الفصل 9
قراءه ممتعه
مننساش التفاعل حبيباتي
بارت من نار
ف شركه شهاب
قاعد بيخلص شويه شغل عشان يروح بدري يروح الفرح مع عيلته
دخلت السكرتيره تقوله ان ميرا بره
تافف بضيق
شهاب :وده قتها.... اما نشوف عايزه ايه. دخليها بس بعد شويه
اؤمات له وخرجت
بعد فتره دخلت ميرا بس المره دي مكسوره ومقهوره هي شاف كده صعبت عليه. لا بس ثواني مايمكن دي خدعه منها
ميرا :ازيك
شهاب :اهلا.. اتفضلي خير ف ايه
ميرا بتردد:ها... كنت جايه اتكلم معاك شويه ممكن
شهاب :مش فاضي والله
ميرا :مش هاخد من وقتك كتير
بعد تفكير
شهاب :خمس دقايق عشان مش فاضي
ميرا بغيظ :تمام
عدا وقت بتفرك ف ايديها خايفه تقوله يفضحها طب اعمل ايه
شهاب :ها وبعدين
ميرا :"بص... ف واحد بيراقبني وانا خايفه منه
شهاب بحاجب مرفوع :وانا مالي قالولك عليا شركه حراسه وبعدين عندكوا جاردات تسد عين الشمس او قولي لابوكي انا مالي
قربت منه بدلع
ميرا :محدش فاضيلي وانا بحس بالامان جنبك وبس
قام بعنف زقها بعيد
شهاب :المفروض لما الجارد الي بره يشوفوكي داخله يمنعوكي ودي اخر مره فاهمه. اطلعي بره بدل ماتصرف تصرف هتندمي عليه
ميرا :انا مقصدتش حاجه والله ياشهاب انا خايفه اوي ارجوك ساعدني
مسكها جامد من دراعها ورماها بره
شهاب بزعيق :مش عايز اشوف وشك هنا تاني فاهمه
قامت بعصبيه محاولاه تهدات نفسها عشان متخسروش
ميرا :خلاص انا اسفه اني ضايقتك و.... اخر مره اكلمك اسفه تاني مره.. عن اذنك
ومشيت متغاظه ونفسها تولع ف وائل وشهاب والرجاله كلها
كل الموظفين اتجمعوا ع الصوت وبيتفرجوا لحد ماشهاب زعق فيهم
شهاب :الفرجه خلصت كل واحد ع شغله
.........
خرجت ميرا وهي نفسها تعمل اي حاجه تاذيه بيها
ركبت عربيتها وعماله تفكر ازاي تخليه يجيلها راكع
ومش عارفه توصل لحاجه بيحب مراته يبقي لازم يكرهها الاول عشان يشوف غيرها... او تموت مثلا هو ده الحل
صبركوا عليا العش السعيد ده لازم يتهد
كاك هده تهدك هما نقصين
........
ف منزل شهاب
هند فوق ف اوضتها بترضع ابنها
دخل عليها شهاب
شهاب:هند لسه كتير
هند :لا خلاص اهو... بص اقولك روح مشوارك وتعالي اكون لبست وخلصت
قرب منها وطبع قبله ع جبينها وع خدود ابنهم زين
شهاب :نصف ساعه بالظبط وهرجع لو مكنتيش لبسه هروح لوحدي وخليكي بقي هنا لوحدك
هند :بقي كده طب انا زعلانه منك
شهاب :لا مقدرش ع زعلك ياقمر.. بس انتي بتتاخري اوي انجزي اوك
هند :اوك
تحت اهله كانوا لبسوا وقابلوا شهاب
فهمي :احنا هنسبقكوا وتعالوا انتو ورانا ماشي
ثريا :انت خارج والا ايه
شهاب :اه ورايا مشوار تكون هند خلصت مش هتاخر يكونوا لبسوا ونحصلكوا
ابوه وامه :ماشي
مشي شهاب لمشواره وهند لبست زين ودخلت عشان تلبس
بس سمعت صوت غريب زي تكسير كده
اتخضت. خرجت بره الاوضه وفضلت تنده ع شهاب بس مفيش رد لانه اصلا مرجعش
خافت اكتر. فكرت تنزل تشوف ايه بس اصلا مفيش حد تحت كل الخدم كانوا اجازه انهارده وفهمي وثريا مشيوا لانهم رايحين فرح قريبهم
أنت تقرأ
روايه حبك ف القلب ساكن الجزء التاني بقلمي هند محمد هنوده
Romanceرومانسي حزين واشتياق لحبيب فقد
