ظروف الزمن اقوى منا ياشيهانتي يا أنثى الصقر../مكتمله

البارت الرابع

البارت الرابع :
&
:
&
:

بسم الله..لا اله الا الله...الله اكبر...سبحان الله..استغفرالله...صلو على من بكى شوقآ لرؤيتكم
_____
شيهانه بعد ما راحت من قدام صقر اللي غمز لها عقدة حواجبها بستغراب(ذا وش في كذا مسوي طاق الميانه )طنشت الموضوع وكملت للكافتيريا خذت طلبها وتوجه تدور طاوله .....:شيهانه هناا
شيهانه استغربت منو يناديها لفت وشافت داليا(ام التوأم)تأشر لها ابتسمت بفرح من زمان عنها توجهت لها وجلست بجمبها:السلام
داليا ببتسامه:وعليكم السلام
شيهانه بفرح:داليا زمان عنك وينك كذا مختفيه
داليا ببتسامه:ابد كنت مشغوله تعرفين فترة اختبارات من الاختبار لي البيت
شيهانه:اهاا
بنفس الوقت دخل صقر مع راكان:هههه انت من جدك
راكان:اي امزح معك يعني
داليا ناظرت صقر ببتسامه لاحظتها شيهانه اللي مستغربه
داليا ناظرت شيهانه:امم شوشو شوي وجايه
شيهانه بستغراب:طيب
قامت داليا تحت نظرات شيهانه وتوجة لصقر وباين تكلمة معه وخذته على الجنب شيهانه عقدة حواجبها بستغراب وهي تشوفها كيف تمزح معه وتضحك وهو مبتسم لها فتحت فمها بصدمه وهي تشوف داليا تعطي صقر جوالها وهو خذاه ماتدري وش سوا وردا لها قاطع عليها صوت
رنده وهي تضحك:هههه شوشو شنو فيج جذي فاتحه فمج
شيهانه بفهاوا:هاا هذا هههه اي هلا
جلست رنده قدام شيهانه وبكذا ماكانت تقدر تشوفهم
رنده بستغراب:شنو فيج
شيهانه تنهدت وناظرتها:هلا لا ولا شي
قطع عليهم رجعة داليا:اووه هلا
رنده قامت :هلا فيج
داليا جلست بجنب شيهانه وقدامهم رنده:انا داليا من السعودي
رنده ابتسمت:ياهلا وانا رنده من الكويت
شيهانه بوناسه:واخييرا خلصنه فترة الاختبارات
رنده:يب اربع اختبارات وكل واحد اصعب من الثاني ولا كلهم بلانجليزي
داليا:هههه اي والله وين بتروحون بما انهم حاطين عطله
رنده:انا برد للكويت مشتاقه لاهلها
شيهانه:امم وانا مادري بشوف المهم خليكم متواصلين معي وانا بحطكم بقروب
داليا ورنده:اوك
رنده:وانتي داليا
داليا:اممم انا عيالي ماخلصو اختباراتهم ياقي ثنين وبعدها بشوف وين يبون يروحون
رنده:ماشاءالله عندج عيال كم اعمارهم
داليا ببتسامه :ثنين بنت وولد توأم عمرهم ١٥
رنده ناظرتها وهي تضحك:هههه يو عن المزح..........(لفت لها بصدمه)من صج
داليا ببتسام:اي
رنده بصدمه:ليش كم عمرج
داليا:٢٥
رنده مسكت راسها:راسي صدع
شيهانه بضحك:ههههه طيبب انا بفهمك
وبدو التعارف والسوالف اللي ماتخلص
بعد مده استأذنت شيهانه وقامت متوجهه للبيت وهي تفكر بعلاقة داليا وصقر ماهتمت كثير وخذت شور ونامت
قامت من النوم على الساعه٤العصر
توجة للحمام بعدها بدلة لبسها لبسة شورة اللين الركبه لونه وردي وبلوزه ورديه فيها رسومات ولمت شعرها ذيل حصان مرفوع وحطت مرطب ومسكرا ولوشن مرطب لجسمها ونزلة تحت وسوت لنفسها كوفي وكروسان جبن وجلس بصاله تناظر التلفزيون قطع عليها مشاهدتها صوت صقر اللي جلس وهو يكلمها:زين انك هنا
شيهانه بستغراب:ليش
صقر:بقولك شغله
شيهانه حطت الكروسان وكوب القهوه على الطاوله اللي قدامه ولفت لها وهي متربعه وبفضول:وشو
ابتسم على حركتها:احمم انا بسافر للمملكه اليوم بما انها عطله وكذا فجيت اقول لك
