الجزء 4 ..وخياتنا بلا حشما بلا حيا في الليل جايين كاليك يطمنو عليها.غير دخلو سلمات عليهم ماماها و زربو عليها. "شتي اخالتي بنتك شنو دارت خلات على الصالة اللي فيها الحفلة و مشات دخلات العرس ديال الناس و خلاتنا بحال المصطيات نقلبو عليها محضرنا لحفلة ماشفنا والو.."مامها تاهية نية كتتار منها بقات تعتادر ليهم و طلبات منهم يوليو صحاباتها و يخرجوها معاهم و يواعيوها شوية راها دمدومة..الساعة الدمديم عندهم وراثي.. غزلان من بعد ما تشافات ر جعات الخدمة و ولات تخرج معاهم و تعلمات تلبس شوية و قادات الحالة.واحد الولد معاهم ولات تعجبو غزلان و قرر يفاتحها في الموضوع و بالفعل جا دوا معاها و بين نيتو انه ناوي المعقول..هي جات طايرة كالتها للدريات..وحدة فيهم غير سمعات سمية ديال الولد شداتها قاليمان..كانت حاطة عليه العين من شححال هادة و كاتحاول تجبدو و هو دافع عليها كبيير.و دابا يجي عند غزلان العبيطة؟ والله لكان ليها!...غزلان ولات تخرج مع السيد و يتافقو على موعد الخطوبة.و ف هاد أثناء كانو السليحفانات كيوجدو لشي خطة شريرة... داك النهار كان عيد ميلاد خطيبها والدريات اقتارحو عليها دير ليه مفاجئة .كالو ليها انوجدو ليه كلشي فدار وحدة منهم كتسكن بوحدها و نعرضو على صحابو و نعيطو ليه يجي. وافقات في الحين و بدات توجد. و جا النهار الموعود تجامعو في الدار و مخدمين الموسيقا و فرحانة وكاتسنا في فارس الاحلام يجي.وحدة من الشريرات سخراتها الكوزينة و غمزات واحد صاحبهم يتبعها.غير دخلات بدا يتودد ليها ويتقرب منها و هي كتهرب و خايفة واحد اللحظة بغات تحل التلاجة شدها من اللور بغا يبوسها صحة و بلوكاها ملقات كيدير دفعو و مايدخل غا خطيبها و يشوفها..صيطرات لحظة صمت و تبعاتهم الجوقة للكوزينة هي مسكينة بغاات تشرح ليه و لكن تزيزنات .فهاديك اللحظة. وبدات غتمتم .دفل ليها فوجها و خرج.بقات عتبكي. لاخر دربها بسلتة و الحضور الكريم: هاي هاي دوز عالواد الهرهوري مدوز على الواد السكوتي.غزلان يخرج منها هادشي.؟؟؟؟!!!!و هي مسكينة مدارتها لا بيديها لا برجليها.صحابات ديال بلعاني يواسيوو فيها زعمة و هما مالين الفعلة.. #يتبع.....
