الجزء 6 ولا صلاح يجيبها و يديها كل نهار و هما يستغلو اي فرصة باش يسلمو عليه.واحد النهار عرض عليهم كاملين لغدا مقداتهم فرحة و كل وحدة تكول في خاطرها انا اللي غنعجبو. وهما كيتغداو درسهم صلاح و حدة بوحدة و عرف نقطة الضعف ديال كل وحدة فيهم.وقرر منها يدخلهم.. ولا يجي لخدمة وكل مرة يبتدل النضرات مع وحدة.خدا نماريهم من عند غزلان و اتصل بيهم و كال لكل وحدة علي حدة باللي هي اللي عجباتو ولكن مايقدرش يجي يهدر معاها حيت ديما كتكون مع البنات لاخرين و غير بالفن فرق بيناتهم .وبدات تقلب كل وحدة فيهم على الا خرة .صلاح كان لحلاح و كلامو حلو دغيا طيحهم فشباكيه..وبدا يخرج معاهم و يوصيهم مايعاودو واالو لبعضياتهم حيت الى سمع شي هدرة غادي ينهي هاد العلاقة. الدريات تفرقو مبقاوش صحبات و كل و حدة تحلم و تخيل راسها شادة الطيارة مع صلاح بالكسوة البيضا ديال العرس. من جهة اخرى غزلان كتوجد الجانب ديالها من الخطة و فواحد المرة جبدات معاهم الهدرة على المدير كيف كيجيهم و حيت هما العجب مكيعجبهمش بداو غير فمهم و ما كال هي حطات التليفون يصور فيهم و خلاتهم يعبرو.من بعد رسلات الفيديو للمدير من رقم جديد.هو غي سمع الهدرة عطاهم حسابهم و جرا عليهم بدون سابق اندار.. من بعد ما كانو العياقة و الصالير يتباهاو بيه ولاو التشوميرة في الدار..غزلان دارت برأسها مريضها معليه باس و مشات عندهم لديورهم باش تواسيهم . اصلا خويا مللي غادي تزوج بيك غادي تخرجي من الخدمة بلا ر يال بلا جوج اللهم داك شويت فلوس اللي خديتو..الدريات غاسمعو حس الزواج و نساو الهم. اوواه؟كالها ليك؟ايمتا؟ ...كاتليهم اه راه وصى ماما توجد راسها باش نجيو ندويو هاد ليام. تكالماو و بداو من دابا يدبرو على نماري النكافات...صلاح حتى هو اتاصل بيهم و حدد معاهم الموعد.الواعرة هي كلهم غادي خطبهم فنفس النهار نفس الساعة.معرفت كيغادي يدير ليها؟ وقبل من الميعاد بيومين اتاصل بيهم و اعتادر على النهار لي غادي يجي خطب بسباب شي مشكل و قع ليه.الدريات متهضماتش ليهم اويلي وجدو و قادو و كالوها لواليديهم و حتى من الحلوة صايبوها. يتبع.