شيهانه رفعة حاجبها بستغراب:وانا
صقر:وشو وانتي
شيهانه:ابي اروح معك
صقر:لا
شيهانه بعصبيه:مو على كيفك انت تبغا تشوف اهلك وانا بعد ابي اشوفهم
صقر:ومن زين الاهل اللي بتروحين لهم اب بايع بنته عشان الفلوس هه
شيهانه حست بشي يجرحها باعماق اعماق قلبها عضت على شفتها بقهر وهي ماتدري بلعيون اللي تناظر حركتها:افف انت مالك شغل باابوي وبعدين انا بروح اشوف امي وخواتي بلييز عااد
صقر تنهد :امم طيب حدك ساعه ان ماشفتك تنزلين بروح واخليك
شيهانه بحماس باست خده وراحت تركض على فوق وهي تصرخ من الوناسه وهو مسك يده وحطها على خده وابتسم لحركتها
عند شيهانه راحت لغرفتها وطلعت لها شنطه وبدت ترتب في لبسها على السريع وتحطهم وخذت لوشناتها وغيره من اغراضها
بعد مده تقريبا نص ساعه
شيهانه جلست على السرير بتعب:اووه تعبت يوو نسييت
توجة للكومدينه وطلعت جوالها شبكة واتس اب ودخلة رنده وداليا بقروب وسجلته وسمته "اجمل صدفه" تربعت على السرير بحماس وهي تكتب
شيهانه:هلا بنات انا شيهانه سجلتكم بقروب المهم حبيت اقول لكم اني بسافر للمملكه اليوم ان شاءالله
طلعت من القروب وسكرت الجوال وراحت تلبس خذت جينز وردي مايل للهداوه(يعني مو وردي الفاقع)ولبسة بلوزه بيضه بطريقه حلوه بدون اكمام بس اكمام نازله من تحت الكتف(ان شاءالله فهمتو)لبسة شوز عادي وردي وناعم وحطت كلوز وردي هادي وبلاشر خفيف وايلاينر ومسكرا وحطت بشنطتها اللي بتاخذها معها داخل الطياره عطرها وجوالها وكم شغله وخذت عبايتها وهي تناظرها بحب اشتاقت لها لبستها وعدلة لثامها ولبسة نظاره بسبب الميك اب خذت نفس ونزلة من الاصنصير مع شنطتها ولقت صقر ينتظرها
صقر ناظرها"من زمان ماشفتها بعبايه":احمم وينك تاخرنه
شيهانه:سوري
وصحيح توجهو لسياره والبودي قارد معهم ركب سيارته المرسيدس والبودي قارد بسياره ثانيه وشيهانه بجنبه وشايله النظاره وهم بطريق للمطار شيهانه تناظر من الشباك الاجواء فجئى تذكرت شوي وصرخت:لااااا نسيييييت
صقر شوي ويطير من السياره:وش فيك فجعتي امي
شيهانه ناظرته بعيون تسحر:بليييز وقف لاقرب محل ماشريت لاهلي ولا صديقاتي هدايا بليييززز
صقر ناظرها بستخفاف ومره عليها ومره لطريق:هه احلفي بس كل هذا الصراخ عشان كذا
شيهانه:اي بليز
صقر تنهد:طيب
شيهانه ابتسمت بقوه من الفرح وجلست تفكر وش بتاخذ لهم من هدايه شهد وامي وفرح وشوق والبنات
صقر وقف عند محل:دقيقه قبل لاتنزلين
شيهانه بستغراب:هلا
صقر:الحين صديقاتك مايدرون عن زواجنه صح
شيهانه:اي اصلا انا قبل لااجي هنا ماكنت ادري شلون هم بيدرو هه
صقر مااهتم بستهزاءها:احمم اوك تقدري تروحي وبيروح معك البودي قارد وبس تخلصي خذي منه الكرت وسحبي الرقم السري**** وجيبي لامي واختي هديه معك
شيهانه:اوكك
وصحيح نزلت وبدت تختار خذت شال بما انه الجو بارد وجلابيات فخمه مع شيال(ملاحظه المحل كان مشهور وفي من كل اغراض العالم تقريبا وطبعا هذا هو المحل اللي يروق لمركز صقر)وشرت لامها ذهب وهي ابد مو طاقه بال للفلوس وخذت بخور وخذت لفرح وشوق ملابس كثيره حلو وفخمه شوزات فخمه(يكرم القارئ)وكسسوارات واشياء حلوه لشعر وكم لعبه تناسب عمرهم وصديقتها شهد خذت عطر فخم وساعه مع طقم حلو عجبها والبنات عطور فخمه وبعد ماخلصت بدت تفكر وش تجيب لاهله (بما اني على اساس ذوقه واهله شبعانين وهو دوم يسافر فبجيب شي واحد وفخم)خذت طقم من الالماس لامه واخته ومجموعة عطور لهم وراحت للمحاسب ولما قال السعر كانت بتنجلط بس مسكتها<هههه
