سماء العشق

إقتباس

إقتباس

=دخلت إيلين وهي متحفزة للثورة والإنتقام الفرصه جاتلها بعد حرب طويله مع كل إللي حوليها لو فكروا إنهم هيقدرو يثنوها عن قرارها وحبها المسلوب يبقوا غلطانين مش إيلين المصرى إللي تتنازل وترضي بالأمر الواقع عاصم لازم ياخد حقه وهي سلاحه لازم تنتقمله...بصت لنفسها مرة أخيرة قبل ما تدخل وابتسمت ابتسامه مريرة علي نفسها كانت دايما فخورة بجمالها بشعرها الأصفر الغجرى وعيونها الزرقا وملامحها الرقيقه وكانت شايفه جمالها هو سر نجاحها وتفوقها وكانت تستاهل الأفضل لكن ماعملتش حساب لا لتعليم ولا شكل ولا مستوى لما حبت عاصم حبته بجد لأنه يستاهل يتحب لو عاصم بمواصفاته دى كان مجرم« فياليت جميع الرجال مجرمون» ضحكت أكتر هي صحفيه وعارفه ان في بلدنا دى مابيجوش غير علي المحترمين والشرفاء وبس ماهي كانت الصحفيه المسئوله عن قضية لاعب الأهلي الشهير محمد أبو تريكه إللي لا شهرته ولا حب الناس ليه منعهم من ظلمه وقهره....فاقت من سرحانها علي صوت فتح الباب وخروج السكرتيره حسناء
حسناء: مدام إيلين تقدرى تدخلي
إيلين بصتلها باستغراب وترجمة استغرابها فورا: مدام!!!
حسناء مادتلهاش فرصه للكلام أكتر وسابتها واقفه مكانها وخرجت وغصب عنها افتكرت جريمتها في حق عاصم ونزل دمعتين مسحتهم بسرعه وده خلي الحقد جواها يزيد ودفعت الباب بعنف ودخلت وقفلته وراها بنفس العنف.
بصتله بغيظ وقهر ضهره كان ليها واقف بيبص للبحر قصاده من جدران مكتبه الزجاجيه الصنع وايده في جيبه بكل غرور
إيلين بحده شديده: أخيرا هقابل الشيطان إللي دمر حياتى وكان السبب في...فتحت عيونها علي وسعها وماقدرتش تكمل من الصدمه
إيلين بعدم تصديق : أنت
= أيوه أنا يا زوجتى العزيزة...وابتسم ابتسامه مستفزة لكن جواها شوق ولهفه......

#سماء_العشق
#سعاد_عباده