الخلخال 🌠

20 والاخير

ورود :- مرت الاياام وصار سبوعين ممتحاجين اني وسلام حته رساله مدزلي ومكلي شلونج واليوم يوم العرس طبعا راح نسوي هوا حنه وهوا عرس رحت للصالون وتمكيجت ولبست البدله وبعدهه اجتي عهد وايمان وامي وياهن سلام بس سلام مادخل بس اجه حته ياخذني من الصالون وام الصالون خلت علي بركع بحيث ميكدر يشوفني طلعنه وشفته وردتلي الروح كلش فرحت من شفته بس هوه وجهه جان ثكيل وماباوع علي ابد وجان عاقج حواجبه طول الوقت )

👇بدلة الحنه

  وصلنه لبيتنه وكعدونه بالاستقبال ونزعت البركع جنت كلش حلوه بس هوا ولا باوع علي ولاكلف نفسه يبتسم بوجهي كلش ضجت والله ردت اخلي واكوم بس ماكدر اجت عمتي ام سلام وحنت ايدينه وبعدهه قطعنه الكيك وشربنه العصير ورحت بدلت لبست بدلة العرس )👇👇

واخذتنه عهد للغرفه الثانيه اني وسلام وهيه وصديقاتي بيان وزينب وجنات حته ناخذ صور وكل مايكلله علا حركه ميقبل يسويهه اني طكت روحي كلت للبنات يطلعن اريد احجي ويا شوي والبنات طلعن وسدن الباب  بقينه وحدنه راد يطلع مشيت ورا جريته من ايده

سلام :- شبيج

ورود :- اني لو انت الي شبيك ليش هيج جاي تتصرف وياي

سلام :- شنو ليش جاي اتصرف عادي ماكو شي

ورود :- سلام طفله كدامك اني من اول ما اجيت وانت عابس وجهك لاظحكت لا حجيت وحته مباوعت بوجهي وهسه من يكللك البنات علا اي شي علمود الصور متقبل شبيك اذا متريد تتزوج احجي

سلام :- وذا كتلج ماريد اتزوج شراح تسوين هااا يلا ماريد اتزوجج شراح تسوين راح تلغين العرس والناس هاي البره واهلنه شراح نكلهم ( من حجيت وياهه هيج وعطت بوجهه شفت عيونهه دمعن رادت تبجي بس مابجت اخذت نفس وحجت )

ورود :- لعد ليش اجيت وحجيت وي ابوي وكلت تريد تزوجني ليش ماحجيت من البدايه يعني اله هسه وبيوم العرس ، ماشي براحتك يلا خلينه نطلع ونلغي كلشي يلا

سلام :-وووين عكبيش بعد صار كلشي وجهزنه كلشي منكدر نتراجع بعد مو لعبه هيه يلا امشي ( جريتهه من ايدهه وطلعنه كلشي كلته الهه مجنت قاصده بس نرفزتني واصلن اني اريدهه تكون زوجتي والي بس كون برضاتهه ومو تخاف مني )

ورود :- ( سوينه الزفه شطولهه وكلهه فرحانه وتركص واني وسلام ماحجينه ابد الزفه كلهه ماجان الهه داعي ولا هذا الزواج اذا هوا ميريدني المن بعد بس صار الي صار وصلنه للبيت ودخلنه وهم صار ركص وهلاهل وبعدهه صار العشه وره العشه كلهه كامت تكول يلا زفو الرايس زفو العرايس سلام كام مدري شحجه وي عمتي وهيه كالت للمعازيم العرايس راح يدخلون لباجر ماكو يدخل ويطلع وبعدين ودونه للغرفه )