عشق تحدي الجنون

الفصل الخامس والعشرين

قلوب تعشق 💞 وقلوب تهرب
وقلوب تتألم 💔 واخري تموت
وتبقي قلوبنا تنبض ولكل نبض حكايه 💔💞

في صباح اليوم التالي بالمشفي استيقظت سما ووجدت جاسر يتمدد مقابلها علي الاريكه بقيت تفكر بأمير وكيف سيكون رد فعله عند ولادتها وعندما يري طفلته لاول مره وكيف سيشاكسها ويخبرها انها تشبهه هو وكيف ستغار هي من أميرة زوجها المدلله الصغيره ظلت هكذا الي أن فاض بها الشوق فايقظت جاسر وأخبرته انها تريد العودة لمنزلها حاول أن يغير رأيها واخبرها أنه يجب عليها البقاء لعدة أيام ولكنها رفضت فلم يشأ ازعاجها اكثر اتصل علي الفتيات واخبرهم أن يذهبوا لمنزل سما فهو قادم بها ثم حملها وتوجه الي السيارة وترك حرسه بجانبها وصعد مجددا وأحضر الطفله ووضعها علي قدم سما التي سرعان ما راتها بدأت تبكي بكاء مريرا صعبا هدء جاسر من روعها قليلا وتحرك بالسيارة وأخبرته أن يمر بالمقابر ففعل ما تريده فهو في النهايه لا يريد الضغط عليها نزلت من السيارة وسارت حتي وصلت إلي قبر امير وجلست امامه
سما ببكاء : بنتك اهي يا أمير 😭😭 انت مقولتش هنسميها ايه كان نفسي تكون اول حد يشوفها بس جاسر سبقك الشرير ده 😭😭 انا هجيلك انا وهي علي طول وهقولها قد ايه ابوها كان احسن واغلي حد في حياتي 😭😭
جاسر بدمعه خائنه فرت من عينيه علي حال مجنونته الصغيره : سما يلا عشان البنت متبردش وانا هجيبك تاني
سما وهي تنهض : حاضر علي فكرة يا أمير جاسر مش بيقصر معانا خالص وطلع بيحبك اوي باي يا حته مني 😭😭
اخذها جاسر واتجه الي المنزل واستقبلتها الفتيات استقبال حار وظلو يداعبون الصغيرة أما جاسر خرج الي الحديقه ولحقته سيلين عندما لاحظت تغير وجهه
سيلين : مالك يا جاسر
جاسر : احضنيني وبس
سيلين وهي تعانقه : مالك بس قولي
جاسر : اول مره اخاف خايف يجرالي حاجه وقتها مش هيبقي حد فاضل يحميكو وفي نفس الوقت الحمل تقيل عليا ومالك مش لاقيه ومبقتش عارف اعمل ايه
سيلين وهي تنظر في عينيه : انت قدها يا جاسر
جاسر : مكنتش اعرف ان فراق امير ومالك هيوجعني كده انا كنت فرحت بلمتنا عشان بجو البيت الي محسيتوش من سنين وسما صعبانه عليا ومش عارف اعملها ايه
سيلين : قول يارب
جاسر بتنهيدة : ياااااااااااااارب طيب ادخلي أنتي هعمل مكالمه واحصلك
جاسر وهو يتحدث علي الهاتف
جاسر : ها قلبك اطمن دلوقتي
الشخص : مطمن طول ما انت موجود
جاسر : اه بس متاخدش عليها ههههههههههههه
الشخص : هنبقي نخلص حساباتنا بعدين هههههههههه
اغلق جاسر الهاتف وعاد الي الداخل واخبرهم أن عليه الذهاب للشركه وطلب من الفتيات اطعامها والاعتناء بها حتي عودته
💝💝💝💝💝💝
في مكان ما منعزل عن الجميع كان يجلس أمام تلك الشاشه الكبيرة يراقبها ويتحدث مع نفسه
......... جايلك وهاخدك غصب عن الكل وهتفضلي معايا لآخر العمر
💝💝💝💝💝💝
