الجزء الثالث والعشرين :
لين تكمل؛؛:لحد الان بتذكر شو صار بالمحكمة
فلااش باك
كنت رايحة عالحمام زبط شعري وهيك اول ما طلعت انصدمت انو في حد مسك ايدي، خبطني بالحيط (الجدار) وحشرني بين ايديه وبسبب حجم جسمي كانت الحركة كثير سهلة،
جاسر:ما تفكري انو ميت لإتزوجك انا مغصوب على الزواج، بكره جنس حوا، لا تفكري تغريني، او تعملي اي شي بيلفت انتباهي، تمام
لين ببرود:اعتبر هاد تهديد؟؟
جاسر بغيظ:يلي بدك ياه، بس لا تقربي عليّ انا مو عارف سبب زواجي منك اساسا
لين بغموض:رح تعرفه قريبا
جاسر:ما بهمني، انا اساسا ما رح اتحمل ظل مع وحدة مثلك (بيلف تا يروح ويتركها)
لين (بتمسك ايده):خلصت حكيك، بتسمع الناس يلي سمعتك، صار دوري بالحكي، انا كمان مجبورة على حضرتك سيد جاسر، ولو انو مو مضطرة كان ما تزوجتك، عدا هيك مييين يلي حكالك انو انا رح احاول اغريك، او الفت انتباهك، (تركت يده ومشت خطوة ورجعت لفت حالها وحكت) وكمان معلومة بسيطة انا ما بطلع على اشكالك، ويلي بكون عندو (بتقلد صوته) شيري، وريم، ما بحتاجه اوكيي بيبي سلااام (عملتها بطريقة مستفزة)
نهاية الفلااش باك
لين؛؛:من هداك الموقف كرهت جاسر، وحكيت انو خلااص هو مثله مثل اي واحد من جنس ادم، ما بنكر شدة اعجابي فيه، انا مواصفات فارس احلامي كانت كلها بتنطبق على جاسر، يعني مثلاً انا كنت بدي حد جريء لأنو انا خجولة كثيير، كنت بدي حد معضل (عندو عضلات) وطويل مشان اجلس بحضنه لأنو جسمي صغير، كنت بدي حد يحب القراءة والنسكافيه، كنت بدي حد بصلي وما بيقطع فرض صلاة، كنت بدي حد عنييد لأنو انا عنيدة، بدي حد متكبر ومغرور مشان اكسر غروره وتكبره كل شي بيعجبني فيه، ما رح انكر ابدااا انو لو بظل معو فترة اسبوع بصير مو بس بحبه لاا بموت عليه، وهاد شي كنت ولا زلت خاايفة منو، بس جدو طمّني، وعمو احمد كمان طمّني، ههه مسكين عمو احمد ما بيعرف انو انا بعرف انو هو بكون خال جاسر، مفكرني منتبهت، هه المهم يا ترا شو بيعمل جاسر
التفت لجاسر لقته منسجم بالرواية
لين بخجل:جاسر
جاسر (منسجم):ههمم
لين:ويين صرت فيهاا
جاسر (منسجم):ههمم،انتي قرأتيها؟؟
لين بخجل:صراحة لاا بس يعني اذا حلوة بقرأها
جاسر (ترك الكتاب من ايدو) :ههمم بتعرفي مو كثير حلوة
لين:جربت تقرأ "لعنة جورجيت" ؟!
جاسر: .....
#يتبع لا تنسو الفولت و 3 كومنتات
