#يضحك كثيرا من يضحك أخيرا
الجزء الأول
هادي وحدة من بين بزاف ديال القصص اللي كيوقعو لغزلان بسبب سداجتها و بساطتها و قلة خبرتها في الحياة.
واخة كانت قارية مزياان و شادة بوسط فواحد الإدارة و لكن كانت مستوهة و اللي قالوه ليها تسدقو.كانت بنت ميمتها الوحيدة من بعد ما توفات ختها الكبيرة في حادثة سير الشي اللي خلا ماماها كاتخاف عليها بزاف و مكتخليهاش تخرج بزاف و حتى حاجة مكديرها بوحدها حتى جعلات منها ضعيفة الشخصية.
من بعد ما توضفات غزلان كانو كاع البنات كيضحكو ليها على طريقة لبسها و شعرها واخة هي زوينة وشعرها رطب.ةكانت علاقاتها الاجتماعية فاشلة تماما .ما كانت كتلقى راحتها غير في الشات.
كانو معاها في الخدمة 3 البنات لباسات و قرطاسات و كانو دايرين غزلان بحال الخدامة ديالهم..كاين شي دواصة هي تصيبهم ليهم كاين شي اجتماع هي اللي تكتب ليهم الكلمة عالله غير يدويو معاها و يعطيوها و قت.كانت مبهورة بيهم و كيفاش كيلبسو ويماكيو و يهدرو و كاتمنة شي نهار تكون بحالهم.
فينما تدخل غزلان للدار تبدل حوايجها تاكل و تكلس تكونيكطا.تما كانت تلقا راسها و تعبر بحرية و تعيش احلام اليقظة.داك النهار طلب منها واحد الشاب كتكونيكطا معاه باش يتلاقاها و هي مسكينة عمرها خرجات مع شي راجل من غير باها و ولد عمها صلاح اللي..وافقت تخرج مع السيد ودارت معاه الغد ليه من بعد ماتسالي الخدمة.
بدات كتزرب و عاطية لطاك و غير قربات الوقيتة باش تخرج من الخدمة بدات تعرق و تنشف ابوحدها.شافوها البنات اللي معاها في الخدمة سولوها مالها كاتليهم راه مروندفة و مخلوعة عمرها خرجات مع شي ولد بقاو يضحكو عليها و كالو ليها اتلاقاي معاه بهاد الحالة ؟اجي نقادو ليك باش تعجبيه غايصحبك خدامة غير في شي حمام.جبدو المكياج ديالهم 2 وهاللي تصايب ليها فوق العين هاللي تقاد ليها في الشعر هاللي تعكر ليها.مللي سالاو شافو فيها و بداو يضحكو و كالو ليها نااري طلعتي واعرة.
يتبع......
