ظروف الزمن اقوى منا ياشيهانتي يا أنثى الصقر../مكتمله

البارت العشرين

البارت العشرين:

&
:
&
:

__________
نزلة شيهانه مع صقر وجلست تفطر مع امها وخواتها وام صقر بعد ماسلمت علهم عدلت فستانها بحراج وعينها على اكلها"يالله وش به يناظر والله كافي اني منحرجه يوو شيهانه انتي لازم ماتبيني له تصرفي عادي ايوا عادي" (خذت نفس)وكملت تفطر وهي تتجنب نظراته
بعد ماخلصت فطور جلست مع ام صقر وامها تتقهوى معهم
صقر:يمه انا وشيهانه بنروح لحايل
شيهانه ناظرته بسغراب:انا وانت ليش
صقر:بقابل احد هناك ومن حايل لطريق المطار بنسافر
ام صقر:اي يمه رفهو عن نفسكم
شيهانه:بس الجامعه
صقر: خذيت لك اجازه اسبوعين بنجلس بحايل يوم واحد وبليوم الثاني بنسافر اما عن محاضراتك اللي بتطوفك ماعليك رتبت جدولك تداومي يوميآ زياده ساعتين تكملين على الاسبوعين اللي راحو عنك حلو
شيهانه وهي ماده شفتها:اف طيب يعني الحين محد ماكلها غيري اداوم ساعتين كمان
ضحك صقر:والله عاد هذي مشكلتك
شيهانه:اي اطلع منها
صقر قام:يله انا باخذ جوازك معي عشان يختمو علي ونركب طيارتي لحايل وانتي رتبي ملابسي وملابسك
وقفة شيهانه (اي هو علي السهل وانا الصعب ورا مايسوي ملابسه بروحه)همست:طيب
طلعت شيهانه لفوق معها صقر اللي خذا الجواز وهو نازل ويفكر بلشخص اللي بيقابله واللي بيفرح شيهانه
______
عند شيهانه جهزت شنطتها وشنطت صقر طلعت تغير لبسها وتلبس شي مريح لطياره لبست جينز سكيني اسود وبلوزه واسع ومريحه لبسة عباتها وعدلة طرحتها وهي تتأكد من كل شي:ايوا بس بكذا بكون مطلعه كل شي
جلست على السرير وهي تفكر حمر وجها بحراج وهي تتذكر اللي صار همست:ماتوقعتها من نفسي اني اتقبله اوف وش بني مو انا احبه
رمت نفسها وهي تكمل بهمس:متى بقول له ياصقر انا احبكك
ههههههه مره صعبه علي ذي الكلمه
قامت متوجه لتحت بعد ماقالت للخدم ينزلو الشنط
قابلة بطريقها صقر:اوه جيت
صقر:اي ها كل شي جاهز
شيهانه:اي
صقر سلم على امه ووصاها على نفسها
ونفس الشي مع شيهانه
طلعت معه بسياره بعد مادخلو الشنط
شيهانه:اووه بسم الله ههههه
ناظرها صقر وهو مبتسم:وش بك
شيهانه ببتسامه:ههه لا ولا شي كذا بس (بكت وهي تمسح دموعها)
ناظرها صقر بصدمها مسكها من كتفها وهو منصدم:وش بككك يعورك شيي
شيهانه وهي تمسح دموعها وتضحك:هههه لا بس مادري كذا كان ودي ابكي
جلس براحه ناظرها:وقفتي قلبي
شيهانه مسحت دموعها وهي تحس بغصه:بسم الله عليك
عدلة لثمتها وهي تعض على شفتها"وش بني احس قلبي ناغزني يارب انك تستر "ناظر صقر بمحاوله لتغير الجو:صقر لاتنسى نبغا اكل وكذا يعني شغلات تسلينه بطريق
ابتسم صقر وهو يغمز لها بخبث:وش لك بها وانا هنا
شيهانه ضربت بكتفه بحراج:اقولل تسكت ولا اعلمك شلون
ضحك على خجلها:ههههههه لا اعرف ماعليكك
ناظرت الطريق بقهر منه همست:قليل ادب
همس باذنها ورجع ناظر بطريق بعد ماقال لها:طالع عليك
شيهانه ردت تناظره بطريق بقهر وهي تهمس:طنش الحمير تعيش امير
صقر ببتسامه:مااسمعك ياقلبي
شيهانه بحراج:احمم سوق وانت ساكت انا بنام
ناظرها بخبث:اي اكيد بتنامين بعد امس مانمتي عدل
شيهانه غطت وجها كله بقهر وحراج وهي تحاول تنام اللين يوصلو للمطار
بعد مده نزلت معه والبودي قارد حولهم توجهو لطيارتهم ابتسمت وهي تجلس "يالله اول مره لما ركبتها كنت نازله وانا واثقه اني بتطلق منه(ناظرته وهي تبتسم وهو يجلس ويكلم المظيفه)والحين يدي بيده "
ابتسم صقر لها:ادري اني حلو لدرجة تتأملي فيني
ناظرته بحراج:اصلا كنت سرحانه
صقر:طيب وش ودك تشربي
شيهانه ببتسامه:امم عصير فرواله فرشش وبااارد ومويه
