ظروف الزمن اقوى منا ياشيهانتي يا أنثى الصقر../مكتمله

البارت الخامس

البارت الخامس :
&
:
&
:

بسم الله .... لا اله الا الله.... الله اكبر .... سبحان الله... صلو على من بكى شوقآ لرؤيتكم
________
انأخذت لممر مظلم شيهانه حاولت تتحرك بس فستانها الاحمر كان مررره ضيق عليها وماتقدر تصرخ خافت مره ليكون بيسوي فيها شيي
نرجع لورا شوي
ام صقر:الوو هلا يمه صقر تعال صوب المطبخ مافي احد خذ القهوه
صقر وهو متجه للمطبخ:يله جاي سلام
ام صقر:بحفظ الله
سكر صقر من امه ودخل من صوب المرر عشان ماتطلع بنت قدامه ويبتلش بس الصدمه كانت هنا ناظرها بصدمه وهي تمشي وتدور حول نفسها بفستانها الاحمر المخصر واللي مبين مفاتن جسمها ولا شعرها الطويل واللي يفتن بلونه استوعب انها شيهانه وستغرب كيف جت هنا خاف انها جايه تعلم انها زوجته مد يده وجرها ولما جات بتصرخ حط يده و ثبتها وهي تتحرك تحاول تبعده عنه للحظه شك انها مو شيهانه حرك يده بعشوائيه بجسمها هذا مو جسمها اللي اعرفه و حركاتها  ك...قطع تفكيره الضربه اللي جات لبطنه (ابتسم بألم)الحين تأكدت انها هي ثبت يده على فمها وشالها بحركه سريعه ومشى فيها لنهاية الممر وكان قدامه الدرج صعد متوجه لجناحه دخله وسكر الباب وراه كمل لاقرب كنبه وجلسها علي بطريقه يكون صدره ملاصق لظهرها بعد يده من فمها وثبتها كويس
شيهانه كانت مرعوبه وهي تشوفه يصعد فيها لدرج ويدخلها جناح غريب خافت مرره خصوصا لما جلسها على الكنبه وكان لاصق فيها"بسم الله منو هذا و ووش بيسوي فيني احد يساعدني غمضت عيونها بخوف وهمست"وينك صقر" "
صقر استغرب انها ماصرخة او قالت شي قرب لاذنه وهمس:وش جابك هنا
شيهانه واللي اللين الحين مغمضه"انا اتوهم ولا سمعت صوته"
صقر همس مره ثاني:اكلمك انا
شيهانه"الا صوته"لفت وجها له فتحت عيونها بصدمه وهي تشوف وجها مرره قريب لوجها والمشكله انه صقر:شلون...(استوعبت انها بحضنه وظهرها بصدره)بعدت عنه بسرعه عدلة فستانها الاحمر بحرج لانه مره ضيق عليها:احمم هذا انت وشلون جيت هنا
اما صقر فجلس وحط رجل على رجل وهو مبتسم على شكلها ورتباكها وعاجبه شكلها:امم انا اللي بسألك وش جابك ببيتي
شيهانه ناظرته بصدمه:بب بيتك بس بس هذا بيت شهد صديقتي
صقر رفع حاجبه بستغراب:شهد بنت عمتي نوره
شيهانه ناظرته بصدمه:انت شلون عرفت اسم امها
صقر ابتسم على فهاوتها:عمتي اخت ابوي
شيهانه جلست جنبه وتنهدت:يعني الحين من بين كللل البنات في العالم شلون تطلع تصير لك
صقر ابتسم لتعليقها:ليش
شيهانه:لا ولا شي طيب شلون يعني بنجلس كذا
صقر ناظرها:طيب انتي ليش طالعه من البيت بدون لاتستئذني مني
شيهانه ناظرته بستخفاف:لا والله احلف بس
صقر ناظرها بخبث:والله
شيهانه بنرفزه:عادي مثل ما انت قاعد تسولف مع داليا ولاعطيتني وجه وانا زوجتك انا بعد ليش استأذن منك
صقر ناظرها بستغراب:وش عرفك بداليا
شيهانه ناظرته بقهر:صديقتي
صقر ابتسم:اها انا بتزوجها
شيهانه لفت له وناظرته بصدمه: تتزوجها لييش
صقر:احبها
شيهانه ناظرته بقهر وهي ترص على اسنانها تحس الدموع متجمعه بعيونها مو عشانه ولا عشانها عشان كرامتها ماترضه على نفسها بما انها على ذمته يحترمها على الاقل حتى لو كان بسر:اوك تزوجها وطلقني الحين
