حبيبتي آسـيرهہ دآعش

البارت السابع عشر والاخير

السَلٱمٌ عـَلـْيگمّ-ۈرحـْمّـٌة ٱللـّہ ﯙبُرگـّاتہ

#حبيبتي_اسيره_داعش

  #البارت_السابع_عشر.  17 والاخير

من طلعت من البيت اواني تفكيري كله يم سرور فرحان او خايف ابنفس الوقت وصلت للمستشفه فتحت باب الغرفه شفته ابنفس مكانهة كاعده ابزاويه الغرفه ومخليه راسه ابين رجليهة او متمسكه اب ملابسه من اشوف هل شي اموت من القهر اريد اعرف شنو سبب هل خوف كله شنو صار وياهة ب السبوع الي اسرهة بيه باسم ضليت واگف ب الباب او اعاين عليهة اوافكر بيهة سمعته صاحتلي امير امير والدمعه بعينه امير.... ياروح امير ياكلب امير تقبلين اجي يمج احجي وياه والدمعه بعيني احسهة طفلتي الوحيده مشتاق اخذهة بحضني بس ماكدر اقترب عليهة اله اذا هيه كلتلي لئن اخاف عليهة  سرور راح اجي اگعد يمج تقبلين سرور .... اي امير لاتتركني اني اخاف ابدونك  امير..... اني متركتج انتي متقبلين اجي يمج او لاتقبلين اشوفج 😢 كعدت يمهة مدت ايدهة او لزمت قميصي بقت شويه بعيده عني او ضليت احجي وياهة او افهمه لازم تتعالج موكل  الناس تريد اتأذيهة اني احجي او هيه مخليه راسه ابين رجليهة او تبجي بس متركت قميصي اتقربت عليهة او اخذته بحضني هيه زادت ب البجي خليت راسهة ابحضني او ضليت اهدي بيهة لحد ما نامت شلتهة للسديه او غطيتهة ضليت لازم ايدهة او كاعد يمهة هيه حيل لازمه ايدي خاف لااترك ايدهة غفيت او حسيت بيه تتلمس ابشعري فتحت عيني كتله اشتاقيتلج يالله طيبي حت نطلع منا ابتسمتلي حسيت هاي بدايه خير النه او بدت تتقبل دخول الممرضات اوتاخذ العلاج وشويه شويه صارت صحته كلش زينه بس بقه لازم نرجع للدكتوره النفسيه  اعرف هل شي كلش صعب عله سرور بس الجرح اذا متنضف مستحيل ايطيب. حجيت وياه اورفضت بس بعد محاولات هوايه قبلت ا وعدته مااتركه ابد او طلعنه الصبح للدكتوره رحبت بينه او بدت جلستهة الثانيه وي سرور  الدكتوره..... سرور احجيلي شنو صار ابذيج اليله الي اخذج المدعو باسم سرور ... من اسمع اباسم روحي احسه تطلع من جسمي اكرهة اتمنه اقتله ع الي سواه بيه 😭😢 امير .... بس سمعت اباسم باسم اتغير لونه او بدت تبجي لزمت ايدهة حيل اني يمج لاتخافين حبيبتي  الدكتوره.... جاوبيني سرور شنو صار  سرور.... من اخذني من يم امير شبك ايديه او شد قطعه قماش عله عيوني مشينه مسافه او توقفت السياره نزلني سحل من شعري😢دخلني الغرفه ضلمه جاب صودنه هوه او وياه 3 اشخاص او بدو ايضربون بيه ويصيحون ياخاينه اله نقتلج لحد مافقدت الوعي😢 امير... احس روحي تموت او تتعذب من اسمع كلام سرور اوهاذ كله ابسببي الدكتوره ... سرور كم يوم ضليتي يمهم تعرفين او لا  سرور.... ضليت قرابه سبوع 😢 الدكتوره اي كملي كلامج شنو صار بعد  سرور ..... فتحت عيني ماكدر اتحرك من الالم جسمي مكسر دخلو مره ثانيه سحلني من شعري الغير غرفه من دخلت بيهة شفته غرفه مليانه ادوات تعذيب😢سحلني او گعدني عله كرسي موصول ب الكرباء او بدو ايعذبون بيه  الدكتوره.... زين مكلولج ليش ايعذبون بيج سرور.... اي😢ايريدون يعرفون منو هاذ الي هربته بس محجيت شي او ضلو ايعذبون بيه من افقد الوعي ايصحوني كم مره ويرجعون للتعذيب امير.... ياربي😭😭اتحملت كل هل شي ابسببي بس حت تحميني اه ياربي  متحملت او ضليت حاضنه او ابجي او ضلينه اراجع يم الدكتور عشرين يوم لحد ما وصلنه لصعب مو قف  الدكتور.... سرور شنو صار باخر يومين وياج  سرور....