ناظر صقر المظيفه:وانا بعد
طلعت المظيفه تتنتظر اقلاع الطيار عشان تجيب طلبهم
بعد مدة وقفت طيارتهم بمطار حايل نزلو وطبعا البودي قارد ماكانو معه عدل شماغه ولبس النظاره :يله مشينا
شيهانه وهي تمشي بجنبه:غريبه ورا ماجبت البودي قارد
صقر:مايحتاج اذا رحت لمنطقه وكذا اللبس نظاره وشماغ ومحد بيعرفني على كذا
شيهانه:اها كذا نظامك اجل
ناظره صقر ببتسامه:ههه طيبب
شيهانه:هههههه وش بك بس كذا عاديي اله صحح
صقر :وشو
شيهانه:يله قول لي منو الشخص اللي بنشووفه
ابتسم صقر بخبث:لا ياقلبي مو ساكت طول الطريق عشان اقولك على اخر شيي
شيهانه بخيبت امل:افف طيب سرع خنروح لذا الشخص
ابتسم:خليني ساكت بس ههههه لا يسمعك تقولي عنه كذا انتي اللي بتزعلي مو هو
شيهانه بصدمه:اما لهدرجه(برجاء)يله قوللل بلييز منوو
صقر وهو يناظر بعيونها:لا يعني لااا
شيهانه كملت تمشي وهي منقهره منه:اصلا عادي ماابي اعرف
صقر من وراها:واااضح مررررره واضح ياقلبي
شيهانه لفت تناظره لثواني وكملت تمشي وهو يضحك من وراها
وقفت سيارة مرسيدس بلون الاسود اخر موديل نزل منها واحد سلم المفتاح لصقر وطلع بسياره ثانيه
شيهانه وقفت وهي تناظر بسياره:الله تجننن مررره
ابتسم صقر لها مسكها من يدها ووقفها عند الباب دخلت وسكر الباب توحه للجها الثانيه وركب وحركو لبيت الشخص
بعد مده وصلو للبيت او نقول الفله نزلت معه وهي تتأملها
شيهانه وهي تناظره :هنا
صقر:ايوا
مشت معه للباب ثواني ونفتح الباب وطلع ولد بطعش(تحت العشرين) سلم على صقر دخلت معه ابتسمت بفرح وركضت لداليا وضمتها بشوق:اشتقت لكككك
داليا بضحك:عمري والله وانا اكثررر
بعد شيهانه راسها من حضن داليا وناظر صقر بلوم:ورا ماقلت لي انها داليا
صقر بضحك:والله انا مالي شغلل
داليا:تفضلو لداخل
ضيفتهم وجلست تسولف معهم وتسألهم عن اخبارهم وتتعذر لانها ماكانت تقدر تجي لزواجهم بعد مده خرج صقر مع ولدها للمجلس وجلست داليا مع شيهانه
شيهانه:ايوا وش صار على رنده
داليا:بخير وتسأل عنك والحمدالله خلصنا اخر سنه على خير
شيهانه:الحمدالله يله الله يعين قدامي ثلاث سنين كذا تقريبآ
داليا بضحك:ماعليك تمر بسرعه بعدين ذوقي اللي ذقنا على الاقل انتي هنا بسعوديه في عطل واجازات راحه طيبين لو شوي اما هناك والله طول السنه دراسه واذا في اجازه ماتجي ربع اجازاتنه ياشيخه
شيهانه بضحك:بهاذي صدقتي هههههه
كملت تسولف معها اللين جا وقت العشا تعشت هي وصقر اللي جا معهم(ملاحظه داليا صحيح مرت عمه بس تعتبر صقر زي اخوها تتغطه عنه بس حجاب بس مرات تفلها شوي لانها كانها متربيه معه من وهي بزر)
داليا عند الباب:انتبو ترى سمعت انه الاجواء زفت
شيهانه:ان شاءالله
طلعت هي وصقر وتوجهو لفندق ودخلو غرفتهم
بدلة شيهانه لبسها ولبسه لها بيجامه حرير لانه الجو شوي بارد
تمدتت على السرير وهي تفكر"افف اموت واعرف امي شفيها مو على بعضها هلاسبوعين المشكله ماجات لي فرصه اسئلها"
قاطع تفكيرها صقر اللي حوط يده حول خصرها وقربها له وصار دقنه على راسها من فوق همس:وش بك
شيهانه تنهدت:اميي اميي ياصقر مادري شفيها مو على بعضها ودايم تسرح ولما اسألها ترتبك وتغير الموضوع
صقر:يمكن موضوع ماودها تعرفي مو شرط يكون شي شين
شيهانه وهي تغمض عيونها محاوله تنام:ان شاءالله يكون بس كذا
ابتسم وهو يبوسها على جبينها ويممر شفته لخدها اللين استقر على شفتها عض على شفتها وهو يبتسم لشكلها كيف مغمضه عينها بعد عنها وضمها له وهمس :احبككك
غطت وجها بصدره بحراج وهي تسوي انها نايمه ضحك على شكلها وهمس:امدى روحي تنام.؟؟!