وسوت نفسها مو مهتمه اما البودي قارد كان الوضع عادي وكانه متعود على هذي الاسعار وتوجهت لسياره وركبت وحرك صقر وهو يسألها وش شرت لامه واخته مايا(اللي متزوجه)وقالت له وبعد مده وصلو للمطار وركبو طيارته الخاصه وطارو لارض السعوديه
وصحيح وصلو للمملكه ومن التعب والوقت المتاخر توجهو لاقرب فندق وكل واحد بغرفه ونام
___________
بصباح جديد والساعه ١٠ الصباح قامت بطلتنه وخذت شور ولبسة بجامه دافيه وراحت للمطبخ سوت ريوق لها ولصقر اللي كان جالس على الكنبه:صباح الخير
واللي كان يطقطق بجواله رفع عينه لها:صباح النور
بدو ياكلون وهي تسأله متى بتروح لاهلها وهو جاوب بس ناكل تلبسين ونمشي
وصحيح لبست نفس لبسها اللي امس بما انها وصلت متاخر وماامداها وتعطرت وزينت حالها وخذت شناطها معها وصلها لبيت اهلها واول ماشافها دخلت حرك
دخلت داخل وصرخة:سبراااااايزز
طلعت امها وهي على كرسيها وهي تناظرها بفرح:يمه بنتيي شيهانه
شيهانه نزلة اغراضها وراحت لها وضمتها باستها على راسها ويدها وضمتها زياده:يمه اشتقتت لكك
امها وهي تمسح دمعتها:تشتاق لك العافيه
شيهانه:وين البنات
ام شيهانه:بلمدرسه
شيهانه ببتسامه:حلو عشان اسوي لهم مفاجئه
ساعدت امها ومشتها اللين الجلسه اللي على الارض وساعدتها تنزل من الكرسي وجلستها وبفرح بدت تاخذ اخبارها وامها تتأسف منها وانها اول ماسافرت ابوها قال لهم سالفة الزواج وشيهانه مطنشه وتحاول تنسيها السالفه وخذت اخبارهم وعلومهم وشوي وبدت تسوي الغدا وخلت امها ترتاح وبعد مده صلحة الغدا على دشت خواتها وفرح اللي تقول:افف واخيرا مابغينا نوصل
شوق كانت تبتسم بصمت
شيهانه صرخة من وراهم:سبرااااااااييززز
شوق وفرح نطو من الخرعه وفرح صرخت بفرح:ااااا شوشووو
بدو يحضنون بعض وينطون من الوناسه
جلسو ونادت امها وسألت عن ابوها وقالو لها انه مسافر مابيرد الا بعد شهر حمدت ربها بداخلها لانه لو بتشوفه مابتمسك نفسها يمكن تذبحه وهي اللين الحين شايله عليه وبعد الغدا سوت شاهي وجلسو جلست العصر وجابت الشنطه اللي فيها هدايا اهلها:وجبت لكم هدايا
فرح وشوق ضمو بعض بفرح وامها تعاتبها ليش تكلفين على روحك
شيهانه:ههه لا يمه لاكلافه ولا شي(هه كله من فلوسه وش اللي مكلفه علي هههه) طلعت الاغراض وعطت امها الكيس اللي كانت مزينته وداخله الاغراض اللي شرتهم:يمه انتي اول شوفيهم
طلعة ام شيهانه الجلابيات كانو خمس جلابيات فخمات ويجننون وثنيتين عاديات للبيت بس كانو بنسبه لها فخمات ادمعت عينها بفرح وهي تطلع الطرحات والبخور والمبخر وشالت مجموعة الشالات اللي تجنن وخذت واحد ولبسته بفرح اللين طاحت يدها على كرتون كبير مره طلعته بتسأل ولما فتحتها نزلة دمعتها وهي تشوف طقم ذهب فخم مرررره قيمة تشتري هل بيت :ليش يايمه
شيهانه ببتسامة حب:ابد يايمه حبيت اشوف فرحتك اللي تسوا الدنيا ومافيها
