عشق تحدي الجنون

الفصل الثامن عشر

وعندما تركتني علمت كم كنت فظا غليظ القلب علي قلبها لم اكن اتخيل ان فراقها قد يشعل نارا داخلي لا تنطفئ لم اكن اعلم أن خيالها سيستمر في مطاردتي بلا هوادة وحين اذكرها لا اجد ما يجعلها تشفع لي فانا الجاني ولتستمر الحسرة بوجداني كم احببتها وخشيت عليها من نفسي ولكن الخشيه لم تجدي انا الجاني وقد بدأت اؤمن أن القدر عاقبني باحتلالك افكاري 💔💔💔💔

في صباح اليوم التالي في غرفه سما بالفندق كانت جالسه علي فراشها يقتلها التفكير لم تنعم بالنوم ولو لدقيقه تفكر هل أخطأت الاختيار أم أنه كان يلعب بها ولم يعشقها بتاتا ام أنها أكبر مغفله في التاريخ تفكر هل جاسر هو فرصتها لتحقيق الانتقام أم أنه لن ينفعها بشئ ولكنها فكرت واخذت قرارها ثم نهضت من فراشها ودخلت الي المرحاض اخذت حمامها بسرعه وخرجت لارتداء ملابسها ثم وقفت امام المرآة تتحسس كدمات وجهها بيدها وتتذكر تلك الأحداث المؤلمه اغمضت عيونها لتتمالك زمام قلبها ثم أخرجت الكريم ووضعت منه علي وجهها ورفعت شعرها ذيل الحصان وخرجت من غرفتها قاصدة غرفه جاسر
💝💝💝💝💝💝
في منزل أمير كان بالامس قد غفي وهو يقرأ مذكراتها فتح عيناه واول شئ نظر إليه دفترها النائم علي صدره وتذكرها وهي تضع راسها علي قلبه وتغفو بأمان امسك الدفتر بيده واول جمله وقعت عيناه عليها كانت ( صباحك طقس من طقوس الهزيان
ثورة عشق تقلب عرشي وتكسر الصولجان
دعوة مجنونه لكي احتل قلبك بكل عنفوان
صباحك ابجديه خطيرة اخترعتها فقط لاجلك
انت فيها النص المبلل بالشوق وانا العاشق العطشان   عاشقة الأمير )
ادمعت عيون امير ندما وشوقا لها ولكن ما زال لديه امل في ايجادها نهض من مكانه ودخل ليستحم ويغير ملابسه وبعد ربع ساعه خرج من المرحاض وهبط إلي الأسفل ليتفاجأ أمامه بوجود مالك ونور وايه وسيلين
امير : انتو جيتو أمتي
مالك وهو يعانقه : لسه من دقائق
امير : صباح الخير
الجميع : صباح النور ايه. مفيش جديد
امير : لا
مالك : وانا جاي سالت في كل المطارات وبعت ناس تبعي في كل مطار في مصر الكل بيقول مسافرتش برا
نور : هتسافر ازاي وهي خارجه من غير باسبور ولا فلوس
امير وهو يخفض رأسه بخجل : انا مش عارف هي الارض اتشقت وبلعتها ولا هي بتعذبني
مالك : انشاء الله هنلاقيها بس لازم نفكر صح
قولي ايه الي حصل في اليوم ده من اوله لاخره
قص امير علي الجميع ماحدث منذ ذهابه للعمل ولقائه برفاقه وعودته وما فعله بها
انقض مالك علي امير صارخا بوجه وهو يمسكه من ياقه قميصه : انت كمان اعتديت عليها الله يخربيتك حد يعمل كده وعايزها ترجع ده من سابع المستحيلات
امير بغضب : بقولك انا مش عارف ده حصل ازاي
نور وهي تفصل بينهم: اقعدو واهدو يا جدعان في حاجة غلط انت قولت شربت كاس مع اصحابك طيب انت من النوع الي يهلوس من كأس
مالك : لا طبعا هو طول عمره بيشرب
سيلين نطقت بجمله اخرست الجميع : العيال دول حطولك حاجه في الكأس ده

