سراج :- ( طلعت من الغرفه كلش ضوجني كلامهه بس هيه مغلطت بشي ابدا وباين حياتنه منتظرتهه مشاكل هواي وانه من بداية الموضوع مو مرتاح )
عهد :- ( جنت ابجي واني بالفراش واذكر شون جانت حياتي قبل وشون صارت و تعامل سراج ويايه من اول يوم واحنه منتظرتنه هواي ايام بحياتنه راح نعيشهه سوه واني متأكده ماراح تخله من المشاكل )
سراج :- ( صارت الساعه 1 ونص بليل رجعت للغرفه شفت عهد نايمه وعيونهه كلهه دموع اكيد جانت تبجي بديت اوخر بلشال عن راسهه واتلمس بشعرهه الناعم ) انتي مالج ذنب بأي شي صار ولا اني ليش خلونه نعيش هيج زواج ماراغبينه ثنينه 😔
________________________
ثاني يوم :-/
عهد :- ( كعدت الصبح شفت سراج نايم ع الارض بديت اكوم على كيفي حته ليكعد لان كلش مالي خلك من الصبح اتلاغه ويا اخذت شالي وطلعت برا الغرفه ) صباح الخير ايمان
ايمان :-صباح الخير عيوني مبكره كلش اليوم
عهد :- ايي نمت من وكت البارحه
ايمان :- خوش لعد تعالي معاي خلينه نجهز الريوك
عهد :- ( رحنه للمطبخ جهزنه الريوك وخلينا ع السفره واجت عمتي وبعدهه اجه ايمن رجل ايمان سلمت عليه مارتاحيتله ابد وبعدها اجه سلام ولسه سراج مكعد )
الام :- سراج وين
عهد :- سراج نايم بعده
فتون ( الام ):- روحي كعدي
عهد :- حااظر ( رحت دخلت للغرفه وشفته بعده نايم شكله من ينام شكد حلو مايبين عليه انه قاسي وماعنده كلب بس من يكعد يبين جنه شيطان واني مصفنه بوجهه فجاة هوه كعد وظل يباوعلي ) ااا كعدت وانه اجيت اكعدك عمتي كالت كعدي لان الريوك جاهز انه سابقتك ( ردت اطلع ولزم ايدي )
سراج :- ( جنت نايم وكعدت لكيت عهد كبالي ظليت اباوعلهه حسيت بشعور غريب وبنفس الوقت حلو انه اول ما تفتح عيونك الصبح تلكه زوجتك الجنهه الشمس كبالك كالت اجيت اكعدك وبعدين رادت تروح بلا وعي لزمت ايدهه حته لاتروح واني مجنت رايد منهه شي )
عهد :- كول رايد شي !
سراج :- اا... لا... قصدي اي
عهد :- شنو
سراج :- ااا... ماي اريد اشرب ماي انتي روحي هسه اجي واشرب
عهد :-😕😕 رايحه 🚶♀️🚶♀️🚶♀️
سراج :- ( شبيه انثولت اول مره يصير وياي هيج اعتقد اني مريض لازم اروح لشي دكتور )
عهد :- كعدته وهسه رح يجي
فتون :- زين يلا روحي اكلي بلمطبخ
عهد :- ( جنت راح اكعد ع السفره وياهم حته نتريك بس عمتي مقبلت وكالتلي روحي واكلي بلمطبخ ) بس ليش
أنت تقرأ
الخلخال 🌠
Romanceقصة حب بين شاب وفتاة انفرض عليهم الزواج بسبب ثار قديم كانو متوعدين انهم ياخذو بنتهم من تكبر بدال بنتهم الخسروهه اجواء القصه تقليديه ياترا هل راح يكدر يحب زوجته المفروضه او لا خليكم وي قصتي