😭😭عذبني او من كتله مااحجي شي او سبيته اعتده عليه امير.....😲😲😲😲 اني سمعت هيج اواني كرهت نفسي والدنيه او متحملت تركته او طلعت بره الغرفه ضليت ابجي ابكل حركه گلب شنو ذنبه حت تعيش كل هل شي ضليت ابجي البجاهة  سرور.... من تركتي امير حسيته اتخله عني اوراح يتركني ضليت ابجي او اصيحه امير امير اتهستر كلش  امير..... طلعت الدكتور وتصيح امير وينك تعال بسرعه غلط الي سويته مجان المفروض منك تتركهة ابهل وقت هس هيه عباله لئنك عرفت همه معتدين عليه راح تتركهة انته الوحيد الي يكدر ينقذ حياته اذا تحبه لازم تشاركه كل المه او حزنه او متترك ايدهه ابدخلت لكيته مثل متوقعته ركضت عليه اواخذته ابحضني اسف ياروحي مجان قصدي اتركج بس خفت متكدرين تحجين ابوجودي لهاذ طلعت باعيلي سروراني احبج اواريدج ابكل ضروفج وشلون مجنتي  شيلي فكره انو اتركج او اتخله عنج من راسج او حضنتهة او ضلينه نبجي اخذته اورجعنه للمستشفه نصحتني الدكتوره اطلعه من المستشفه اواخذهة تشوف الناس او تبدي تختلط وياهة او فعلن طلعته من المستشفه اخذته البيتنه اوبدت حالتهة تتحسن بس هيه متقبل اتركهة نومه كله اوهيه لازمه قميصي  او ايدي مرات تجيهة كوابيس انومه ابحضني صح اهلي يعرف انو هل شي ايصير حت تتحسن بس همين صعبه كل مره ايشوفوهة ابحضني او تبجي قررت اعقد عليهة ع الورق حت اتصير زوجتي او محد من الناس يكدر يحجي اي حرف استشرعنه او حصلنه الموافقه انو زواج ع الورق فقط كونهة مو بوعيهة حالين او ب الفعل عقدت عليهة او صارت زوجتني كدام كل الناس بس بيني او بين الله او بينهة اوبين اهلي احنه ممزوجين بس ع الورق اني كلت بس اتطيب اسويلهة  جمل عرس او ب الفعل بعد مرور ست اشهر صارت زينه او بدت تختلط وي اهلي او شويه شويه بنت تتقبل الناس صح مو هوايه بس افضل من قبل والحمداللله
  سرور..... من بعد مراجعتي يم الدكتوره النفسيه الحمدالله هوايه ساعدتني اوبديت اتقبل الناس او خصوصن الرجال لئني جنت اشوف باسم ابكل شخص ماعده امير. فدوه العينه ابد متركني رغم مامرات حت هوه اقسه ب الفعل والكلام وياه اوجنت من اكوبس بلي صار افز مرعوبه اوابجي للحضات حت هوه اخاف منه بس هوه ابد ماتركني جان سند الي من بعد الله سبحانه او اعرف احنه مزوجين بس هل الأرتباط ع الورق فقط مجنت افكر بيه اصلن او لاامير حسسني ابئي شي جنه نعيش ابنفس الغرفه بس مجان منتضر مني اي شي حت اهله مقصرو وياي خطيه شايليني ب الصلاوات 😞جنت حيل احزن من اتصرف وياهم ابقساوه بس هل شي مجان ابئراتي والحمداللله همه ايقدرون وضعي او همين متخلو عني. مر عله طلعتي من معتقل داعش سنه هنا يالله گدرت استعيد عافيتي اوصحتي اوصرت مااخاف من شي اسمه رجال قررنه نسوي عرس امير كلي اريد اشوفج ابدله العرس البيضه اواني حيل فرحت لان هل شي فرحه كل بنت اوب الفعل عزم امير اصدقائه او اقاربه او قررنه العرس الخميس اوطلعنه جهزنه جهاز عروس اني مقبلت لان هوايه صرفو عله علاجي فمردت ازيد عليهم بس امير مقبل اواصر اله اروح انجهر اوحت اهله مقبلو كالو من حقج تفرحين اوهل شي واجب اولازم ايصير اوافقت