الفصل الثانى
ملك: استنى صح فين الحاجه اللى هتوريهانى
احمد: اه صح فكرتينى غمضى عينك
ملك : اهو غمضت ها افتح افتح ولا لسه يلى يا احمد
احمد: خلاص يا بنتى بطلى زن افتحى
ملك:اععععععع بوكس رمضان الله فانوس جمييل اوى اى دا كمان بوجى وطمطم وشيكولاته ميرسيه خالص انا مبسووووطه اوى انا بحبك اووووووى
احمد: يا فرج الله اخيرااااااا سمعتها منك لا لا مينفعش انا لازم امشى قبل ما اتهور سلام
ملك : استنى بس يا احمد هههههه مشى
مجنون بس بحبه
اوبس نسينا نتفق على الفرح
الام:اى دا احمد مشى
ملك:ايوة يا ماما مشى شوفتى الفانوس الجميل دا ولا بوجى وطمطم حلوين جدا يا ماما
الام: بسم الله ما شاء الله حلوين خااالص يا حبيبتى يعيش ويجيبلك
ملك:اللهم امين اسيبك بقا واروح اكلم مليكه وحياء عشان ابعتلهم صور الهديه
الام:روحى يا حبيبتى وسلميلى عليهم.اى دا مين اللى بيخبط كده
ملك:مش عارفه استنى هروح اشوف مين
الام:خير اللهم اجعله خير
ملك:مريم دى مريم ومروان يا ماما
الام: مريم حبيبتى يا بنتى وحشتينى 😍 ومروان كمان واحشنى خالص
مريم: انتى كمان يا ماما وحشانا حتى مروان كل شويه يقول تيته تيته
الام :دا حبيبى هاتيه شويه يا ملك
ملك :اهو سلمى عليه بسرعه عشان اخليه يلعب بالفانوس والحاجه اللى جبهالى احمد
الام:ماشى يا حبيبتي
مريم:وانتى عامله ايه يا ماما وبابا وانتى يا ملك وأحمد
الام وملك:كلنا بخير الحمد لله
الام:انتى جيتى لوحدك ولا اى يا مريم
مريم:لا يا ماما دا محمد وصلنى ومشى على طول عشان عنده شغل وبيسلم عليكم لغايه ما يبقى يجى
الام:الله يسلمه يا حبيبتي هروح احضرلك العشا انتى ومروان قبل ما تنامو
مريم:لا يا ماما احنا اتعشينا وجينا هروح انام وبكرة نقضى اليوم سوا تصبحى على خير
الام:وانتى من اهل الجنه يا حبيبتي متنسيش قرائه سورة الملك قبل النوم فعن عبدالله بن مسعود رضي الله عنه قال "من قرأ تبارك الذى بيده الملك كل ليله منعه الله بها من عذاب القبر " وكان فى عهد رسول الله صلى الله عليه وسلم يطلقون عليها المانعه لما تمنع عن صاحبها من شر وتنجيه من العذاب والألم فى القبر ويوم القيامة.
