ملك :يا نهاااار
مش معقول دى حياء تعال يا أحمد بسرعه نشوف مالها
أحمد:طبعا يلى بينا وعندما اقتربوا قليلا بصى روحى انتى اطمنى عليها وأنا هستناكى بعيد شويه
ملك:ماشى هروح انا
حياء حبيبتى مالك فى اى بتعيطى لى
حياء بصوت مخنوق من كثرة البكاء :ملك
ملك:مالك يا قلبى قاعده لى كده وبتعيطى ليه
حياء:ملك 😭😭 انا تعبانه اوى يا ملك حاسه انى مش قادرة أتنفس مخنوقه من كل حاجه نفسى اموت يا ملك مش عايزة أعيش
ملك بدموع: بس اسكتى بعد الشر عليكى طمنينى بس وقوليلى مالك فى اى
حياء:قلبى واجعنى اوى يا ملك حاسه انى عايزة أصرخ اعيط عايزة أخلص من الألم دا يا ملك مش قادره خلاص
ملك:طيب بس استهدى بالله وقومى معايا عشان استئذن أحمد إنى أروح معاكى ونتكلم براحتنا .أحمد ممكن أروح مع حياء
أحمد:من غير ما تقولى أنا كنت هطلب منك تروحى معاها تعالى اوصلكم عشان الحق امشى
وأمام منزل حياء
ملك:بنت امسحى دموعك كده واشربى العصير دا عشان محدش ياخد باله أنك كنتى بتعيطى
حياء:معلش يا كوكى تعبتك انتى واحمد معايا
ملك:بس يا هبله تعب اى يلا ندخل ولا هتقعدينا ف الشارع كتير وأنا موزة حلوة كده والناس ممكن تعاكسنى
حياء:ههههههه طب يلا ندخل يا حلوة
السلام عليكم ورحمه الله وبركاته
الأم:حياء تعالى يا حبيبتى سلمى على محمود ابن عمك نزل إجازة من السعودية وجاى يسلم علينا
حياء:ثانيه يا ماما اتفضلى يا ملك تعالى
الأم :ازيك يا كوكى عامله ايه
ملك:الحمد لله يا طنط بخير
محمود وهو يمد يده ويسلم على حياء:ازيك يا حياء
حياء:الحمد لله تمام حمدلله على السلامه
محمود وهو يمد يده ليسلم على ملك:ازيك يا ملك عامله ايه
ملك:الحمد لله بخير بس اسفه مبسلمش بالايد
محمود:لى يا ملك
ملك:لأن حرام يا استاذ محمود الرسول صلى الله عليه وسلم قال لأن يطعن فى رأس أحدكم بمخيط من حديد خير له من ان يمس امراءه لا تحل له
حياء:عليه افضل الصلاة والسلام عن إذنك يا ماما هاخد ملك وندخل جوه نورت يا محمود
الأم:اتفضلو يا حبايبى
