الجزء 7 ..عيطو لغزلان باش يفهمو شنو واقع .كالت ليهم بللي شي سلعة جايبها من مريكان شدوها ليه في الديوانة وخاسو فلوس باش يخرجها وهو فلوسو كاملين حاطهم فيها.و هاداكشي اللي جايب معاه واللي عاوناتو هي مو بيه مكافيهش داكشي علاش خاصو يرجع لمريكان يلقا حل مع الشركة اللي رسلات ليه السلعة.وايلا مشا مغادي رجع حتى الصيف...بطبيعة الحال هادشي كامل كان تمتيل مكاين لا سلعة لا والو..الدريات و لاو يبيضو بيضة هنا بيضة لهيه..فينك و فينن الصيف؟و على عجباتو شي وحدة تما؟ولا ماتحلش ليه هاد المشكل؟و بعدا شنو فيها الى عوناه بهاد الفلوس لي خدينا من الخدمة؟المرا هي اللي تعاون راجلها و قت الحزة.ومللي تفك ليه السلعة من الديوانة غيرجعهم لي بالتاني و المتني!!سبحان الله العظيم! بثلاثهم طاحت عليهم نفس الفكرة حيت كانو سليحفانات و طماعات..الساعة صلاح طلع شطااار منهم.. عيطو ليه و قالو ليه راه غزلان حكات ليهم على المشكل و تقلقو حيت خبا عليهم و هما صافي مبقا والو يوليو عائلة..و عرضو عليه ديك الحصيصة اللي خداو من الخدمة يفك بيها حريرتو..صلاح رفض بشدة.ماشي هو الراجل اللي ياخد فلوس المرا.لا لا مايمكنش.ومن اصرار و تلحييح كتيير وافق لكن بجوج شروط اللول غير يخلص السلعة و يوصلها لالشاري يرجع ليهم فلوس.والتاني يؤجل الخطبة للسيمانا جايا حيت عيب يخطب بنت مسلفاه فوس مغاديش يقدر يهز راسو فيها.. وافقو واخا معجبهمش الحاال بزاف .ولكن اللهم سيمانا جايا و لا حتى للصيف.تلاقا معاهم و خدا لفلوس و دار براسو حشمان و محاملش راسو..من بعد منها جات غزلان تعرض عليهم عرسها مع ولد عمها اللي هما زعما مكيعرفوهش.سولوها مالها على هاد الزربة كان جوابها باللي معندوش وقت كتيير في المغرب و الطريطور غادي تكلف بكلشي..الدريات بداو يوجدو و يتقادو و واعدهم صلاح انه في العرس غادي عرف مو عليهم و طلب منهم يجيبو مواتهم باس يفاتحهم في الموضوع..مقداتهم فرحة.وشراو اغلى الكادوات و جاو القاعة مع مواتهم شدو احسن بلاصة ولكن من غباءهم ملاحضوش انهم كلهم جايبين مواتهم ..صدفة زعمة؟؟!! يتبع..