بعد ساعتين اتي شخص ما وطلب مقابله سما
الرجل : اهلا وسهلا سما هانم
سما : اهلا بيك اتفضل
الرجل : ممكن نتكلم علي أنفراد
سما : معنديش انفراد اتكلم هنا
الرجل : تمام طيب انا الي كلمتك من فترة وعرضت عليكي تسيبي امير وتعيشي معايا يا تري مفكرتيش تاني
سما بغضب : وليك عين تجليلي لحد هنا
الرجل بنبره شر : منا قتلته واستنيتك لما تولدي عشان اتكلم براحتي
سما بصراخ : قتلت مين يا حيوان انت اطلع برا برااااا
الرجل : بقا كده انا زمان قولتلك هتندمي وندمتك بس دلوقتي هتندمي اكتر
وقام بوضع طلقه علي صدر الطفله وغادر أما عن صاحبتنا انتابتها حاله من الجنون وبدأت تصرخ وتبكي اتصلت سيلين علي جاسر وأخبرته بحاله سما فأتي علي الفور وقصت له سما ما حدث
سما بصراخ : انا عايزة افهم مين الي قتله أنه ولا الراجل ده
جاسر بحيرة : انا نفسي مبقتش فاهم بس بسيطه هعرف كل حاجه وافهمك
سما بغل : لما تعرف تجيب الي قتله وانا الي هقتله بايدي
جاسر : ماشي انا هرجع انا ومش هتاخر عليكي وهسيب بقيت الحراسه هنا وهخليهم يمنعو اي حد يقابلك
غادر جاسر علي استعجال ولكنه توجه إلي مشفي الامراض العقليه وفي الطريق تذكر شي
فلاش باك
جاسر : يعني ايه كانت بتعاني من حاله نفسيه بقالها فتره
مالك : موت نرمين اثر عليها ولما اتسجنت تحت التحقيق الحاله زادت وكشفوا عليها اكتر من مرة لقوها بتعاني من مرض عقلي وحولوها علي المستشفي
انتهي الفلاش
وصل جاسر الي هناك وطلب مقابله شاهيناز وافق الطبيب واوصله إلي غرفتها وجدها جاسر حقا في حاله سيئه وتهذي وتحدث أشخاص غير موجودين وتضحك وتبكي
جاسر وهو يجلس أمامها: انتي قتلتي امير
شاهيناز بهذيان : اممممم اه قتلته هو اخد حبيبتي
جاسر : هو مخدش حد هي انتحرت
شاهيناز بغضب : بسبب سما
جاسرمحاولا استفزازها : بس امير عايش وانتي كدابه مقتلتيهوش
شاهيناز : لا لا اصلهم بعتولي صورته وهو مقتول قبل الإسعاف ما تروحله
جاسر : فين الصور دي عشان اخليه يشوفها واقوله انت كداب انت ميت
شاهيناز : في قصري

تركها جاسر وغادر علي الفور ذاهبا الي المكان الذي تم فيه القبض عليها وأمر الحرس بالبحث معه بالداخل عن أي صور لامير كي يتأكد انها الفاعله وبالفعل بدأ الجميع بالبحث لم يتركوا مكان حتي شعر جاسر باليأس فاستند بظهره علي الحائط فوجده يتحرك التفت سريعا ليري انها غرفه صغيرة دخلها لينصدم بما فيها وجد كل شئ فيها عن سما صورها علي كل الجدران فعلم أنهم راقبوها في كل الاوقات حتي عندما طردها امير وبداخل الفندق وبكل مكان وباي شكل كان ثم وجد علي طاوله بمنتصف الغرفه عده صور لامير وهو يلتقط أنفاسه الأخيرة بداخل سيارته فعلم جاسر انها الفاعله وفهم أن هذا الرجل يستغل الفرص لا اكثر وأنه لم يقتل امير وشعر أنه ممكن أن يكون له علاقه بوالدة امير ولكن ماذا طلبت منه أو ماذا يريد هو فهذا ما لا يعلمه جاسر مزق جاسر الصور وغادر عائدا الي سما وشدد الحراسه عليهم وأمر الحرس أن كل من يقترب منهم يقتل فورا
