاسه بنقص في حاجه معينه فبتعوض بالحاجات الي بتنشرها عشان تخالي أصحابه يغيروا منها خاليكي في حياتك الحقيقة حاولوا أنكم تتقاسمه الحياة خالي الكلمه الطيبه سوا منك او منه تغير المود خالص بلاش الشكوي والهموم والمشاكل الصغيرة هتلاقي حياتك بقة احسن الاهتمام بنفسك لي تأثير إيجابي علي نفسية وراحة زوجك واستعداده للحوار معاكي نظافة البيت حتي لو كنتي اشطر ست بيت حاولي تعملي اي تغيير في الشقه يحسسك بحاجة جديده خالي عندك صبر يا جميله (وبشر الصابرين) خالي بالك طويل عشان تعرفي تتكلمي معاه في كافة الأمور والمشاكل الي بتحصل طول اليوم خاليكي لي مصدر سند ودعم ورعاية من الاخر خالي عندك يقين بالله ان حياتك هتكون حلوه لو غيرتي من نفسك ومنه بس بالطريقه الحسنة والمعامله الطيبة وعدم النظر لحياة الغير وتركزي علي المميزات مش العيوب😉
انا بحبكم في الله
السلام عليكم ورحمه الله وبركاته 💕