همست بخجل:نمت خلاص نام انت
ابتسم لحراجها:طيب احبكك
شيهانه بحراج اكثر:صقرر
همس بحب:حياته
شيهانه حطت يدها على وجها بحراج وهمست:شكله فيوزاتك ضاربه نام ياقلبي نام بسس
ابتسم صقر:اخخ ياقلبي
ناظرته بخوف:وش بكك
ابتسم صقر بخبث:سمعت اني قلب لبعض الناس
عضت على شفتها بقهر وهي تناظره:تدري انك سخيف بنام حرام عليكك
همس:ترى بتهور
ناظرته بحراج وهي مفهيه:هااه
ضحك :هههههههه لاتسوي الحركه اللي سويتيه تو
شيهان وهي اللين الحين مفهيه:اي حركه.!؟؟
قرب لشفتها بجرائه وعضها بعد عنها وهو يمسح شفاته وهمس وهو يناظره:هذي
ولعة من الحراج عطته ظهرها بحراج وهي تغطي وجها بلبطانيه همست:بنام
قربها له وصار ظهرها على صدره دفن وجها بشعرها بحب وهمس:نامي بس لاتطولي الغيبه
سكت وهي منحرجه وثواني ونامت وعلى وجها ابتسامه
اما صقر عدلها لجهته وهو يناظرها باسها بكل مكان تطيح علي شفته والابتسامه على وجها همس وهو يدفن وجها بحضنها:الله يرزق بطن حملك تسع اشهر للجنه
_________
على الظهر الساعه١٢
صقر:شيهانه عجلي الاغراض بسياره باقي اصحابها
شيهانه:يو اصبر عليي بعدل لثمتي
صقر:عجلي
توجهة له وهي تلبس شنطتها:يله يله جيت
نزلت معه وقبل تركب السياره ناظرت الجو:اقول صقر
صقر:همم
شيهانه:الجو مب زين شوف كيف الهوا قوي باين بتمطر(بقلق) اول مره بحياتي اشوف الجو كذا اش رايك نجلس اليوم
صقر وهو يناظر الجو:لا ماعليك
شيهانه اركبت بجنبه وهي مو عاجبها الوضع همست:الله يستر
صقر :ههههههه وش بكك قامطه ام العافيه
شيهانه:هاا وشسمه يعني شرايك الجو زي الزفت وماتبيني اخاف
صقر :تفاولو بلخير تجدوه
شيهانه:ههههههه ان شاءالله
حرك السياره متوجه للخط السريع
شيهانه بحماس:اله ماقلت لي وين بنسافر
صقر:سر
شيهانه ناظرته بقهر:يالله ترى مايصير انت تعرف وانا لا والله حرام
ضحك صقر :هههههههه(ناظرها لثواني ثم رجع ناظر لطريق)على الفكره انتي حدك مستحيله
شيهانه :مافهمت
مد صقر يده ليدها اللي بحضنها وقربها لشفته وعينه على الطريق
شيهانه بحراج:ابغا يدي
صقر:لا انا ابيها
شيهانه بخجل:لا والله يدي طيب
ناظرها صقر وغمز لها بخبث ورجع ناظر الطريق:وانا ابيك
قلبت شيهانه حمره من قوة الاحراج همست:وجع قليلة ادب مايستحي ل...(صرخت شيهانه لصقر)صقر خفف شوفف قداامنه
صقرر :وششووو
شيهانه انفجعت وهي تشوف السيول اللي كانت من جهتها وكيف بعضهم غرقو واللي يطلع غيره)ردت بهمس وخوف:لا يالله الا الله محمد رسول الله
صقر حاول يخفف من السرعه بس انجرفت سيارتهم من السيل
صرخت شيهانه بصدمه ومسكت بيد صقر:يممهه
صقر كان منصدم وش يسوي الحين وش يسوي سيارتهم شبه منجرفه اي حركه غلط بتدخلهم بسيل وبيموتو
____
برى سيارتهم اطفال يبكون ينادون على امهم رجال مرمين بلارض بعد ماطلعو من السيل
١...:الله يستر يقولون امطرت بقوه الصباح
٢....:اي وسمعت انه المستشفى حايسه الدنيا فيهم المرضى بكل مكان وهذا اول يوم
٣....:سمعت بيمنعون التجول لانه بيستمر الحال لاكثر من اسبوع
١...:ياشيخ سمعت انه في مبنه انهدم الله يستر بس
٤صرخ واحد:ياعيال فزعتكم في سياره مرسيدس حرمه و رجال انجرفت سيارتهم
٥...بحميه :قدام معاك
توجو ثنين لمكان السياره والاصوات تتعاله من ناس تبكي وناس تصرخ على احد ينقذ جرحاهم
٥...:هذي صحح
٤...:ايي تعال (دخل بين الناس المجتمعه)شوي لو سمحتو شووييي
دخل لداخل وهو يصرخ لعيال يجون:اسمعوو عطوني شماغاتكم وربطوهم مع بعض بنربط الرجال عشان اول ماينزل ينزل حرمته
٥...:اوكك(تقدم لصقرر وهو يضرب على جامت سيارتهم ويصرخ)بطلل الجام
فتح صقر الجام وهو يفكر يطلع شيهانه اول:اسمع بطلع حرمتي اول
٤...:لااا يارجال انت اطلع وطلع حرمتك(ناظر صقر بصدمه)انت صقر...
