تزوجت ابن عمي

بارت ٩

بسم الله الرحمن الرحيم

ملاك... غمضت عيوني حييل كلت هسه تجيني ضربه تلف وجهي فتحتها على صوت عمة ايمان تضحك و تكول.. باجر تشوفي
ابتسمت باوعت على علي يباوعلي بس ماكو رد فعل يعني عادي بقينه نباوع على مسرحيه اني من صبح كاعده نعسانه كللش بس اريد اباوع على مسرحيه مااعرف شلون نمت صحيت على صوت ضحك احمد كلهم يباوعون عليه عمتي تكول كافي احمد مااهتميت هلكد مانعسانه علي كام الي كال تعاي نامي بغرفتج النعس ماخذني كمت كدامه مغمضه عيوني و امشي وصلت لمحجر انضربت بيه قسم بالله جنت نايمه ويه ضربه صحيت
علي ضحك كلت... لتضحك منايمه
كال... اي اي مبين منايمه
محجيت رحت لغرفه نمت صحيت صبح على صوت علي يكول...ملاك كومي حتى نروح يلاا كعدت
كال.. الحمدالله صار ساعه اكعد بيج
كلت.. شكو كل ناس نحجي نفس حجي نومي ثكيله شسوي
ضحك كال... اعصابج عيني كومي بدلي ساعه ١١
حيييل شكد نايمه اني غسلت و بدلت نزلت شفتهم واكفين اضاهر تأخرت رحنه لبيت عمي مشي بالفرع بيتهم متحمسة اشوف محمد دكينه الباب شويه فتح محمد اول شي دخل عمي و عمه ايمان و انوب احنه
احنه ولدنه يعني عمامي و اولادهم مثل جدي ضخمين حتى محمد ابد ممبين عمره ١٤ تكول ١٩ لو ٢٠ سلمو عليه وصل يمي ابتسمت كال اهوو صار اسبوعين مشايفج شفت الخير
عبست وجهي كلت اني هم غمزت على خفيف هو فهم قصدي ضحك بصوت عالي جان قصدي يعني اني هم شفت الخير و تزوجت حبيبي حضني باس راسي و كال الف مبروك انشاءالله سنة الجاي بحضنكم جاهل عود خل يكون شعره مثل ابو مو مثلج و شد شعري
..ضربته على ايده وخرر ايدك دخلت لبيت سلمت عليهم بيبي كالت... بنيتي عذريني مأجيت لعرس والله رجليه توجعني و مااكدر امشي
..لا بيبي اعرف بيج اروحلج فدوه
..مبروك عليكم انشاءالله سنة الجاي ترسون بيت جهال
...تسلمين بييي كامت تحجي ويه علي
شفت محمد يلعب بلي رحت يمه بدينه نلعب كامت مرت عمي تحط الغده كمت اساعدها حطينه اكل كعدنه ناكل كعدت يم عمة ايمان كومتني كالت يمي ليش روحي يم زوجج يلاا
رحت كعدت يمه ناكل و نسولف و نضحك جان اجواء حلوه لان اني دائما اجي يمهم بس استحي من بيت عمي حامد كملنه بقيت انقل صحون من هول لمطبخ رحت لمطبخ حتى اغسل الصحون مرت عمي مفبلت كالت... شلون انتي عروسه
...ايي عمة شكو بيها عادي
...لا عمة ميصير
.... عمة..صاح عمي محمود ملاااك جاي من ايدح الحلوه
..سمعتي يلا روحي صبي جاي
...هههه تمام
صبيت الجاي وديته الهم كعدت يمهم شويه اجه مرت عمي بقينه نسولف و نضحك لحد العصر رجعنه لبيت هم اجو ضيوف لمغرب يالله راحو على عشه خابرو عمي كلها سكت بس هو يحجي
... هلا حياااك الله شخباركم والله الحمدالله على الله تسلم تسلم يوم لابنك انشاءالله الله يخليك
