ظروف الزمن اقوى منا ياشيهانتي يا أنثى الصقر../مكتمله

البارت الرابع عشر

البارت الرابع عشر:

&
:
&
:

بسم الله... لا الا الا الله... الله اكبر...سبحان الله..ستغفرالله...صلو على من بكى شوقآ لرؤيتكم
________
بعد جلست شيهانه مع الجد صعدت لغرفتها هي وصقر وخذت شور ولبسة جينز اسود وبلوزه كم قصير سوده خفيفه وربطه على خصرها قميص كاروهات اسود ببيض لبسة لها قلاده ناعمه مع حلق ناظرت شعرها بحيره:امم وش اسوي في طويل ومايصلح كعكه مره..(صفقت بيدها بحماس )بسس لقيتها ... بسس لاا فشله..يو لا لا عاديي
قامت بسرعه وتوجهة لتسريح حطت روج ومسكرا ولبسة حلق ورشت عطر دورت بلدراج اللين خذت المشط
توجة لبرا الغرفه ونزلت تحت ومثل ماتوقعت لقت ام صقر تحت:سلام
ام صقر:ياهلا
شيهانه بحراج:امم خالت..اقصد يمه عادي تسوين شعري ضفيره فرنسيه
ام صقر ببتسامه:تعالي
تقدم شيهانه وجلس قدامه وصارت ام صقر تسوي لها وهي تسمي على شعرها وتقول لها انها زمان تسويها لبنتها مايا
وبس خلصت
راحت مع ام صقر للمطبخ يسوون الغدا
(ام صقر صحيح انها غنيه وعندها خدم  بس ماتحب احد يسوي الفطور او الغدا ومرات العشا الا هي)
________
الساعه١:٢٠ الظهر
دخل صقر للبيت ومع عكاز بدل الكرسي لرجله اليسار
دخل لصاله وهو ينادي :يمه .. يممهه
ام صقر من المطبخ:هلاا يمه تعال انا بلمطبخ
توجة صقر للمطبخ دخل وشاف ظهر حرمه تحرك بسرعه بيصد
ام صقر:تعال يمه مافي غريب ذي حرمتك شيهانه
ابتسم صقر وهو يناظر الضفيره اللي واصله اللين نهاية ظهرها بلونه الكستنائي ولا قميص الكروهات اللي مربوط على خصرها كمل اللين الطاوله وجلس وهو يكلم امه بستغراب:وش بها
ام صقر استغربت بس فهمت قصده ابتسمت:ايي حاطه سماعات وتسمع لقرأن
ابتسم صقر:اهاا
ام صقر:اقول صقرر
صقر اللي كان سرحان فيها لف لامه:ه هلاا
ام صقر وهي تجلس قدامه:انت تحبها
صقر برتباك:ها منوو
ام صقر:لاتجلس تلف وتدور اقصد حرمتك
صقر :اي
ام صقر:طيب وهي تمزح بموضوع الناموسه ولا
صقر ببتسامه:لا هبله شكلها ماتعرف (واللي كانه تذكر)اي يمه ترى يمكن اجيب امها خواتها هنا
ام صقر ببتسامه:ايي حياهم الله مو بيت غريب
صقر :وهذا يمه ياليت لو تقولي لامها تفهمها باين مو فاهمه عدل
ام صقر وهي تمسكه من ثوبه وتعطي عكازه:والله انت اللي ماتستحي قوم اشوف ولا في احد يقول لامه كذا
طلع صقر وهو يضحك وراح يجلس بطاولة الطعام ودقايق وحطو الغدا
دخلت شيهانه وهي تنزل السماعات انتبهت لصقر:اوو وصلت
ناظرها صقر من فوق لتحت وكان عاجبه شكلها:اي قبل شويي
شيهانه جلست برتباك(بسم الله وش به ذا يناظر كذا )
دخلت ام صقر وجلس قدامهم بدو ياكلو :الا اقول شيهانه
شيهانه:هلا يمه
ام صقر:ترى بكرا على الساعه٥ كذا بنروح انا وانتي لبيت عمي(الجد)
شيهانه بستغراب:ليش
ام صقر:ابد ياقلبي بس عمي(الجد)مسوي عشا لك وكذا ومنها يتعرفو عليك عمات صقر وقلت اقول لك الحين يمكن ناقصك شي ولا شي وبعد امك معزومه صارت نسيبتنه
شيهانه ببتسامه:اها طيبب
بعد ماخلصو غدا شالو الشغالات الاكل وراحت شيهانه لفوق هي وصقر
_________
بغرفتهم
شيهانه:اقول صقر
صقر اللي كان جالس يشتغل بلاب ومع اوراق الشركه:همم
شيهانه:بروح للمول وبعدها المشغل
صقر ناظرها:طيب بس مااقدر اخذك اتصلي على مايا
شيهانه وهي مقدره وضع رجله:اوكك اجل ترى بقوم اللبس وروح الحين لانه مايمدي وكذا
صقر اللي كان مندمج بشغله:طيب بس لاتتاخري مره
قامت شيهانه متوجة للكوميدينه تاخذ جوالها:طيبب
خذت جوالها وطلعت لصاله وتصلت بمايا
مايا:الوو
شيهانه:السلام
مايا:ياهلا شلونك شوشو
شيهانه ببتسامه:تمام ، اقول مايا