اواني الفرحه ماليه گلبي او طلعنه للسوگ اواخذنه ذهب اوملابس او رحنه ع محل تأجير بدلات العراس اوبدينه نختار البدله اخذنه بدله اجنن امير اصر اله يشتريهة الي اوكلي نحتفض بيه اوكل ما تشوفينه تنسين الماضي او تعيشين وتكملين حياتج 😢😢حيل فرحت اب كلامه حت ابو المحل استغرب منه ليش هيج حجه اوليش اني ابجي. فسئلنه خيركم صاير شي وياكم حجاله امير عن الي صار بس بختصار خطيه حيل انقهر الرجال دعالنه ب السعاده او كال هاي البدله هديه الكم احنه هسه بخير ابفضلكم وبفضل ابطالنه الي ايقاتلون ويضحون ع الجبهات. احنه مقبلنه بس هوه اصر علينه اشكرنه منه اخذنه البدله او طلعنه عزمه امير هوه اوعائلته للعرس. او بده يخلص الاسبوع اواجه الخميس اخذتني خاله هيه او بناتهة للصالون امير كال اني اخذكم بس مقبلت خاله هههههههههه كالتله مقداد ياخذنه   امير.... كتلهم اني اخذكم للصالون بس الحجيه مقبلت😞اريد اشوف حبيبتي شلون حتطلع اكـًـًًـــ👍ـًًًـًًـًـيّدً ح تطلع ملاك. الك الحمدالله ياربي انو فرجت علينه او طعلتنه من الشده للفرج  لا يمكنني إيقاف قلبي عن الإشتياق إليك، ولا يمكنني منع قلبي من حبك♡          ☝الشعر منقول  صار المغرب او حضرنه سياره الزفه زروقناهة ب الورد لاني اعرفه تحب الورد  او دزيتله مفاجئه صغيره للصالون باقه ورد جوري منوع لون ابيض او احمر او وردي منضرهة ايجنن اوعطره مثل عطر حبيبتي  سرور.... من خلصنه مكياج اولبست البدله طلعت اجنن😆😍 جان يندگ الباب مالت الصالون طلعت خالتي اورجعت بيدهة باقه ورد جوري اجنن عطره ترس الغرفه كالت هاي جابهة مقداد او دازهة الج امير يمه الفرحه متسعني الحمدالله واخيرآ طلعت من الضلمه اوراح ابدي حيات جديده وي امير  واعلنتُ تاريخ ميلادي ابتدأٍ عِندما دخلتُ مدينة عِشقكِ "فحبكِ تاريخي وعشقكِ إسمي وعنواني ..  
  امير...... طلعنه للصالون حت انجيب حبيبتي او اصدقائي مقصرو ركص او سووه ماصاير اخذت حبيبتي من الصالون بس مشفته زين لان جانت لابسه البرنص  وصلنه للبيت او دخلته شالن عنه البرنص 😲😮😮يمه شو هل جمال طالعه اجنن اقتربت منه اوهمستله احبج   طلعت للمعازيم او شويه او زفونه   وكفت اعاين عليهة😮😮 سرور...... متت خجل اوشفته ايعاين كتله ها بس لاطالعه مو حلوه😓 امير..... هههههههه لا منو كلج طالعه اجننين جنج الگمر وشويه اضوه اخذتهة بحضني   ﺍﻟﻮَﻃَﻦْ ﻟَﻴﺲَ ﺷَﺮﻃﺎً ﺃﻥ ﻳﻜُﻮﻥْ ﺃﺭﺿﺎً ﻛَﺒﻴﺮَﺓ ، ﻓَـ ﻗَﺪ ﻳَﻜُﻮﻥْ ﻣَﺴَﺎﺣﺔ ﺻَﻐﻴﺮَﺓ ﺣُﺪﻭﺩﻫَﺎ " ﻛِﺘﻔَﻴﻦْ …!°• .. °°  الحمدالله الله تمم علينه ب الخير  بعد مرور ست اشهر طلبت من امير يسئل عله اهلي اريد اعرف وين ماوين موحبآ بس ردت اشوف شلون عايشين اوگدرو ايكملون حياتهم وي هل ذنب الي سووه وياي او ب الفعل شهر او عرفنه مكانهم طلعو عايشين ب الشمال ومكملين حياتهم اوناسيني او لاجن باعو بنتهم. ردت اتواصل وياهم بس ماريدهم يعرفون مكاني ضليت افكر لحد ما شفت برنامج عله احد القنوات اخذت رقم المقدم طبعن كل هل شي ابعلم امير  امير... من حجتلي سرور اني مقبلت ماريده ترجع تعيش الالم بس هيه وعدتني مراح ايأثر عليه هل شي ب العكس راح تعيش اقوه او قبلت اخليكم وي سرور او بقيه الاحداث سرور.... اخذت رقم المقدم او اتصلت عليه او نطيته امير او حجاله كل قصتنه انطاه