صقر ناظرها بصدمه وجها كان احمر من العصبيه والدموع متجمعه بعيونها:هي تمزحين وش جاب طاري الطلاق
شيهانه بعصبيه مره:اي وشو عبالك بسكت يعني
صقر وهو اللين الحين مصدوم:هيي امززح معك وش فييك كذاا وبعدين داليا تكون مرت عمي المتوفيي
شيهانه ناظرته بصدمه هدت شوي:ز زوجة عمك
صقر:اي عمي متوفي من زمان تقريبا من ١٠ سنوات
شيهانه وهي تو تتذكر انها كانت متزوجه وزوجها غني"اها يا سبحان الله كل اللي اعرفهم يصيرون له ":احمم اها عبالي بعد
صقر:اقول الحين مراح تشك صديقتك وين اختفيتي
شيهانه وقفت بصدمه:لااا نسييت(لفت له) انت هي اماانه طلعني مثل ماجبتني
صقر ابتسم بخبث قام متوجه لها
شيهانه بعدت عنه بصدمه:هي نعم وشو
صقر غمز لها بخبث وهو مبتسم:مو قلتي اطلعك مثل مادخلتك
شيهانه فهمت قصده انه مثل ماشالها وجابها يبي يشيلها ويوديها ضربته على كتف بقهر:يا قليل الادب امش بس ورني الطريق
صقر مشى متوجه للباب وهو يضحك:اللي اعرفه انه الحرمه توري الطريق لرجال مو الرجال هههه
شيهانه ضحكت على تعليقه:ههه امش بس
مشى صقر قدامها فتح الباب يشوف اذا في احد وماكان في احد اشر بيده لها وهي بسرعه طلعت من عنده ونزلة من الدرج بسرعه وهو يناظرها وهو مبتسم همس:هبله
عند شيهانه نزلت بسرعه ووقفت عند مرايه كبيره على الجدار عدلة شكلها وخذت نفس ودخلت عند البنات وجلست جنب شهد
شهد همست لها:وينك تاخرتي مره
شيهانه برتباك:ههه اي ضيعت
شهد:هههه مو من صدق
جلست تسولف معهم وهي فرحانه انهم يكونو اهل زوجها وانهم طيبين ضحكت بينها وبين نفسها ماتصلح اهل زوجها وبعد سوالف قامو صوب الحريم بصاله الكبيره مره وجلست عندهم وشيهانه تسأل امها وشلونها وان شاءالله بخير وهي ترد عليها انها زينه ومافي شي وطبعا شيهانه همست بأذن امها وعلمتها انها ذولي اهل زوجها بدون ذكر التفاصيل
ام صقر دخلت لصاله:يابنات تغطو ولدي بيدخل يسلم على عماته وخواته وانتو يا اهله
شيهانه ارتبكت "يووو الحين شلون يعني عادي اقدر مالبس وو(ضربت راسها)والله اني غبيه حلو ماالبس ويجون يسألوني ليش واقول زوجي ومن ثم تجيهم ذيك الصدمه هههه
"قامت هي والبنات ولبسو عباياتهم وهي تلثمت وجلست بجنب امها وامها مبتسمه ومتحمسه تشوف زوج بنتها
وصحيح دخل صقر وكان لابس الثوب اسود تقريبا بما انهم بشتاء والشماغ وناسفه بطريقه حلوه وريحة عطره سابقته ام شيهانه ناظرته بفرح وهي تشوفه واما شيهانه جلست تتأمل وهي مبتسمه من تحت اللثام "يجنن اول مره اشوفه لابس ثوب وشماغ شكله لما كان بلغرفه بدل"جلست تتأمله وهو يسلم على عماته وجدته ويبوس راسها وهي جالسه بشموخ وشلون يسلم على خواته همست:طيب معاهم ومعي لا
شهد همست:شيهانه قلتي شي
شيهانه انتبهت:هلا احمم لاا
لفت تناظرهم ارتبكت لما شافته "اكيد اتخيل بس لاا ناظرني شفته بس شلون عرفني"
بعد ماسلم على اهله جا بيطلع وبدون لايشوفه احد سوا نفسه يعدل الشماغ وغمز لها بنص ابتسامة خبث
شيهانه لا اراديآ حطت يدها على قلبها واول ماشافها حط يده على فمه ماسك ضحكته والمسكينه هنا انجنت لانه غمازته كانت مرره باينه ومحفوره على داخل طلع من عندهم وهي اللين الحين منصدمه