مايا:هلا عمري
شيهانه:تسلمين بس تقدرين تروحين معي للمول اليوم وبعدها للمشغل
مايا:اي عشان العشا اوكي اصلا انا بعد كنت بروح يله اجل نص ساعه واكون عندك
شيهانه:اوك
وصحيح قامت شيهانه ولبست عبايتها وزينت اللثمه وطلعت بعد ماقالت لصقر وكانت مايا مع السواق
بعد السلام وسؤال عن الحال قالت مايا لسواق يوديهم للمول
______
بلمول
شيهانه:امم مدري وش اخذ فستان ولا بدله ولا وشش
مايا:انا اقول فستان
شيهانه:بس مدري احس كذا مايصلح عشا وفستان اوفر وكذا
مايا:لا لا ناخذ واحد ناعم وقصير
شيهانه بتفكير:امم اوك
مايا:مثل وش ودك
شيهانه:خفيف يعني خامته خفيفه ويكون ضيق من الخصر بس كمان ضيق بس مو مره
مايا بضحك:ههههه وش ذي المواصفات التعجيزيه
شيهانه:هههههه مدري
مايا:طيب امشي نشوف
دارو المول كله وما لقو شي
مايا:خلاص تعبت
شيهانه:هههه اخر محل
دخلو محل وكان في فستانين عجبو شيهانه بس احتارت اي واحد الاول كان اسود مخطط بابيض ضيق من الخصر ومن تحت واسع اللين فوق الركبه بشوي وكمام ماسكه من فوق وثاني تقريبا نفسه بس خامته شوي خشنه ونافش
مايا:الاول احلا
شيهانه:ايي صحح ناعم بعد
مايا:خلاص اجل على ماتاخذين بشوف لي هنا
شيهانه:طيب
بدت مايا تشوف بلفساتين اللين رست على واحد لونه ازرق ضيق اللين الركبه بكمام وحزام وكان نعم وخفيف
بعد ماخلصو من الفساتين راحت شيهانه خذت كعب لونه اسود ومايا ازرق بحركه بسيطه(يكرمكم)
وبس خلصو توجهو للمشغل يسوو اظافرهم وغيره من شغلات البنات
______
بغرفة صقر / شيهانه
الساعه٩ مساء
ردت شيهانه من المول وحطت الاغراض اللي شرتها بغرفة التبديل لبسة بجامه ناعمه ورفعت شعرها كعكه
طلعت وهي مستغربه:وين صقر؟؟
دخلت غرفة النوم وكان نايم همست:اما نايم
مشت للجها الثاني وتمددت جات بتحط المخده بينهم بس قطع عليها صقر وهو يهمس:بعديها مابتوخرك عني
شيهانه وهي تحطها بعناد:لا تحاول
صقر بعد المخد وحوط يده حول خصرها وجرها له اللين صار ظهرها على صدره
صرخت شيهانه بخجل :ابعدد
ضغط صقر على خصرها بقوة لدرجة ألمتها:اسكتي ونامي
شيهانه بألم من الضغطه وهي ترص على اسنانها بحراج:طيب ابعد
صقر وهو يخبي وجها بشعرها:اشش بنام
تنهدت شيهانه بألم:طيب بس لاتضغط
ابتسم صقر على جنب وخفف يده من عليها همس:شيهانه
شيهانه برتباك:ن نعم
ابتسم صقر لرتباكها وهمس عند اذنها:تدرين
شيهانه بتوتر:و وشش
همس بهيام: اني احــبـكك
شيهانه بحراجج غطت وجهها بلمخده وسوت انها نايمه وهي تسمع يهمس بضحك:هبله
______
نسرع الاحداث ونقوول بوقت العصر
وباقي ساعه على عشا
طلع صقر من غرفة التبديل وهو لابس ثوب وشماغ ومتشيك :شيهانه
شيهانه من غرفة النوم:هلاا
صقر:ماخلصتي
شيهانه:دقيقه بس بعدل ميك ابي وبعد بكلم امي تجهز عشان نمرها
صقر جلس وحط العصا جنبه:يله عجلي
بعد مده
طلعت شيهانه وهي تنزل بلفستان وتعدل شعرها اللي كان ستريت من فوق وويڤي خفيف من تحت وكان يوصل اللين الخصر وميك اب ناعم يبرز جمالها وجمال عيونها وماسكه بيدها عباتها:يله خلصت
لف صقر:ما...(ابتسم وهو يناظر شكلها كانت خققه)
شيهانه برتباك:و وشش
وقف صقر وخذا العصا وهو يمشي لها ووقف قدامها وهاجمته ريحت عطرها المفضل همس:طالعه حلوه
شيهانه بتوتر ومرت بجنبه:ا اصلا دايم حلو يله انا بنزل تحت عجل لا تتأخر
ضحك صقر وقال:لا تحاولي تهربي مصيرك عندي
شيهانه بحراج وهي تطلع:ما اسمع ما اسمع ما اسمع
__________________________
نوقف هنا لاتنسون توقعاتكم

وش بيصيير بلعشاا.؟؟

حال صقر وشيهانه .؟؟؟

جيت ام وخوات شيهانه.؟؟؟

وتقبل اهل صقر لشيهانه..؟؟!

دمتمم بخير
______________________________