عهد :- ( ظل بالي سلام لهسه مارجع ياترا وينه وصل ورود بأمان للمدينه )
سلام :- السلام عليكم
عهد :- هلا سلام هستوني جنت افكر وصلتهه لو لا ظل بالي
سلام :- لايظل بالج وصلتهه وللباب وطبيت وشربتلي ستكان جاي هم
عهد :- طمني شلونهم اهلي
سلام :- لاتخافين اهلج بخير وكلش زينين وحته البيت العايشين بي لصديق ابوج وبيت كلش حلو ونازك وعلى كدهم
عهد :- الف الحمد الله والشكر يارب ، شكرا سلام طمنتني
سلام :- لا ولو خويه علويش الشكر هذا واجبي ، يلا انه داخل انام لان كلش تعبان من الطريق
عهد :- روح خويه ارتاح بس مارايد اسويلك شي تاكله
سلام :- لا خويه تسلمين اكلت بلطريق ( طبيت لغرفتي ودخلت سبحت وبدلت واتمددت ع الجربايه رغم ماجنت تعبان بس ماعرف ليش ما اخذت عيني نوم جنت اذكر بلموقف لصار وياي البارحه اني ورود بلمطبخ وجنت اتذكرهه شلون جانت نايمه بلسياره شعور غريب بعدين ماحسيت على نفسي وغفيت )
_________________________
اليوم التالي /:-
عهد :- ( كعدت الصبح متأخره ولكيت سراج طالع غسلت وبدلت ونزلت للمطبخ ) صباح الخير ايمان
ايمان :- صباح الخيرات عيوني
عهد :- اكول سراج يمته طلع للشغل شو مكعدني
ايمان :- ايي ماحب يكعدج من نومج واني سويتله ريوك تريك وراح
عهد :- هاا خوش ، وسلام وين
ايمان :- والله سلام بعده نايم
عهد :- راح اروح اكعده
ايمان :- خوش
عهد :- ( لغرفة سلام جان نايم بسابع نومه ظليت اكعد بي ميكعد ويتأفأف ) سلام اكعد سلام
سلام :- اممم اووف بس شويه خلوني انام
عهد :- ياخويه اكعد تريدك تاخذ علبة الغده لسراج يلا اكعد
سلام :-… ..
عهد :- ( اممم خوش اكعدك ومتكعد اني اعلمك ). يعني متكعد خوش
سلام :-… ..
عهد :- ورود هاي انتي شسوين اهنا
سلام :- هااا وينهه شجابهه البارحه وصلتهه ليش رجعت
عهد :- ( بس سمع اسم ورود طفر من الفراش بسرعه ) اهده يمهود اشاقه ملكيت غير طربقه حته اكعدك
سلام :- اففف عهد شهل شقه من الصبح
عهد :- يا صبح الساعه 10:30 ، وبعدين شكو اشو كمت من تسمع اسم ورود تنسه حته اسمك
أنت تقرأ
الخلخال 🌠
Romanceقصة حب بين شاب وفتاة انفرض عليهم الزواج بسبب ثار قديم كانو متوعدين انهم ياخذو بنتهم من تكبر بدال بنتهم الخسروهه اجواء القصه تقليديه ياترا هل راح يكدر يحب زوجته المفروضه او لا خليكم وي قصتي
