الفصل 13
اسفه ع التاخير بس جالي ضيوف وعطلوني
قراءه ممتعه
وقفنا عند هند لما هربت مع متولي
ركبت معاه العربيه وهي خايفه منه. كذا مره يلمح ليها انه معجب وكده بس هي مش بتديله وش. خافت يخدها اي مكان وهي اصلا متعرفش حد ولا اي مكان وفضلت تدعي ربنا ينجيها لحد ماتوصل بالسلامه
عدت ساعات وهي ف العربيه ونامت من كتر الانتظار
ف فيلا الحصري
قاعده الهانم بتفكر تعمل ايه وائل مش هيسكت وممكن يفضحها لا وابوها كمان البيزنس بتاعه هيقع كده ماهم ف مصر والحاجات دي بتعمل شوشره
ميرا :طب والعمل اقوله وخلاص. لا ياميرا بلاش
لا ايه لازم يتصرف مش هيعملي حاجه بس يخلصني من الزفت ده
قطع تفكيرها دخول ابوها
هشام :حبيبه بابا بتعمل ايه
ميرا بزعل :مفيش اهو قاعده
هشام :مش معقول
بص ع ساعته لقاها 8م
هشام :الساعه 8 بالليل وميرا ف البيت ليه كده
اكيد ف حاجه كبيره هي الي خلتك متخرجيش
ميرا بتردد:بابي.. انا عايزه.. اقولك حاجه
هشان :قولي ف ايه قلقتيني
ميرا :ف... مصيبه
هشام:ف ايه
حكتله الي حصل
هشام بعصبيه : ايه.... وازاي تعملي كده. طب والصور دي خدها ازاي
ميرا بعياط :مش عارفه ومش فاكره.. بابي انا اسفه
بصلها بغيظ نظرات قاتله
هشام :هعمل ايه باسفك ده ضيعتيني
مسكها من دراعها جامد وهزها بعنف
هشام :ها فهميني اعمل ايه. لازم الصور دي تبقي معانا والا هموتك انا دلعتك كتير لكن خلاص
كل مره بقول هتتهد هتتلم وتتنيل تبطل الو****
الي بتعملها لكن انتي بتزيدي
ومسكها من شعرها جامد وبعصبيه اكبر
هشام :انتي هتفضلي هنا مفيش خروج لحد ماتصرف وبعدها تسافري ف اي داهيه
وسابها بعنف
وطلعت ع فوق ندمانه انها اتكلمت بس ارتاحت لانه هيخلصها منه
.........
ف بيت شهاب
مرحش المكتب لانه مخنوق جدا ومش عايز يشوف اي واحده خالص
قاعد ف اوضه الجيم بيتدرب وافتكر
فلاش
كان بيتدرب ع المشايه وهو بينهج
لقي صوت زي صوت القطه وراه
بص ملقاش حد
استغرب وشغلها تاني لا بس الصوت بيزيد ووحش مش صوت قطه هو شبه بس مش هو
فضل متبع الصوت لحد ماراحله بس ملقاش حد
بيبص بجنب عنيه لقاها واقفه بتضحك بخبث وبصوت هادي
جت ف باله فكره جهنميه
بعد عنها وعمل صوت يخوف هي اتفزعت وصوتت
طلع من وراها ومسكها من وسطها بتملك
شهقت بصدمه
ابتسم بخبث
شهاب :بقي كده تعملي فيا انا الحركات دي فينا من كده
هند بضحك :ههههههههه ان مكنتش اعمل كده ف حبيبي هعمل ف مين يعني
وراحت حضناه
تعمق ف حضنها كانه بعيد عنه بقاله سنين
هند بحب :بعشق ياحبيبي اوووووي
بعد عنها وبص ف عنيها بحب وعشق
شهاب :انا الي بعشق كل تفصيله فيكي
بقي انا الي كنت رافضك من الاول تقلبي حياتي كده
عملتي فيا ايه جننتيني
هند بزعل :بقي كده ايه رافضك دي
بعدت عنه
هند:ابعد كده انا زحلانه اووووي
ضحك جامد بكل صوته
شهاب :ههههههههه لا طبعا مش قصدي بس
ولفها ليه
شهاب 'قصدي انا ازاي كنت حارم نفسي من العثل ده كله وبص ع شفايفها بحب وخطفها ف قبله جننتهم ودوبهم مع بعض
وبعد
شهاب :والا من عيونك السود دول الي دوبوني وخلوني جيت راكع لحد عندك
هند بتعدل اللياقه :احممممم طبعا ده احنا جامدين اوووي
ضحكوا الاتنين بحب
وحضنوا بعض تاني
باك
لقي نفسه بيبتسم ولما فاق كشر وحزن تاني
شهاب :طب وبعدين معاك هتفضل كده. العمر بيجري وانت زي مانت
هند خلاص راح.......
