الجزء الثلاثين :
الدكتور (متدارك الوضع):احم، عادي وهي بأواعيها، خطها بالبانيو، ولازم تكون الميّ باردة، انت دكتور وبتعرف
جاسر بخجل:احم، دكتور علم نفس
الدكتور:اوكيي، مو مشكلة حكيتلك، وهي رقمي (اعطاه بطاقة) اذا احتجت اي شي، اتصل
جاسر:شكراا، عنجد شكرا
الدكتور:لا شكر على واجب
بيطلع الدكتور من عند جاسر، بروح جاسر وبجهز البانيو وبعبيه ميّ باردة، بعدها بروح بجيب لين،
جاسر:هفف والله حرام الدنيا برد، خلص يلا بحطها، حمل لين من عالتخت وبعدها حطها شوي شوي بالبانيو
لين بفزع:ااححح، جاااسر
جاسر:اتحملي لين، بس شوي
المهم بعد مرور خمس دقائق حملها وبدللها اواعيها وبس خلص،
لين:جااسر، انا بحبك
جاسر بصدمة:ونا كمان
لين:انا بشوف بالمسلسلات بس البطل او البطلة يعترفون ببوسو (يقبلون) بعض
جاسر:ثواني وراجعلك
جاسر:مرحبا دكتور
الدكتور:هلا اتفضل؟؟
جاسر:دكتور انا جاسر
الدكتور:يهلا؟!
جاسر:دكتور لين بتحكي اشياء غربية
الدكتور:هي اعراض الحرارة، هي عم بتهلوس
جاسر:اوكيي دكتور، يسلمو
بلف حاله ليرجع عند لين
لين:هي اشياء غربية، انا بعترفلك بحبي
جاسر:لاا
لين:احكي انك ما بدك تبوسني
جاسر بخجل:اييش، يعني انتي بدك تبوسيني
لين بجراءة (من اعراض الحرارة):ايواا
بلشت تقرب
لين:جااسر، نزّل حالك شوي انت طويل
جاسر نزّل حاله شوي، لين مسكت جاكيت جاسر وقربت راسها من راسه، بدها تبوسُه
جاسر بخجل:لييـ
سكتته ببوسة على شفايفة، جاسر مولع من الخجل
لين:جاسر انا بحبك
جاسر: ....
لين:اوووف، عليك حرارة
جاسر حاول يتخلص من خجله:"مسك لين من خصرها وسحبها لعنده" هي من قربك
لين بخجل:جااسر
جاسر:يا عيون جاسر
بجي جاسر بقرب عليها بدو يرد البوسة
______
حاسة انكم عم تبتسمو 😂😂، انتو شدخلكم مو عارفة ولسا كل هاد من اعراض الحرارة والهلوسة
______
بدق باب الغرفة
جاسر:ههففف وقتك
لين:مين هاد (حابسة الضحكة)
جاسر:اكييد خدمة الغرف، طلبتلك اكل
لين:ليش
جاسر:مرييضة مشان تاكلي وتشربي الدوا
لين:اوووف
راح جاسر فتح الباب واخذ الاكل سكر الباب، خط الاكل على الطاولة ونادا لين؛
جاسر:ليين، تعالي عالاكل
لين:طعميني بايدك
جاسر بضحك:لازم تظلي مهلوسة اذا هيك، يلا تعالي؛ بسم الله
ببلش جاسر يطعمي لين وبعدها بشربها الدوا الي طلبه جاسر مع الاكل، بعدها مدد لين عالتخت وجاب كمادات ميّ باردة وبلش يحطلها، لين نامت مباشرة وجاسر بس حس انو الحرارة خفت، طلع عالبلكونة مشان يحكي مع الجد
جاسر:احم، السلام عليكم
الجد:و عليكم السلام
جاسر:لين، مرضت
الجد:كان متوقع
جاسر:المهم، شو صار مع خالي احمد؟!
الجد:جهز الشركة، وبعد بكرا دوامكو انت ولين
جاسر: ....
#يتبع لا تنسو الفولت و 3 كومنتات
