الجزء 5 مشات دارها تبكي و تويل زهر اللي معندها..لقات ولد عمها صلاح اللي رجع من امريكا و غيكلس عندهم شي يامات وجاي ناوي باش يخطبها ولكن مكايل ليها والو.شافها فهاديك الحالة كاليها مالكي ؟عنقاتو و بدات تبكي.من بعد ما تفشات عاودات ليه كلشي و واعدها بللي غاياخد ليها حقها.لغد مشا عندها الخدمة و وراتو من بعيد الدري اللي حاول يبوسها.كان معاهم فنفس الموبل ولكن في إدارة أخرى. تبعو صلاح حتى الباركينك و غفلو بواحد تاتكتيفة وكاليه انا خو غزلان و غنخلي دار عشتك.الدري خاف و بدا يعترف بلا عصا و كاليه كلشي على الدريات و المصايب اللي كيديرو ف غزلان.صلاح دخل ليه واحد البونية و هددو ايلا كالها البنات مغايخاللي فيه اللي يتشاف. غزلان تصدمات و قرات باش تخرج من الخدمة.مخلاهاش صلاح و قرر ان الانتقام هو الحل اللي غادي خليهم يتردعو و يندمو و حتى غزلان تاخد حقها.لانه كلشي مسموح بيه الا الشرف...و بالفعل بداو فالحين يوضعو في الخطط .غزلان ولات تمشي لخدمتها عادي بحالة حتى شي حاجة ما كاينة و مابيناتش لبنات أنها عاقت بيهم. ...فواحد النهار قالت ليهم غادة تخرج بكري حيت خوها غادي جي من مريكان.تعجبو معمرها ما قالت ليهم عندي شي خويا ولكن متسوقوس حينت كالو فخاطرهم ايكون شي مستوه بحالها...مللي خرجات كانو معاها باش يبرككو هاد خوها و ديروه ضحكة..واحد الشوية وقفات طوموبيل زوينة وخرج منها صلاح متألق و هاز راسو للسما و سلمات عليه غزلان على اساس هدا هو خوها اللي راجع من الغربة. ..البنات بقاو حاللين فامهم وعجبهم السيد بززاف..باتو الليل كامل هما يحلمو..غير دخلات غزلان فالصباح للخدمة و هوما يلبقوها. اجي انت مامزياناش عندك هاداك الخو كامل اومخابياه..غزلان بقات تضحك و عرفات ان الخطة شادة طريق مزيانة...و من ديك الساعة ولات كل وحدة تقرب منها بوحدها و دير معاهاالمزيان باش تولي صديقتها المقربة..اش منك يا كادويات و يا عراضات لالياتي ناوين يشدو الطريق لمريكان ولكن غزلان باغة تقطع ليهم وريقة لجهنم.. يتبع.......