طلعت اغراض خواتها وعطتهم وهم فرحانين فيها وينطو من الفرح وفرح تشوف الملابس الكثيره وفرحانه مررررررره فيهم وراحو شالو اغراضهم وهو مستانسين وبيروحون يرتبونهم بلغرفه ويلعبو بلالعاب اما شيهانه شالت اغراض امها وودتهم لغرفتها
شيهانه:يمه انا بروح لشهد اذا ماعليك امر
ام شيهانه:روحي ياقلبي
باست راس امها ولبست عباتها وخذت كيس في هدايا البنات وتصلت على سيارة البودي قارد اللي حطه لها صقر وركبت وقالت له يروح للجامعه.....وهي تدري انه محاضراتهم تو تخلص
نزلة للجامعه وهي متشوقه لهم شالت العبايه عنها اول مادخلت وتوجهت لكلاسهم ومثل ماتوقعت تو يخلصو منه دخلت وهي تناظرهم جالسين يسولفون وماكان في غيرهم مثل العاده صرخة:بناااااات انااا جييت
لفو البنات وصرخو وهم يتراكضو واللي طاحت فوق الثانيه واللي تجر الثانيه قبل لاتوصل لها
شيهانه بضحك على شكلهم:هههههههه اوو ماي قااد
اشكالكم تحفففه
البنات ضحكو على حالهم وقامو يسلمون عليها اللين شهد جات وضمتها :شوشو اشتقت لكك
شيهانه:وانااا اكثرررر
جلست معهم بحماس وجلسو يسولفون وياخذون اخبارها واعطتهم هداياهم عاتبوها وانهم اصدقاء ومابينهم هل امور وهي كلعاده طنشت وبعد مده استأذنو البنات وبقت شهد اللي توجهت هي وشيهانه للكوفي يكملو سوالف
شهد:اي شلونك
شيهانه ببتسامه:تمام
شهد:انا صديقتك صح
شيهانه بستغراب:ايوا
شهد:وماتخشين عني شي صح
شيهانه يتوتر وستغراب اكثر:اكيد
شهد:اجل وش فيك
شيهانه بتوتر:م مافيني شي
شهد:اوك انا ادري انك خاشه شي عني بس على راحتك بنتظرك تجين وتعلميني
شيهانه:احمم اوك
شهد بفرح :اي صح
شيهانه ببتسامه:وشوو
شهد:اليوم وصل ولد خالي من السفر وبيسو له عشا وكذا وانا عزمت البنات وبما انك جيتي تعالي
شيهانه:امم مادري بس امي
قاطعتها شهد:عادي خليها تجي هي وخواتك
شيهانه بعد تفكير:امم اووك
وبدو ياخذون اخبار بعد اللي استأذنت شيهانه وانه لازم يروحو للبيت الساعه اللحين٤ وعلى مايمديها تلبس لعشا اللي ببيت جد شهد
وصحيح راحت للبيت وجلست مع خواتها وامها
شيهانه:يمه
ام شيهانه:هلا
شيهانه:يمه شهد عزمتني انا وانتي وخواتي لعشا ولد خالتها اللي تو راد من سفر
ام شيهانه:والله على راحتك انتي ودك تروحي
شيهانه:اي والله
ام شيهانه:عجل على بركة الله اللبس عباتي ونمشي
شيهانه بفرح وتشويق:ويمه بعد خلي اساعدك تتشيكي من الاغراض اللي جبتها وابي كذا درزن مليان ذهب عليك
ام شيهانه بفرحه مو سايعتها:اجل يله
شيهانه ناظرت خواتها بسعاده:وانتو وش تنتظرون يله اشوف كل وحده تروح تطلع الفساتين الجديده اللي جبتهم لكم وتشيكو ماوصيكم من الاكسسوارات الماركه
قامو شوق وفرح بسعاده وهم متوجهين للغرفه
وبعد ساعتين خلصو لبس وكانت تو تدخل الساعه٦
وام شيهانه لابسه جلابيه فخمه وكانت افخم وحده وتجنن بتصاميم ايطاليا والشوز الحلو(يكرم القارئ)ولبسة طقم ذهب على رقبتها واصل اللين صدرها ويدها مليانه من الذهب وخاتمين ذهب وحطت الكحل الحلو (ملاحظه ام شيهانه منزوجه وهي صغيره مب كبيره وجسمها حلو لانه بس جابت ثلاثه ووجها مافي تجاعيد كثير لانها توها بواخر الاربعين وحاطه روج ناعم ولفت شيلتها بطريقه حلوه وبنتها فرح بفستان نافش قصير بلون الوردي وكسسوارات تجنن واحطه مسكرا وروج وشوق فستان نفس اختها بس بلون الاصفر وروج ومسكرا