شهد:يوو شيهانه يله وش فيك اليوم سرحانه امشي نبي نبدل ونروح
شيهانه وهي تناظرها بفهاوا:هاا
شهد:هههه وش فيك هاا قولي (ناظرتها بخبث)ليكون حبيتي صقر ادري عنه مزيون كل البنات ميتين علي مالومك
شيهانه بخجل ضربتها على كتفها:وجعع (انحاشت وهي حاطه يدها على وجها من الحرج وهي تتذكر حركته وشهد عبالها انها استحيت )
عند صقر كان جالس مع الشباب وهو مبتسم يتذكرها لما حطت يدها على قلبها خق معها ولا عيونها تذكر فستانها الاحمر عض على شفته وهو يتذكر شكلها كان مرره حلوو فاق من تخيله على يده راكان وهو يحرك قدام وجها :هلوو وين رحت صقورر
صقر ضربه على كتفه:قول صقر ماني اصغر عيالك (وهو يقلده)قال ايش قال صقور
راكان فطس من الضحك:ههههههههه طيييب اعصاابك
______
عند البنات جلسو مع الحريم يسولفون وام صقر تناظر شيهانه وعاجبتها قطع عليها تأملها ام راكان:وش رايك نتمشى شوي
ام صقر ببتسامه:امشي بس وين
ام راكان:تعالي برا
وصحيح طلعو يتمشون
تكلمت ام راكان اقول ام صقر
ام صقر:هلا
ام راكان ببتسامه:وش رايك بلي لابسه احمر قبل شوي سألتها اذا متزوجه او لا وقالت لا شكلي بخطبها لولدي راكان
ام صقر بحسره كانت تبيها لصقر:ههه جد (ابتسمتت بحسره)
ام راكان:وعل....قطع عليها صوت صقر اللي كان وراهم:شلونك خاله
ام راكان:هلا هلا الحمدالله ماصارت لي فرصه اسلم عليك انحرجت عماتك كلهم عندك خفت ينقدن علي
صقر ببتسامه:لا عادي احمم (وهو يسوي نفسه ماسمع لما تكلمو عن شيهانه)اقول بما انك بحسبت امي فخليك معي بقول لامي موضوع وعطوني رايكم
ام صقر ببتسامه:يله بس خلي نجلس
توجهو للقعد اللي بحديقة بيتهم وجلسو
صقر وهو ناوي يحل المشكله الي ماتوقعها وهو انها تنخطب:احمم انا لما كنت رايح اجيب قهوه وشاي شفت وحده لابسه احمر وو هذا(وهو يسوي نفسه منحرج حرك اصبعه على خشمه)<<<يممه منك )وعجبتني فقلت تشوفونها وتشفون اذا مرتبطه وتخطبونها لي
ام صقرر بفرحح بغت تطيير وتبوس رااسه:اي الله يووووفقكك يا قلبي
ام راكان ببتسامه:الله يوفقك والله كنت حاطه عيني عليها بس بما انك تبيها مابقول لا والله يوفقك ياعمريي
صقر ببتسامه:الله يبارك فيك بس خلي نشوف اذا مخطوبه ولا شي
ام راكان:لا انا سألتها قالت لا
صقر ابتسم لها و"ههه وتبرت مني بعد غبيه كان قالت اي متزوجه تنهد":يله انا ماشي
سلم عليهم وراح وهو كملو سوالف وام صقر طايره من الفرح
______
واما صقر دق عليها
شيهانه:ههه اي قلت لك
شهد:شيهانه جوالك
شيهان طلعته وشافت رقم غريب استغربت :بنات شوي
قامت توجهت للممر وردت:الووو
صقر تنهد ورفع راسه فوق يناظر الجواء ومافي غير صوت انفاسه
شيهانه بستغراب:الووو متصلين ليش طيب
صقر:هذا انا صقر
شيهانه تذكرت اللي صار وبحراج:ها هذا يوووو
صقر ابتسم :هبله
شيهنه بحرج "والله غبيه افشل نفسي":انت شلون جبت رقمي
صقر ببتسامه وهو يناظر العشب:مصادري
شيهانه ضحكت بستخفاف:احلف
صقر ببتسامه:والله احمم المهم اسمعي تعالي فوق غرفتي ابيك
شيهانه هدت كل شي ودققت على اخر كلمة بحراج وخجل:هاا ليش شسمه هذاا لاا قول شنو تبيي
صقر ابتسم:انتي دايم كذا تفكيرك نفس وجهك
شيهانه بحراج"افف قلتها وبقولها غبييه يوو":احمم طيبب بجي
