الجزء السادس:
لين بحزن:اتزوجو زواج تقليدي بس امي كانت الزوجة المثالية الي تخفف عن بابا وتساعده وهيك اشياء كانت وااعية لدرجة كبيرة محترمة بتخليك تحترمها غصب عنك حتى انها كانت الام المثالية رغم انشغالها مع بابا بالشغل والتعب الي بتتعرضله كانت بس ترجع تيجي وتقعد معي وتحكي معي الي بصير بيومها مشان انا اتشجع واحكي وبعدها صرت لحالي احكيلها كلشي بصير كانت ولا زالت بيت اسراري كل يوم جمعة بالعطلة تعلمني شي مرة طبخة مرة نصيحة مرة معلومة مفييدة مرة خياطة مرة الدفاع عن النفس مرة قرآن كل جمعة كانت تعمل فيها شي معين ما كانت تمر جمعة من دون ما كون متعلمة شي جديد وهشي صار مع الوقت يرسخ بذهني متذكريته كله حرف حرف كلمة كلمة مشان هيك بابا عشقها لماما، اما ابي شخصيته بتشبة ماما ببعض الاشياء بس بتختلف بكثير اشياء، مثلا امي تحب تعلمي طبخ ابي يحب يعلمني الدفاع والقتال، امي بدها اقرأ كتب ابي بده اتعلم عالتكنولوجيا مشان هيك كنا نقسم الشهر مرتين ماما ومرتين بابا وهيك اتعلمت كل الاشياء الي بتفيدني من ابي ومن امي حياتنا كانت سعيدة ورائعة ومن اجمل الحياة الي ممكن تمر عليك، عكس عمتي الي كانت مدللة بكل شي زمان وهاد الشي اثر على حياتنا كانت تغار من امي انو امي قدرانة تقسم وقتها وهيك بلشت تحطلنا سحر وقصص مثل هيك اتعذبنا كثير واحنا عايشين بنفس الولاية مع عمتي قررنا ننتقل لولاية ثانية وكان انا الي رح اختارها فاخترت نيويورك، كنت عارفة انها رح تكون الولاية المناسبة لالنا
جاسر:لحد الان مفهمت شدخل عمتك؟!
لين:رح احكيلك بعد مرور 3 سنين اجت عمتي فجأة وبلشت تعتذر وتحكي انو ما كان قصدي وهيك اشياء وابي وافق وصارو يروحو وييجو مع بعض ورجعت علاقتهم مثل قبل، لحد اليوم الي كنا رايحين نبات (ننام) عند عمتي سمعتها بتحكي بالغرفة مع حد وكنت عارفة وواثقة انو مو زوجها لأنو كان نايم عند اهله لأنو امه مريضة وقفت عالباب وبلشت اسمع هي شو بتحكي ويا ريتني ما سمعت
#يتبع #انتقام_مخطط_له
لا تنسو الفولت و 3 كومنتات ❤