💝💝💝💝💝💝💝
في مكان ما كان هناك مجموعه مسلحين يتحدثون الي سيدة ويامرونها بفعل شئ ما ويهددونها بحياة أبنائها
الرجل : انتي هتنفذي الي امرتك بيه ولا ليكي راي تاني
السيدة ببكاء : عشان خاطري متدخلونيش انا واولادي في الموضوع ده
الرجل : يبقي انتي مستغنيه عن ولادك
السيدة بتوسل : ارجوك سيبني في حالي انا واولادي وسيبها هي كمان دي حياتها متدمرة
الرجل وهو يضع السلاح برأس أحد أبنائها: يبقي انتي الي اخترتي
السيدة بصراخ: لا لا ارجوك هعمل الي تؤمر بيه بس بلاش ولادي
الرجل :. عشر ايام وهتنفذي استعدي واي خيانه انتي عارفه التمن هيبقي ايه
السيدة : فاهمه فاهمه
💝💝💝💝💝
عودة إلى منزل أمير كان جاسر يجلس ويحاول إطعام سما وسيلين تتأمل وجه الرجل الذي اسر قلبها الرجل الذي هو بعينيها رجلا بمعني الكلمة ونور شاردة في معشوقها الذي هجر قلبها ورحل بدون سابق إنذار وايه تحاول تلطيف الأجواء بشتي الطرق
ايه : سما ايه رايك ناخد إجازة ونطلع رحله سوا نغير جو في اي مكان
جاسر : انا هتعطل عن الشغل بس كله فداكو
سما : لا انا مش عايزة
نور : سما انتي لازم تخرجي من الي انتي فيه لازم تعيشي وممكن كمان تبني اسره جديده
سما بغضب: نور انتي في وعيك انتي فاهمه بتقولي ايه انا ابني أسرة مع راجل تاني قلبي يدق لراجل تاني غير امير 😭😭 اعشق ريحه حد غيره 😭😭 انام في حضن راجل غيرة واسلمه كل شئ كان بيملكه امير فيا 😭😭😭 انتي اكيد اتجننتي امير اخذ مني كل حاجه ومشي اخد ابتسامتي وحبي وقلبي وسابلي الوجع بس انا اصلا مبقاش عندي حاجه اهديها لحد
سيلين : اهدي يا سما هي متقصدش بس هي عيزاكي تفوقي شويه انتي مش شايفه شكلك بقا عامل ازاي خسيتي النص وتحت عيونك بقا اسود وبقيتي ضعيفه زي القشه عايزينك تروقي مش شرط حد يدخل قلبك أو ياخد مكان امير
جاسر : طيب اهدو بقا حصل خير وسما هتبقي بخير باذن الله
سما وهي تنظر لعيني جاسر : انت مخبي عليا ايه
جاسر : هخبي ايه يعني
سما : مش عارفه بس عيونك عايزة تقولي حاجه .
جاسر : دي هلاوس قبل النوم 😂😂 قومو ننام
صعدت سما وطفلتها التي لم يتم تسميتها بعد الي غرفتهم والفتيات الي غرفه أخري وتمدد جاسر علي الاريكه في الطابق الأرضي اتي الليل الطويل الذي باتت سما تكرهه بشدة لأنها تفكر به كثيرا وتصاب بالأرق بقيت في غرفتها تحمل صورة أميرة وتحادثها الي أن غطت في نوم عميق كانت تشبه الجسد الخالي من الروح أما جاسر كان يتذكر اشياء مضت ويفكر باشياء قادمه ظل هكذا الي أن نام هو الآخر أما عن الفتيات نامت ايه وسيلين بسرعه وبقيت نور تناجي معشوقها القاسي الذي هان عليه فراقها الي أن تعبت ونامت هي الأخري
💝💝💝💝💝💝💝
الي اللقاء في الحلقه القادمه
متقلقوش القادم افضل
توقعاتكم