اثباتات على كل حرف حجيناه او نطيناه رقم بابه او امي او حت اخواتي  قررنه نسوي مكالمه جماعيه حت الكل يسمع ويصير عده علم قررنه نسوي مكالمه جماعيه حت الكل يسمع ويصير عده علم  انطانه موعد الحلقه المباشره الجمعه بس طلبت منه ممنوع ينطي رقمنه الاحد او يدلي مكان سكنه طلب يعرف ليش اوكتله ماريد اشوف اولااحجي وي الباعوني امسلمتهم بيد الله او وعدنه محد يعرف اي شي عنه لو كلف هل شي موته او ب الفعل صار الوقت او اجت الجمعه المقدم مقصر عله طول الاسبوع اينزل تنوبه او ضروره متابعه الحلقه انطه شويه تفاصل عن الموضوع او ب الفعل لاقه صده واسع او الناس صارت تنتضر عرض الحلقه ابفارغ الصبر او حان الوقت اتصل علينه المقدم او خلانه ع الانتضار او بده يتصل عله اهلي واحد واحد من ابويه ثم امي ثم اخواتي طبعن رقمي سوه مجهول الهويه او ميضهر عد احد غير المقدم او ب الفعل حاجه المقدم ابويه او جمعهم كلهم اب مكالمه جماعيه عم الاستغراب او كلهم يسئلون شنو سبب هل الاتصال ومنين جاب رقمنه كللهم المقدم احنه حمله الرئفه والرحمه ضد الضلمه  اريدكم تحجون عن معاناتكم او حياتكم استغربو بس كدر يقنعهم المقدم او ب الفعل بدو يحجون واحد واحد عن حياتهم او وصلنه العلي او حجوله شلون قتلوه داعش😭 سئلهم عني المقدام هنا الصدمه الي او الامير او للمقدم او الكل الناس كلوله ماتت قتله داعش او بدو حزينين عليه للحضه ردت اصدك كلامهم او حجوله عن رجعتهم للموصل او طلعو بايعين ممتلاكاتهم كله هنا صار لازم اني ادخل ع الخط او افضحهم او احجي الحقيقه    المقدم.... ويانه شخص ايريد يحجي وياكم اتفضل الهوه الك   الوووو مساءالخير اني سرور عبد الرحيم جنت طالبه سادس او اسرنه داعش اني والي اسمهم اهلي ضلينه سوه كم شهر او المفاجئه اهلي باعوني الاحدالدواعش والثمن ايهربهم من المعتقل او فعلن طلعو اوتركوني للعذاب  بس الله ميحب الضلم او بعثلي الي نقذحياتي او هسه هوه زوجي او ابو طفلي انشاءالله  بدو يبجون او تعذرون بس مستحيل اكو حرف او كلمه تشفعلهم الي سووه بيه ختمت الحديث او كتلهم ردت بس اكشف حقيقتكم وشوف العالم شلون الاهل ايبيعون بناتهم ابلايه ضمير او بلايه رحمه اني ميته ب النسبه الكم او راح ابقه ميته اونتم من يوم الي بعتوني بيه متو ابنضري. امسلمتكم بيد الله الي ميضيع حق مضلوم او نهيت الاتصال .....!!!  ضلو ابصدمه حاولو يعرفون اي شي او حت ياخذون رقمي بس مستفادو شي او المقدم وفه ابوعده اومنطه او لاحجه عني اي شي  من بعد هذيج اليله عشنه ابسعاده و امير حيل فرح ابحملي او صار عدي تؤم بنت او ولد سميت البنت امل والولد سماه امير مقداد عله اسم اخوه الي ساندنه من اول الحضات او ماعرف شلون انجازيه. رجعت للمدرسه او كملت السادس او دخلت الكليه القانون اوهسه اني محاميه او دافع عن البنات المضلومات لاني اعرف شنو الضلم او شنو معاناته    الله سبحانه اوتعالى من ايدخلنه اب امتحان او ضروف كلش صعبه ماينسه اي خليلنه باب فرج او رحمه  ابقو ابحبل الامل متمسكين مهما زاد الحزن عليكم      كيف نيأس ! .. وَربّي يقوُل : { وَلا تيأسُوا مِن رُوح الله } .. ! 

النهايه.

اتمنى تكون القصة نالت اعجابكم
رأيكم حبايب بالقصة يهمني حتى استمر بكتابته القصص
أإأذأإأ عجبتكم القصة