ثاني يوم/:-
عهد :- ( كعت الصبح لكيت سراج بعده نايم الساعه ب8 ونص فكلت اكعده خاف يتأخر ع الشغل) سراج سراج كوم حبيبي راح تتأخر ع الشغل
سراج :- اي كايم
عهد :- يلا كوم كل مره تكوم بدون ماكعدك شبيك اليوم بس لامريض ( جست خده مجانت عنده حراره ومجان مبين عليه مريض )
سراج :- شسوين
عهد :- دا اشوف خاف عندك حراره
سراج :- اي عندي
عهد :- وين مو هستوني داشوف مابيك شي
سراج :- بس الحراره هنا😊
عهد :- ( اشرلي على كلبه وبعدها سحبني وظل يبوسني ) سرااج ليدخل احد الباب مفتوح
سراج :- وذا دخلو حلالي وجاي ابوس بيهه
عهد :- سراج
سراج :- هاا
عهد :- اني خايفه
سراج :- من شنو
عهد :- اخاف اهلك ميقبلون بأختي وامك لحد الان معاملتهه جافه وياي تدري من تزوجنه لحد الان اني مكاعده وي امك غير شكم مره وماكو بيناتنه غير صباح الخير ومسا الخير
سراج :- لاتخافين راح اقنعهم بعدين تدرين بأمي مره جبيره يعني حته اذا كعدتي يمهه شراح تحجن مثلا غير على الطبخ وشغل البيت
عهد :- ☹☹ هيه متحبني
سراج :- لا عهد لتحجين هيج هيه اكيد تحبج بس متظهر هلشي امي واعرفهه
عهد :- ماشي ، يلا كوم تريك يلا
سراج :- اممم احس نفسي متكسر ومالي حيل انطيني بوسه حته استعيد نشاطي
عهد :- سرااج
سراج :- هاااا
عهد :- اشو صاير تدلل عيني بعدين اني اللازم اتدلل لان حامل وحقي ادلل عليك
سراج :- يابه تدللي والله تدللي عيوني الج
عهد :- اممم سراج كل ماريد اكلك استحي
سراج :- شنوو
عهد :- اممم ، تعرف اني حامل وفترت نساوه فأني مشتهيه الليمون كلش ( اشو هذا بعدني مكتله وطفر من الفراش)
سراج :- شلوون وج صارلج فتره مشتهيته وماتكليلي انه مو كتلج اي شي تشتهي تكليلي
عهد :-…
سراج :- اوك هسه رايح اجيبلج واجي
عهد :- وين مو هسه من ترجع من الشغل جيب وياك بدربك
سراج :- ياشغل هذا ماروح اليوم
عهد :- ليش؟
سراج :- والله مرتي حامل واول مره تشتهي شي اكيد ماراح اعوفهه واروح للشغل
أنت تقرأ
الخلخال 🌠
Romanceقصة حب بين شاب وفتاة انفرض عليهم الزواج بسبب ثار قديم كانو متوعدين انهم ياخذو بنتهم من تكبر بدال بنتهم الخسروهه اجواء القصه تقليديه ياترا هل راح يكدر يحب زوجته المفروضه او لا خليكم وي قصتي
