الفصل الثامن
الو سلام عليكم ورحمة الله وبركاته
مليكة:وعليكم السلام الله وبركاته مش هتصدقى اى إللى حصل
ملك:خير يا بنتى قلقتينى
مليكة:جايلى عريس
ملك:اععععع بجد انزلى بالديتيلز بسرعه
مليكة:يا بنتى اتهدى شويه انا لسه مقعدتش معاه اصلا معرفهوش كل اللى أعرفه أنه اسمه معاذ عنده 28 سنه محاسب بابا سأل عليه لقاه بيصلى كل الفروض في المسجد اخلاقه كويسة بشهاده أصحابه فى الشغل وجيرانه بس
ملك:بسم الله ما شاء الله هايل بدايه مبشره ها بقى المفروض هتعملو رؤيه شرعيه امتى
مليكه :المفروض هييجى بالليل انا حاسه انى متوترة وتايهه ومش عارفه المفروض اعمل ايه
ملك:اهدى خالص مش وقت توتر ده لسه اجلى التوتر لبعدين انتى دلوقتى روحى اتوضى وصلى ركعتين وفوضى أمرك لله وان شاء الله إللى فيه الخير يقدمه ربنا وبعدين حضرى طقم كويس من عندك هادى كده وخليكى على طبيعتك وخليكى واثقه فى نفسك وان شاء الله خير
مليكه:يا ترى هعجبه
ملك:اى الهبل إللى بتقوليه ده حبيبتى انتى زى السكر ودمك خفيف وكفايه أخلاقك وبعدين الشخص إللى بيختار بمقياس الجمال ده شخص مريض لأن الجمال مش كل حاجه الرسول صلى الله عليه وسلم قَالَ : ( تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ ) .
وليس في الحديث أمر أو ترغيب في نكاح المرأة لأجل جمالها أو حسبها أو مالها.
لكن المقصود : أن هذه مقاصد الناس في الزواج ، فمنهم من يبحث عن ذات الجمال ، ومنهم من يطلب الحسب ، ومنهم من يرغب في المال ، ومنهم من يتزوج المرأة لدينها ، وهو ما رغب فيه النبي صلى الله عليه وسلم بقوله : ( فاظفر بذات الدين تربت يداك ) .
مليكة:عليه افضل الصلاه والسلام شكرا خالص يا كوكى مش عارفه من غيرك كنت عملت ايه
ملك:بس يا هبله لا شكر على واجب روحى بقى اعملى ماسك ولا حاجه عشان تبقى بشرتك صافيه ف الرؤيه وطبعا مفيش داعى اقولك بلاش ميك أب
مليكة:لا طبعا ميك أب اى احنا بتوع الكلام ده برضو اسيبك بقا واروح أجهز
ملك: ماشى يا قمر فى رعاية الله ابقى طمنينى أول ما يمشى
مليكة:تمام يا حب سلام
ملك:سلام
فى المساء
مامت مليكة:بسم الله ما شاء الله قمر يا حبيبتي بس مش حاطه ميكب لى
مليكه:لا يا ماما انا كده مرتاحه والله عجبته تمام معجبتوش أكيد ربنا شايلى الاحسن
الأم: يا حبيبتى مش قصدى كده دا انتى تعجبى الباشا يلا بقا الناس قاعده بره من بدرى
مليكة:ما لسه بدرى يا ماما
الأم:يلا يا بنت قدامى بلاش دلع
مليكة:حاضر حاضر
عند الضيوف
مليكه بكسوف:السلام عليكم
الجميع:وعليكم السلام ورحمة الله وبركاته
الاب:سلمى يا مليكه على معاذ
مليكه وهى تنظر للأرض : ازى حضرتك
معاذ: الحمدلله بخير
الاب:اتفضو يا جماعه نقعد ف الصالون
مليكه وهى تنظر لابيها نظرة رجاء"بابا متسبنيش لوحدى
