السَلٱمٌ عـَلـْيگمّ-ۈرحـْمّـٌة ٱللـّہ ﯙبُرگـّاتہ
#حبيبتي_اسيره_داعش #البارت_الثاني_عشر. 12
سرور.....ضليت شهر يالله كدرت احصل تلفون بس اكثر من مره ايلاكيني باسم وجه ابوجه اني اخاف منه خاف يعرفني او انتهي صارلي هنا ست اشهر محد شك بيه اولااحد قرب عليه كوني بنت مريضه او اعرج اووجهي مرگع مينعرف لونه بس همين اخاف منه او لئن صرت اتردد النفس المكان دائمن صرت اشوفه هوايه فمره وكفني حسيت روحي راح تطلع من جسمي او نشف دمي باسم.... هي تعال جاي شسوين هنا سرور..... 😲هاا جبت اكل طلبو مني اوهسه راجعه الشغلي باسم.... ونتي وين تشتغلين سرور....😲 اشتغل ب تنضيف الحمامات باسم...... اي مبين من شكلج قذره يالله ولي منا سرور.... رحت بس متت خوف بس همين حيل نقهرت من كلي هيج تمنيت ارد عليه بس ماكدر مو خوفن عله حياتي لا اخاف عله امير لئن صرت احبه اوهوه وعدني ايطلعني منا😞😢 ياربي فرج علينه بسرعه هاي دخلت ب الشهر السابع يمهم او ماكدر اتحمل اكثر😭😭 امير.... صار اليل او اجت حبيبه گلبي دخلت او سدت الباب او گعدت بعيد عني او ضلت تبجي اوايدهة ع حلگهة حت متطلع صوت بس حيل تتنهد وخرت كل الاغراض عني او رحتله شبيج سرور اشصاير احد اتعرضلج سوولج شي سرور .... حضنت امير او ضليت ابجي بحركه گلب لامسوولي شي بس تعبت امير الله يخليك طلعني منا لاتتركني مثل مسوو اهلي😭 امير... وعد اطلعج منا او هسه اتصل عله اهلي اوبسرع وقت يجونه لاتخافين حبيبتي انتي بس بعد صاير شي احجيلي اولاتضمين عني سرور... حت مالي حق افرح ابكلمه حبيبتي من شخص اني حبيته صدگ. اه ياربي ساعدني😢 امير تذكر باسم امير.... اي شبيه سرور.... احسه امراقبني ويشك بيه واليوم وگفني او سئلني شعدج هنا. امير بس يعرفني اني انتهي 😭 امير..... اششش اخذته بحضني لاتبجين مراح ايصيرلج شي لتخافين تعالي گعدي هنا هس اخابر اهلي. امير.... اني حافض كم رقم اول رقم اتصلت عله اخوي مقداد مقداد..... اني همين اداوم ب الحشد ضابط بليل ساعه ب ال1 تقريبآ دك عليه رقم غريب جنت نايم ملحكت افتح رجع اتصل مره ثانيه فتحت خط الووو منو محد حجه الوووووو منو وياي امير..... سمعت صوت مقداد اوخنگتني العبره مكدرت ارد عليه بس لازم الزم نفسي ا رديت عليه حبيبي مقداد شلونك مشتاقلك اوروح ابوي😭 مقداد......😲😲😲😲 منو امير انته امير اي اي امير والك ياخويه والك امير ضليت اصيح التمو عليه اهلي كلهم اوممصدگين الي احجي امي تبجي اوبابه اوخواتي كله تصيح خل نحجي وياه فتحت سبيكر او اصيحله امير وينك احجي بروح ابوك والك امير امير..... سمعت اصواتهم يحجون اويبجون اوسمعت امي تبجي اخ يايمه اشكثر مشتاقلج مكدرت احجي من البجي اختنكت حيل اخذت مني سرور التلفون الوووو مقداد تسمعني مقداد .....😲😲هاي صوت بنت انتي منو امير وين جاوبيني سرور.... اخي مقداد اهدء امير بخير بس حيل انهضم من سمع اصواتكم بعد كل هل مده اخي صار لازم اسد الخط مكدر انطول اكثر مقداد.....😲😲😲😲لاالله ايخليج محجينه وي امير وينه بس خل نسمع صوته والله امي تموت اذا متسمع صوته اريدهم ايسمعون صوته حت يتأكدون هوه عايش اواني مجاي اتوهم هل شي سرور..... اوك بس مواكثر من عشر ثواني امير..... يوم شلونج مشتاق لتراب رجليج والله لاتخافون عليه اني بخير ماكدر بعد اطول ب الاتصال باجر احاول اتصل بيكم. انقطع الاتصال😢😢 مقداد.... امير وينك يمه امير حاجيني مشبعت من صوتك اووگعت امي كلنه ركضنه عليه اواخذناهة للمستشفه كعدت اوضلت تبجي يمه لاتبجين هاي طلع عدل وطمنه عنه موسمعتي كال باجر يرجع يتصل لاتبجين اوكتلهم الخبر لايطلع خاف ايصير خطر عله حياته اوهيج رجعنه للبيت
يتبع.....
تصبحون علا خير
أنت تقرأ
حبيبتي آسـيرهہ دآعش
Spiritualالسلام عليكم حبايب كلبي قصه حب جديدة للعلم القصه حقيقيه اخذته من احد مقاطع الفيديو الي شفته وحيل اتاثرت ابصاحبه القصه لهاذ ضلت معاناتهة مخطوطه ابالي فحبيت ارويهة اتمنى تعجبكم القصة منقولة ❤❤
