الجزء الأخير داز شوية الوقت و الناس يتسناو في العروسة تدخل هي و مولاي السلطان..واحد الشوية دخلات غزلان في ابهى حلة و مشادة مع صلاح من اليد و الدقيقية تابعينهم.الدريات مفهمو والو ااو علاش مدخلها خوها؟نقزات وحدة زعما عايقة كاتليهم راه واقيلا دارو بحال داكشي ديال مريكان العروسة كيدخلها باها ولا خوها!!هه ولكن فيناهو العريس نورمالمو خاصو يكون واقف كيتسنا.؟و مها يسولو شي بنات من العائلة على العريس .كاتليهم وحدة فيهم راهو معامن مشادة العروسة عياي مايدورو فراسهم مبان ليه والو! عاودو سولوها الدرية تصحابهم واش غير حولين كاتليهم اويلي راهو صلاح.صلاح؟كيفاش؟ياك خوها؟ ..اشمن خو؟غزلان هي اللي عند مها و هداك صلاح ولد عمها اللي جا من مريكان!! واخة هكاك باقن ماستوعبو الصدمة حتى وقفات حداهم غزلان و صلاح كاتليهم مرحبا بيكم نقدم ليكم راجلي.صلاح.يالله غايبداو يعيرو وقفو ليهم عند راسهم واحد جوج ديال الفيدورات من الدرب مدور معاهم صلاح 200 درهم لوحدة باش ايلا تحركات شي وحدة من المجريمات يباليو بيها..خرجوهم برا و غزلان فوق العمارية.دموعهم في عينيهم. مللي وقفو برا بدات وحدة فيهم تحلف على غزلان و الله لا خلات فيها.نقزات الخرى كاتليها و انت مالك ما كلتها تانا لي دات ليا خطيبي و التلاتة كاتليهم كيفاش خطيبك راه خطيبي انا .لا خطيبي انا لا انا....و قلبوها مناتفة بيناتهم و الامهات يفكو مللي فشو غلهم فبعضياتهم و سخفو.بداو يكرو ولد الحرام دا لينا الفلوس .و هاد اللحظة حان وقت الأمهات. اشمن فلوس ابنات الحرام ؟حسابنا ديال الخدمة! اويلي على المسخوطات...و من تما هما غادين بيهم بالعصا حتى لديورهم.. صلاح الفلوس اللي خدا ليهم هما باش دار العرس و طلع الوراق لغزلان و داها معاه. اما خياتنا كلسو بلا خدما بلا راجل بلا فلوس و بحالة تصدمو في حياتهم ر جعو بحال المستوهات...هما اللي داروه في غزلان ماشي قليل دارو منها ضحكة و حرثو عليها و حتى شرفها بغاو يفضحوها فيه.و لكن هي و صلاح ر جعات ليهم الصاع صاعين و علماتهم انه" يضحك كثيرا من يضحك أخيرا"