صدمه حلت علي الجميع افقدتهم النطق
مالك : انتي صح احنا لازم نلاقيهم عشان نفهم
امير : انا عارف عنوان الشقه
نهض الجميع وخرجوا من المنزل وركبو سياراتهم وتحركو خلف سيارة امير
💝💝💝💝💝💝💝
في الفندق طرقت سما عدة مرات علي باب غرفه جاسر وبعد دقيقه فتح لها وتفاجأ بها
جاسر باندهاش : معلش كنت بلبس هدومي
سما : ولا يهمك ممكن نتكلم شويه
جاسر : اتفضلي ادخلي
سما : لا مش هنا في المكتب تحت أو في أي مكان بعيد عن هنا
جاسر وهو يخرج ويغلق الباب : مفيش مشكله
اخذها جاسر وتوجه الي حديقه الفندق وجلس بها علي طاوله في ركن هادئ ليستمع لها
جاسر : سامعك
سما بجمود: انا مرات امير العدلي
جاسر والصدمه تحتل ملامح وجهه: رجل الأعمال المشهور
سما : أيوة
جاسر : واحدة واحدة كده وتحكيلي كل حاجه بالتفصيل من الاول .
بدأت سما تقص علي جاسر كل ماحدث معها منذ أن التقت امير لاول مرة قصت كل شئ ومعالم وجه جاسر تتحول من الذهول للاندهاش للغضب للحيرة لم تترك شيئا لم تذكره
سما : بس هي دي حكايتي
جاسر :. كل ده حصل معاكي ولسه عايشه
سما : ربك لما يريد
جاسر : ونعم بالله بس في حاجه غلط
سما : من ناحيه ايه
جاسر : بالنسبه للي عمله امير اخر ليله بعد الحب ده كله مش معقول يعمل كده بالساهل الا إذا كان في كارثه كبيرة. حصلت
💝💝💝💝💝💝
أمام منزل كريم كان يقف امير ومالك والفتيات ويطرقون الباب بعنف حتي اتي إليهم حارس العمارة
البواب : خير يا جماعه في ايه .
امير : الي ساكن هنا فين
البواب : انهي ساكن حضرتك الشقه دي بتتاجر مفروش باليوم
امير : يعني ايه يعني ده مش بيت كريم
البواب : لا حضرتك صاحب الشقه اسمه محمد وراجل كبير في السن
مالك : تمام متشكرين
خرج امير والجميع من العمارة واليأس يشق معالم وجوههم
امير : والحل دلوقتي
مالك : هنسال كل الي يعرفوهم واكيد هنوصل. لحد
نور : طب يلا مفيش وقت
ركب امير وايه وسيلين سيارة امير وركب مالك ونور سيارة مالك وانطلقو في اتجاهين مختلفين ليسالو كل من يعرف كريم وعمرو ورنا 💝💝💝💝💝💝💝
في حديقه الفندق
جاسر : في لغز يا سما ومش هيتحل غير برجوعك بس لازم نظبتها مع بعض قبل ما نرجع وانا أيدي بإيدك مش هسيبك
سما : انت في عداوة بينك وبين امير عشان كده بتساعدني
جاسر بصدق التمسته في عيناه : لا والله ابدا انا بس من ساعه ما شوفتك وانا حاسس ناحيتك احساس غريب وكنتي محيراني عشان كده حبيت احل لغزك وهساعدك عشانك انتي وعشان متفهميش غلط انتي من دلوقتي صديقتي واختي وحته مني
سما : طب احكيلي حكايتك
جاسر : اممممم انا يتيم الأب والام ومليش قرايب خالص اشتغلت وتعبت وبنيت نفسي لحد ما بقيت زي ما انتي شايفه كده اسم يهز اجدع جبل
سما بحزن : تقدر تعتبرني عيلتك
جاسر : يشرفني يا سما
سما : هستاذن انا وهروح علي شغلي
جاسر : شغل ايه مفيش كلام من ده .
سما : لو سمحت بدون مناقشه انا مش هقبل يتقال انك مستضيفني عندك وبينا حاجه انا خبقي زي اي حد هنا علي ما نشوف هنعمل ايه
جاسر : الي يريحك بس علي الاقل متبقيش جرسونه اشتغلي حاجه في الادارة مثلا 
سما : الي تشوفه المهم اشتغل
💝💝💝💝💝💝💝
في منزل أحد رفاق امير
امير : ايمن لو منطقتش هقتلك كريم فيبيين
ايمن بخوف وهو ينظر لسلاح امير الموجه الي راسه : بص كل الي أعرفه أنه راح الاسكندريه في شاليه هناك
امير : هات العنوان
ايمن : عنوانه ...........
امير : طب يلا قدامي
ايمن : ليه
امير : انت فاكرني هسيبك عشان تتصل وتحذره يلا قدامي
أخذه امير معه في سيارته والفتيات يجلسن بالخلف وتوجه الي منزله وأخبر مالك بالهاتف أن يتوجه إلي هناك بعد ساعه وصل امير الي منزله ووجد مالك ونور بانتظاره جلسو جميعا واخبرهم بما قاله ايمن ثم اخذ مالك وامير ايمن الي البدروم وكبلوه علي كرسي حديد وامرو الحرس بمراقبته حتي عودتهم وانطلقو جميعا بسياراتهم الي الاسكندريه