الاب بنظرة تبث الاطمئنان في قلبها"أنا قدامك عأهو يا حبيبتى لو احتاجتى حاجه اندهيلى على طول
بعد فتره من الصمت قطعها معاذ :ازيك يا انسه مليكه
مليكة:الحمدلله بخير
معاذ :على فكرة احنا ف رؤيه شرعيه يعنى من حقك أنك تبصيلى
فقد أمر رسولنا صلى الله عليه وسلم من رغب في الزواج من امرأةٍ معينة أن ينظر إلى ما يدعوه إلى نكاحها، وقال لبعض أصحابه: (انظر إليها فإنه أحرى أن يؤدم بينكما) وقال لآخر: (انظر إليها فإن في أعين الأنصار شيئاً) وهذا أمرٌ في غاية الأهمية؛ لأن الإنسان أحياناً يرى إنساناً فلا يرتاح إليه، ليس لعيب فيه، ولكن لأن (الأرواح جنودٌ مجندة ما تعارف منها ائتلف وما تناكر منها اختلف)
مليكه وهى تنظر إليه :عليه افضل الصلاة والسلام
معاذ:ها بقا فى حاجه معينه عايزة تسألينى عنها
مليكة:لا بس ممكن تتكلم عن نفسك
معاذ:اسمى معاذ محمد 28سنه خريج تجاره انجلش شغال محاسب فى شركه عندى أخ واخت هما كل حياتى بعد والدى ووالدتى
مليكة:اى اخبار علاقتك مع ربنا
معاذ:الحمد لله اهم حاجه عندى صلاتى لازم ااديها فى وقتها لأن لا خير في عمل ينهى عن الصلاه بصراحه مش حافظ غير حاجات بسيطه من القرآن بس عندى امل أننا ان شاء الله نختمه سوا
مليكه بوجه احمر من الكسوف :ان شاء الله
معاذ:طيب وانتى بقا مش حابه تتكلمى عن نفسك
مليكة:اسمى مليكه محمود عندى 24 سنه خريجه صيدله عندى اخ واحد ومسافر بره مصر وربنا يخليلى بابا وماما
معاذ:ربنا يحفظهم يارب
مليكة:آمين
بابا مليكه:اى يا جماعه اخرنا عليكم
معاذ:لا يا عمو انا كنت لسه هستأذن عشان الوقت اتأخر ان شاء الله هستنى الرد من حضرتك واتمنى يكون خير
الاب:ان شاء الله شرفتونا يا جماعه فى رعاية الله
معاذ :فى رعاية الله
بعد مغادرة الجميع
الأم:ها يا حبيبتى اى رأيك
مليكة:كويس يا ماما بس طبعا لسه هستخير وربنا يقدم اللي فيه الخير عن إذنك بقا هروح اكلم كوكى
الأم:روحى يا حبيبتى ربنا يكرمك
الأب:اى رأيك يا ناديه
الأم:بصراحه الولد كويس ومحترم أنت رأيك اى انت برضو ليك نظرة فى الناس
الاب :الشاب محترم وعلى خلق والرسول صلى الله عليه وسلم قال : ( إذا خطب إليكم من ترضون دينه وخلقه فزوجوه إلا تفعلوا تكن فتنة في الأرض وفساد عريض )صدق رسول الله صلى الله عليه وسلم واهم حاجه برضو رأى مليكة.
فى غرفة مليكه:اى يا كوكى
ملك:اى يا قلبى طمنيني حصل اى
حكت مليكه كل ما حدث لملك
ملك:طيب كويس جدا ها بقا انتى حاسه بأيه
مليكة:عادى مش عارفه حاسه شويه مبسوطه على شويه قلقانه وشويه خايفه بس هستخير واشوف
ملك: تمام يا قلبى
مليكة:ملك راجعى معايا دعاء الاستخاره كده حاسه انى ناسيه كل حاجه
ملك:ههههههه كل دا من الرؤيه بس
ماشى يا ستى بصى بقا هتعملى اى
علمنى زوجى
بقلمى آيه على
راجية الجنه