صقر بنرفزه:والله انك فاضي بطلع اول
٤..برتباك:طيبب اول بنزلك ونربط الشماغ حولك وطلع حرمتك
صقز وهو ماسك شيهانه بيدها وهي تبكي وتهمس بامي
ناظرهم :طيبب
فتح صقر باب سيارته والعيال كانو داخلين عند بداية السيل ومربوط حولهم الشماغ فمانسحبو ربط صقر الشماغ حوله ونزل ثبت نفسه قبل يطيح من قوة السيل صرخ بـ:شيهانه تعالي
نقزت شيهانه لصوب صقر بشويش عشان ماتتحرك السياره مسكت بيد صقر بخوف نزلت وهي ماسك بصقر بصدمه من قوة السيل
شدت على يد صقر وهي تهمس بخوفف :صقر
صقر :وش بك فيك شي
شيهانه:انا حاسه بيصير شي
صقر وهو يمشي بشويش والعيال ورا عشان يطلعو وهو ماسك بشيهانه همس:لا ان شاءلله
همست شيهانه بخوف وهي تمسح دموعها:صقر قول لامي اني احبها كثير حتى انت والله احبكككك صقرر
ناظرها صقر بصدمه كان بيتكلم يبي يقول لاتقولي كذا لاتودعيني بكلامك مابيصير لك شيي هذا حنى بنطلع بس
صرخت شيهانه بصدمه من قوة الموجه اللي هاجمتهم انفلتت يدها من صقر وطاحت بداخل السيل صرخ صقر بصدمه وشفته ترجف:شيييهااااااااانههه
٤بصدمه..:لا الا الا الله
٥....انصدم من صقر:لاا يارجال
مسك صقر اللي كان بينقز وراها يطلعها
صقر بعصبيه لدرجة حمر وجها وعروق وجها بانت:ابعددد عنييي حرمتيي راحت ابعدد (صرخ)شييهااااااانههه
شيهانه اللي كانت تدخل وتطلع من قوت السيل صرخت قبل لايضرب راسها بصرخه وتغرق بـ:صقرررررررر
صقر صرخ عليهم بعصبيه:ابعدووو عنييييييي بطلعهاااا تنادينيي ابعدووو
٥... وهو يجر فيه وساعده الشماغ اللي حول صقر:اذكر الله يارجاللل راحت البنتت
جلسو الرجال يجرونه اللين طلعوه وهم منصدمين من عصبيته وبعضهم اللي حزين لحالته كيف فقد زوجته وهي كانت تو بين يده
جلس بصدمه ويده ترجف وهو يكرر:ماانقذهاا راحتت ماقدرت اساعدها بين يديي راحت (دمعت عينه بدون تنزل دموعه وهو منصدم وشفته ترجف)راحت عنيي معاد بشوفها (حط يدها على وجها وهو يهمس)شقول لامها بنتك ماتت معاد بسمع صوتها (تنهد بغصه ودمعته نزلة بقهر)
٤ بحزن لحاله:اذكر الله قوم روح للمستشفى راسك شكله كان ضارب بدركوس(السياره من قدام)وبعدين ان شاءالله ماماتت روح للمسشفى وشوف اصابتك وبعدها اسأل اذا جاتهم حالت زوجتك وباذن الله بتلقاها
قام صقر وهو مايحس بلي حوله توجه لسيارة الولد وحرك فيه للمستشفى وكل ذا الوقت وهو منصدم مو ماقدر يستوعب اللي صار