مقدرش يكملها
صعب عليه يقولها ماهي دي الحقيقه يعمل ايه بقي ينساها افضل
شهاب :ابداااااااا لايمكن يحصل هفضل ادور وادور لحد مالقيها
وخرج ورزع الباب وراه
..........
اتصل هشام بوائل
وائل :هههههه دي احلوت اوي
وفتح الفون
وائل :هشام باشا بنفسه يا اهلا
هشام :عايز اقابلك
وائل 'تشرفني فاي وقت
هشام :تمام بكره الساعه 5 ف نادي.........
وائل :اوك
هشام :بس معاك الصور وانت فاهمني
وائل :اااااه لا كده مش هينفع
هشام:انت عايز ايه
وائل: جوزني بنتك
هشام باستغراب :بعد الي حصل بينكوا ولسه عايزها
وائل :الحب بقي تقول ايه
هشام :وانا موافق بس تعالي بالصور
وائل :موافق.. سلام
.......
ع الطريق
ماشيه العربيه بهند متولي بيجي ف باله ميه سيناريو
نفسه فيها بس متجوزه ومش طيقاه ولا طيقه جوزها
طب يعمل ايه هي اهي قدامه ونايمه يعني ممكن يقف ع جنب ويعمل الي عايزه فيها
لا بس دي مش اخلاقك يامتولي انت صعيدي اصيل ازاي تاخد واحده غصب لا لا يمكن
وفضل ينفض دماغه من الافكار السوده دي
عدا وقت لحد ما هند فاقت
فتحت عنيها لقتها لسه ف الطريق ومتولي باصص قدامه وبيسوق
هند بتردد :لسه فاضل كتير
متولي :لا خلاص قربنا
فضلت قلقانه طب هتعمل ايه هناك ياتري حد هيعرفها والا لا والا هتروح فين والا هتقابل مين وحد هيعرفها والا لا
افكار كتيره جت ف بالها لحد ماوصلت
متولي :اهو القسم اهو
هند :طب مش هتدخل معايا.. اصلي خايفه
متولي :طبعا هدخل دي خاله نعمات موصياني عليكي قوي
هند :بجد شكرا ليك انا مرعوبه خايفه اي حد يقولي قريبتي والا مراتي وياخدني معاه
متولي :لا متخافيش انا هفضل معاكي لحد ما اهلك يعرفوكي ويقدمولي اوراق تثبت كده كمان
هند بابتسامه :ربنا يخليك بجد انت اكتر من اخت
غمض عيونه بحزن بس ما باليد حيله
دخلوا جوا
وهند مرعوبه جدا
سال ع ظابط او اي حد مسؤل
لحد مدلوه ع مكتب رائد
متولي :تعالي هندخله وهنشوف
استاذنوا ودخلوا جوا
اذن ليهم ودخلوا
اول ماشافهم قام من مكانه باستغراب
سيف :هند
خلصت الحلقه
ياتري سيف مين حد فاكره
وهند هترجع لشهاب والا هتفضل كده متشحططه
وميرا ايه نصيبها مع وائل هل فعلا ابوها هيبعها ليه والا لسه ف الحكايه كلام
انتظروني
لو قدرت انزل بكره هنزل
أنت تقرأ
روايه حبك ف القلب ساكن الجزء التاني بقلمي هند محمد هنوده
רומנטיקהرومانسي حزين واشتياق لحبيب فقد
