سماء العشق

الفصل الثاني

الفصل الثاني
سماء العشق
سعاد عباده

في مقر المخابرات العامة المصرية
في أوضة مغلقه فخمه يتوسطها طاوله زجاجيه ضخمه يجلس أشخاص ذو رتب عاليه
اللواء هانى صابر: كان لازم كلنا نتجمع هنا النهارده لأن الموضوع كل ما بيتاجل كل ما العصابه دى بتاخد راحتها أكتر
أحد الرتب الموجوده: تمام يا فندم ماتقلقش أحنا عارفين هدفنا بس الأوامر إللي جاتلنا إننا نعرف لو في حد بيمولهم ولا لا وكمان نقبض عليهم كلهم متلبسين لأن في ناس فيهم بتاجر في الاسلحه ومخدرات وحتى كمان البنات
إيلين بشهقه قويه: هاه بنات!!!!
أحد الضباط: أيوه يعنى الموضوع مش شوية بلطجيه شعبيه ولا حاجه الموضوع أكبر من كده بكتير
صهيب بجديه: طب وأحنا دورنا أيه هنا؟
اللواء: دوركو مهم جدا أحنا محتاجينكو معانا في وقت زى ده لازم كل أركان الدوله تحط ايدها في أيد بعض
صهيب: طب إزاى
أحد الضباط: أحنا لينا رجالتنا هناك لكن هنحتاج حد يبقي همزة الوصل بينا وكمان يبقي علي علم مسبق بكل تفاصيل القضيه لأنها هتكون قضية رأي عام ولذلك هنحتاج الانسه معانا
صهيب بجديه: إيلين!! إزاى وأنتوا قلتوا أنهم بيتاجروا في البنات...نهض صهيب بغضب وهو يقول: أنا اسف مش هاقدر اخاطر بيها أنا فكرت إنها مساعده معنويه لكن الموضوع خطر عليها وأنا لا يمكن اسمح بده...ثم نظر لإيلين: قومى
إيلين وقفت باذبهلال
اللواء بجديه: صهيب بيه أنت راجل وطنى ومصلحة البلد فوق أي حاجه وأحنا عارفين أحنا اختارناها ليه هي بالذات وكمان رجالتنا هيبقوا حوليها يعنى مستحيل حد يأذيها
صهيب: أنا آسف أنا.....قطع كلامه وبص بصدمه علي إيلين لما قالت: بس أنا موافقه
صهيب بحده: يعنى أيه موافقه أنتى مجنونه!؟
إيلين: بليز مستر صهيب أنا بحب شغلي لأنى بظهر الحق فيه ونفسي أفيد بلدى والفرصه جات لحد عندى مستحيل ارفضها
صهيب بغلظه: أنتى اتجننتى
اللواء: صهيب بيه أهدى من فضلك وراعي المكان إللي أنت فيه
صهيب بجديه: آسف يا فندم لكن
اللواء: ماتقلقش أحنا هنتكفل بحماية الانسه
صهيب بتوتر بص لإيلين بحده واضطر أنه يوافق وقعدوا كلهم
اللواء: دلوقتى هنعرفكوا علي المافيا دى إللي ملفهم اسمه مافيا الحي الشعبي
إيلين بحماس: ياريت يا فندم
صهيب بصلها باستغراب لحماسها وقلة خوفها واطمن نوعا ما لأنه عارف إن إيلين قويه وتقدر تحمي نفسها
الإضاءة خفضت وشاشة العرض الضخمه إللي في الغرفه اشتغلت وعرضوا صور من المتورطين دول في الشاشه لحد ما جه صورة إيلين شهقت بصدمه منها الصورة كانت لشاب شديد الوسامه والجاذبيه أكتر حاجه سيطرت على إيلين هي عيونه الرماديه
إيلين لنفسها: اوبا لا أحنا ماتفقناش علي كده دى خيانه عظمي للوطن هو في كده يا جودعان بقا ده خاين ده هييييح
فاقت علي صوت اللواء وهو بيعرفه
اللواء: عاصم نصرالدين يعتبر الكل في الكل في المافيا دى معروف بجبروته وقسوته ممكن يبيع أي حد قصاد الفلوس الكل بيعمله حساب وده إلي عن طريقه نقدر نوقع المافيا دى وعشان كده أحنا محتاجين الانسه إيلين هي هتدخل وسطهم ووظيفتها تكسب ثقة عاصم وأحنا هنقولها علي الطريقه ها في أي اعتراض أو استفسار!!