قيامة أرطغرل كان بوابة المتدينين لـ Game of thrones
بص يا حببتي ^^
أصلها مش كيميا .. هي معروفة وواضحة جدآ 😁
الشيطان مش هييجي للشاب ويقوله ازني .. اشرب خمر .. افتح موقع إباحي من أول مرة
الشيطان بيتدرج معاك وبيصبر عليك فوق ما تتصور لحد ما تقع برجلك
قعدنا نقول للمتدينين مينفعش تتفرج على مسلسل فيه متبرجات وموسيقى .. قالك :
دا بيحيي فينا روح الجهاد ومسلسل عظيم وعمل عبقري والكلام الفارغ ده
وفي نفس الوقت اللي كان الشباب بيتغزلوا في بطلات العمل، والبنات المسلمات الحييات اتكسر حياؤهم وبقوا يقعدوا مفنجلين أمام رجالة تركيا الأمامير .. ويعملوهم صور بروفايلاتهم 😏
عدة مواسم بعشرات الحلقات ومئات الساعات مع تضييع للفرائض وإهمال للنوافل دخلتك على المسلسل الإباحي ده وبقة معندكش مشكلة مع مشاهد زنا المحارم عادي، بحجة أنه عمل عبقري وعظيم وبلا بلا بلا
ولو افترضنا صلاتك لفروصك في وقتها وعدم تضييع للنوافل .. فأكيد انت امام تضييع لعمرك في كلام فاضي وذنوب اتصرف عليها ملايين عشان هما يستفادوا مش اكتر
اللي بالفعل كان بيتفرج على أفلام ومسلسلات وأغاني عادي مكانش عنده مناعة وحصانة ضد ده فوقع بسهولة، لكن أنت كملتزم كان عندك الحصن وهدمته بإيدك
كلنا عندنا ذنوب - وأنا أولكم - لكن مينفعش نجاهر بيها ولا نشجع الناس تتابعها، ولا نسقط نفسنا من أعين الناس وهم شايفينا من بعيد الناس الملتزمين القدوات بتوع ربنا.
ربنا يهدي
الشيخ عمرو شاهين