واما بطلتنه فكانت لابسه احمر طويل مخصر على جسمها وضيق مبين مفاتن جسمها بدون اكمام بربطه على الرقبه وكعب احمر وحطة ميك اب حلو وناعم فردت شعرها الاكستنائي على طوله بطريقه حلوه ناظرت نفسها وعيونها العسليه مره المايله لصفار ورشت من العطر ولبست عبايتها هي وامها وفرح اللي عمرها١٢ سنه
توجهة هي وامها وخواتها وركبو مع البودي قارد بساره فخمه وخواتها فرحانين بسياره وفخامتها واما بطلتنه فتحس حالها مثل سندريله بس الفرق انه معها خواتها وامها متوجهين للقصر بنسبه لبطلتنه
وصحيح وصلو للفله او القصر بنسبه لهم وانزلو ودخلو وستقبلهم مشرفات الاستقبال شالو عباياتهم ...:شوشو
شيهانه:شهوده
شهد توجهة لها وضمتها وسلمت على امها والبنات:شلونك خالتي
ام شيهانه:الحمدالله بخير وانتي شلونك
شهد:تمام
دخلو داخل وشيهانه تدز كرسي امها وقامو الحريم يسلمو عليها باحترام وببالهم انها من طبقتهم بسبب لبسها الراقي والفخم وهم ميتين على شيهانه بدلعها وشكلها الجميل وجلستها شيهانه على الكنبه وسكرت الكرسي وحطته بمكان مناسب واما خواتها فراحو مع البنات اللي بعمرهم وشوق مره فرحانه بلبنات لانهم كانو طيبين وماهتمو انها ماتتكلم بلعكس كانو مثل العسل على قلبها
شهد دخلت مع شيهانه:بنااااات هذي صديقتي الصدوقه شوشو
شيهانه بحرج من حركة شهد وخاصه انه كله بنات هنا:سلام عليكم انا شيهانه
البنات فزو لها وسلمو عليها وهم يضحكو معها وطاقين الميانه معها كانهم يعرفونها من قبل
اسيل:سلام انا اسيل بنت خال شهد وعمري٢٠
جوهره:وانا جوهره بنت خال شهد وعمري٢١
اريج:وانا اريج بنت خال شهد واخت جوهر وعمري٢٠
مايا:وانا مايا بنت خال شهد وعمري ٢٤
شيهانه:ياهلا وانا صديقتها وعمري١٩ هههه
الينات:ههههه
شيهانه:شسوي حشروتني
اريج ببتسامه:والله انك عسل
شيهانه:تسلمين
قطع عليهم دخول
روز بصراخ:واااااااو منوو المزززه هذيي اعترفووو يله لا لا تقولو زوجة وحده من اخوانكم ليييش لييش ماعزمتوني للعرس وانا بنت خاله
البنات انسدحو من الضحك على خبال روز المعتاد:هههههههههههههههههههه
شهد بحراج :روز هذي صديقتي شيهانه
روز بحرج:احمم ياهلا انا روز وعمري١٨
شيهانه ببتسامه:ياهلا فيك
وجلست تتعرف عليهم وتسولف معهم وماتت عليهم
قامت :شهد وين الحمام
شهد:تلقينه صوب الممر اللي بصاله كملي سيده على يدك اليمين كملي تلقينه قدامك
شيهانه:ههه اوك
كملت مشي وهي تتذكر اللي قالته :افف وينه الله يسامحك يا شهد على هذا الشرح
قاطعتها حرمه:السلام
شيهانه بستغراب:وعليكم السلام
الحرمه:يابنتي متزوجه انتي
شيهانه وهي كانه فهمت الموضوع(يوو وش ذي البلشه المشكله محد يدري اني متزوج واخاف اقول لها وانفضح واخاف اقول لا وتجي تخطبني):احمم لا
الحرمه ابتسمت:اوك اجل اخليك
شيهانه ابتسمت لها وكملة مشي تدور الحمام
فجئه حست احد سحبها واول ما صرخت:ااااا(صكر فمها ودخلها داخل غرفه)
___________________
نوقف هنا ولا تنسون توقعاتكم

وش العلاقه بين داليا وصقر..؟!! ووش بيصير بين شيهانه وصقر..؟!! منو اللي خذا بطلتنه .؟!' ودمتمم بخير

انزل الخامس بعد؟؟