سكرت من عنده وخذت نفسه وتوجهة للدرج وصعدت بسرعه قبل لايشوفها احد ودخلت الغرفه بسرعه بس ماكان موجود عرفة انه شوي ويجي جلست تتمشى بجناحه مرره كبير صاله كبيره وبعدين مكتب يجننن وغرفة نوم وغرفة تبديل مطبخ وحمام وبلكونه تجنن وقفت على البلكونه وخذت نفس وهي تناظر السماء وشعرها يطير من الهوا غمضت عيونها وهي تستشعر الهواء وماتدري انه راكان يناظرها من تحت
كان رايح يدور صقر ولفت نظره البنت اللي لابسه فستان احمر مبين مفاتن جسمها وشعرها اللي يطير من الهوا بطوله ولونه اللي يسحر وهي حاط يدها على كتوفها من البرد ومغمضه سحرته وجنن جنونه لما فتحت عيونها وهي تتأمل القمر خق معها ومع لون عيونها بس اللي صدمه هو اليد اللي لتفت حول خصره وهي باين منصدمه لما لفت ماكان باين منو هو لانه كان حاط وجها على كتفها استغفر ربه كيف يناظر محارم غيره توجه لمجلس الرجال وهو يحاول يتناسها
____
عند شيهانه انصدمت بليد اللي التفت حول خصرها وبوجه صقر اللي بكتفها تركته تشوف نهايته همست:فيك شي
صقر ضمها له اكثر وهو بنفسه منصدم من نفسه كيف يضمها كذا همس لها:مافي شي بس راسي مصدع
شيهانه بعدته عنها وهي منحرجه من حركته وتوجهة للكنبه وجلست وجا جلس جنبها:ايوا وش الموضوع
صقر اخذ نفس:اسمعي انتي جتك وحده تسألك اذا متزوج او لا
شيهانه وهي تتذكر الحرمه اللي سألتها ناظرته بستغراب:ايوا
صقر:ووش قلتي لها
شيهانه بستغراب اكبر:ليش
صقر بقلة صبر:اخلصي
شيهانه بهدوء:قلت لها مو متزوجه
حط يده على راسه:انا داري انهم يتكلمون عنك
شيهانه:منو
صقر جلس وخبرها السالفه بتفصيل
شيهانه بصدمه:وانت وش بتسوي ليكون بنتزوج
صقر ناظرها بستخفاف وهو ماسك الضحكه:يعني انا مو متزوجك الحين احمم لا بقول لامي انك انتي اللي انا متزوجها وطبعا ام راكان مراح تجي لنا الا بلمناسبات الكبيره فبقول لامي لانها مستانسه وعبالها بتزوج ومنها تساعدني نغطي على الموضوع فهمتي
شيهانه :اهاا قول كذا من اول
صقر:حلو الحين يله اشوف روحي لايجي اجد ويشوفك
شيهانه ناظرته :يعني طرده
صقر انسدح على ظهره وحط يده على عيونه(ان شاءالله فهمتو المعصم على العيون)افهميها مثل ماتبين
شيهانه قامت وهي متنرفزه منه مره يغمز مره يهاوش مره يضم مره يعصب افف غريب طلعت ونزلت للبنات وجات لهم سولفة معهم شوي وبعدها خذت ارقامهم وسلمت عليهم:يله بنات انا بروح تاخر الوقت
اريج:لاا تو الناس
مايا:ايوا حبيتك مره
ابتسمت شيهانه:اوك وش رايكم ادخلكم قروب واتس ونتفق بكرا نطلع مكان
البنات بحماس:ايوا
شيهانه قامت تعدل عبايتها:يله سلام
البنات:مع السلامه....ماتشوفين شر....بحفظ الرحمن..الخ
توجه شيهانه لامها وسلمت على ام صقر وخذت امها وخواتها وطلعو برى ينتظرون السايق
شيهانه بملل:افف ذا وينه صار لنا ساعه واقفين
فرح:شيهانه متى يجي انا نعسانه
ام شيهانه:يمكن صار شي
شيهانه بعصبيه:يس خلي يجي والله ان...قاطعها صقر من وراها:هههه ليكون بتضربينه بعد
لفت ورا بصدمه:بسم الله خوفتني
صقر ابتسم نص ابتسامه:هه سبحان الله توك تهددين والحين خفتي
شيهانه بعصبيه:شكو اص(ناظرته بصدمه شلون عطاها طاف وراح يسلم على امها )
صقر سلم عليها:شلونك خاله اسمحيلي ماصارت فرصه اسلم عليك
