الفصل 15
قراءه ممتعه
فصل من نار محدش يعيط لان كفايه انا
ف الصحراء
بعد ماهند مشيت بوقت كارل صحي ملقهاش خرج يشوفها بره بارضو ملقهاش راح لمرات حجازي يسالها بس انكرت
كارل :هي هند فين مش لاقيها
نعمات بتردد واضح :ايه... مش عارفه
كارل باستغراب :امال هتكون فين لو مش معاكي
نعمات :شوفها.. هنا والا هنا
قرب منها بمكر ودهاء
كارل :يعني متعرفيش فين
نعمات بخوف من قربه :وهعرف من اين يابني تلاقيها بتتمشي
كارل :"ماشي انا رايح ادور عليها
ومشي
اخذت نفسهاالطبيعي بعد ما مشي
نعمات :ياوقعه مطينه لوعرف هتبقي كارثه لازم اقول لحجازي وهو يتصرف
وراحت ليه
فضل كارل يدور ويدور مفيش اثر ليها راح رايح لحجازي المره دي
كارل :مراتي فين
حجازي :الله اعلم يابني
مسكه من تلابيب هدومه
كارل :اسمع ياراجل انت عارف لو مقولتش ودتوها فين انا هقتلك
نعمات :ابعد عنه
حجازي :معرفش ياولدي شوفها.راحت فين
سابه واتحرك بسرعه رهيبه للخارج خايف تكون هربت منهم
فضل يجري ف اي مكان ماهو مفيش عربيه العربيه مع متولي وهما اتعمدوا كده
نرجع لسيف
لما راح ليهم قالوله كل حاجه
سيف :يعني ياحاج متعرفوش اي حاجه عنه
حجازي :قولنالك الي نعرفه ياولدي
سيف :طب معاك اي صوره ليه
حجازي :ههههه لا يابني هنصوره فين بس
خليفه :انا معايا
وراح لسيف وراه موبايله
شاف الصوره بس معرفهوش
سيف :انت متاكد انه ده
خليفه :ايوه يابيه
سيف :ماشي دلوقتي بقي الاقيه فين
وراه مكان ما مشي وسيف خد القوه وراح وراه
بعد وقت
كارل فضل يروح ف اي مكان مش لقيها تاكد كده انها هربت بس هي مشيت لوحدها والا هما الي هربوها
يبقي شكوا فيه طب هتروح فين وحد هيصدقها والا لا
لو شهاب لقاها لا بس هيلاقيها ازاي دي لو شافته مش هتفتكره
وفضل يكلم نفسه كده كتير لحد ماتعب قعد تحت شجره خاف يرجع ليكونوا بلغوا عنه
سيف فضل ماشي بالعربيات ف المكان الي مشي منه لحد ماتعبوا من التدوير فقرروا يمشوا بس كارل كان سمع صوت العربيه وراح نحيتها
سيف كان راكب عربيته جيب لوحده عشان كده كارل لما شافه وقفه
سيف اول مالمحه وقف ليه
كارل ميعرفوش راح ناحيه العربيه وسيف نزل منها بعد ماكلم العربيه التانيه تقف بعيد عنهم
سيف :انت مين وواقف هنا ليه
كارل :مفيش تهت لو راجع القاهره والا اي حته خدني معاك
سيف :ايوه راجع
كارل :بس ايه الي مشاك من هنا
سيف :واحد صاحبي بيعمل سفاري وكنت جايله
كارل :اسمه ايه
سيف بحاجب مرفوع :ليه تعرفه يعني والا ايه
كارل :لا بس كنت مع ناس وممكن يكونوا هما
سيف :اسمه محمود
كارل :ها.. لا مش هو
سيف :طب يلا بينا
كارل :وصاحبك الي انت جاي عشانه
سيف :مانا مش لاقيه ومفيش شبكه هنا يبقي ارجع افضل بدل بالليل
ركب معاه العربيه وسيف قفل الباب كويس
أنت تقرأ
روايه حبك ف القلب ساكن الجزء التاني بقلمي هند محمد هنوده
Romanceرومانسي حزين واشتياق لحبيب فقد