ام شيهانه بفرح:مسموح ياولدي
صقر:يله تعالو انا بوصلكم
ام شيهانه:لا لاتكلف على ن..قاطعتها
شيهانه ببتسامه شريره:اي لاتكلف على نفسك بنروح مع السايق(همست)ناقصه اروح معه بعد
صقر ابتسم بخبث :لاا لاكلافه ولا شي بعدين انا زوجك ولا نسيتي (جلس يرفع حواجبه وينزلهم ببتسامه حيوانه<<ههه^_*)
شيهانه خذت نفس:اوك يله وين سيارتك
ابتسم صقر بنتصار:من هني
وصحيح ركبو سيارته روز رايز اخر موديل
وشيهانه ركبت امها قدام ولما جات بتركب ورا ابتسمت وهي تشوف خواتها فرح وشوق فرحانين وهم يشوفو شاشة تي ڤي وكمان لاب توب جلست بجنبهم
وحرك صقر وهو يناظرها شلون مبتسمه لخواتها جت بباله فكر شغل تلفونه وحط على كرتون ديزني وشغله وشبكه بتي ڤي اللي عندهم وصحيح كلها ثواني وشتغل
فرح بسعاده:شيهاانه شوفييي تلفزيوون
شوق جلست تناقز من الفرحه
شيهانه ببتسامه:اي يجنن (ماشاءالله سيارته خيااال)
جلس صقر يلف بكل مكان على مايخلص الفلم وبنفس الوقت يسولف مع ام شيهانه اللي دخلت قلبه
بعد مده وصلو للبيت ساعد صقر ام شيهانه تنزل وجلسها على الكرسي وشيهانه انزلة هي وخواتها دخلو للبيت وقبل لاتدخل شيهانه ناظرت صقر:شكرا
ودخلت بسرعه ابتسم صقر وحرك وهو يتذكر شكلها بلفستان الاحمر كانت فتنه تمشي علارض
دخلت بدلة ملابسها هي وخواتها وامها جلسو يسولفو عن الحفله واعجابهم فيها وبعد مد راحو ينامون ماعدا شيهانه جلست على جوالها ابتسمت بفرح وهي تدخل قروب داليا و رنده
داليا:تجين بسلامه قلبي بنشتاق لك
رنده:ههه شوشو انا بدوله اللي جنبج
ابتسمت على تعليق رنده ردت عليهم:تسلمين داليا وانا اكثر ورنده وش رايك اجيك ههههه
طلعت من القروب وبدت تدخل البنات شهد اريج روز اسيل جوهره ومايا بقروب
شيهانه ارسلت:سلاام بنات صاحيين ولا نايمين.؟'
روز:صاحيه
اريج:وانا كمان
اسيل :هااي
مايا:هههه وانا
جوهره:سلام
شهد:هاااي
شيهانه:حلوو هههه كلكم هنا اوك وين نروح بكرا
اريج:المول
جوهره:اوك بس اي واحد
مايا:ظهران مول
البنات:اوك
شيهانه:بس شلون نروح مناك منو يودينه.؟!
اريج:مع السواقيين اكيد
جوهره:لا بنات ترى بكرا السواقيين مشغولين كلهم لانه الحريم بيروحون مكان شكله عزيمه
اسيل:لااا بعد ماخططنه
روز:عندي فكره
البنات:وشوو
روز:انا سمعت باسل يقول انه العيال بكرا بيروحون للمول وش رايكم نخليهم يودونه
اريج:اي صح
شهد:بس فشله
روز:عندك فشله ولا هذيله عيال عمي من الطفوله ههههه
شهد:هههه يعني تحذفين نغزات عادي وش فيها حتى انا هم عيال خوالي
البنات:هههههه
شيهانه:طيب واناا شلون اجيكم
البنات مع بعض:اكيد معانا
شيهانه:سلامات اروح مع اخوانكم
روز:عادي مراح يعرفون اصلا
شهد:اي صح
اربج:لاننه واجد
اسيل:وهم موفاضين يعدون ويشوفو من الزايد
جوهره:وكلنا لابسين عبايات ومتليثمين بس عيونك يمكن تفضح يام العيون العسليه مدري الصفر مدري الخضر هههه كلهم على بعض بعيونك
شيهانه:هههههه قولي ماشاءالله
جوهر:هههه ماشاءالله لاتموتين بس
شيهانه:اوك اجل بجيكم على العصر ونمشي تصبحون على خير
البنات:وانتي من اهل الخير
سكرت جوالها وحطت راسها ونامت
______
نوقف نتعرف على العايله طبعا مراح ادقق على الاهل كلهم على اسماء عيالهم الكبار يعني ام صقر..الخ