همس احمد لعمة ايمان ..هذا خالي يوم
عمي.... ليش والله ميحتاج ليش تكلف نفسك انشاءالله انشاءالله عليك سلام انت هم سلم على الجماعه مع سلامه
كالت عمه ايمان... شكو
...اخوج يسلم عليكم
..عليكم سلام
...عازمنه باجر نروح لبيتهم
...ليش يكلف نفسه
...والله كتله كال مااجينه لعرس لازم نعزمكم
...هسه باجر نروح
..انشاءالله جهزو نفسكم باجر من صبح نروح
هذا كله احنه بس نسمع سكتو
كلت.. ليش هو وين بيتهم
احمد... بالريف
كلت... والله بحماس
.. اي والله باطراف بغداد
...اللله واخيرررا اروح لريف متحمسة كللش
...مرايحه
...ابدد احب اجوائهم
كملنه و غسلت المواعين رحت سبحت بدلت و اجيت كعدت يمهم لحد ليل عمي كال.. يلا روحو نامو باجر كعده من صبح
... يلا اني اروح تصبحون على الخير
وانتي من اهله
رحت لغرفة طلعت جنطه حطيت بيها قطعتين ملابس طلعه و تراك شويه عريض دخل علي شافني احط ملابس كال.. ممكن تحطين ملابسي وياج
كلت.. اي شنو احط الك
كمت فتحت الخزانه بس فتحته اجه عطره الي ملابسه بخشمي اللله شكد احب ريحته كمت اكلب ملابسه شكد عنده ذووق شفت عنده دشداشه سوده و غتره الله شكد احب هاي اللبس العربي
كلت...اكول هناك يلبسون لبس عربي يعني دشداشه و غتره
باوعلي ... تريدين البس عربي؟؟؟
ابتسمت كلت... شكو بيها يعني يلبسون موو
كال.. اي بس مااحب دشداشه اني
..كلت همة يلبسون لازم انت هم تلبس عادي حلوو
سكت شويه و كال... بكيفج بس حطي تشيرت و بنطرون هم
... تمام
... حطيت الدشداشه و غتره و حطيت تشيرت و بنطرون
رحت عود انام باوعلي وكال هيج تنامين
..باوعت لنفسي كلت يجوز ملابسي بيها شي
..شكو
..متمشطين شعرج
..ياااا نسيت
دروحي روحي
رحت كعدت كدام مرايه كمت امشط شعري خلصت مطفيت الضوه رحت على جربايه كال... ضووه
.. اخاف انام و ضوه طافي
..شنو جاهله انتي لو شنو
...ليش هيج تحجي والله اخاف
ضحك والله طفله انتي
...تمام طفله طفله شكو بيها درت وجهي لجهه الثانيه ونمت صحيت ليل محصوره حييل ضوه طافي عززه الغرفه متبين من ضلمه هاي شنو كلت خاف عيوني مفاتحتها لمست عيوني فاتحه يعني الغرفه هيج ظلمه والله اخااف شلون اروح لحمام وين موبايلي وينه وين حطيته بالهوول بارحه مجبته وياي شلون حظ راح اكعد علي ايي اخاف والله حطيت ايدي على خفيف مااعرف وين حطيته شنو هاي يمكن شعره ايي نزلت ايدي نفسه اي هاي خشمه نزلت ايدي بعد هاي حلكه عززه هاي شسوي اني اذا كعد شيكول داتحارش بي حطيت على صدره يمكن صدره ايي اجه صوت جلب عزززه كمت اهز بي و بصوت عالي علللي عللي اكعد عفييه علللي كمش ايدي كال هااا هااا صوتج بنت الاوادم شكو شغل ضوه موبايله كال هاا شبيج شفته نازع تشيرته خجلت كلت اكعد اريد اروح لحمام بس والله خايفه و غرفه ضلمه و صوت جلب تكول كاعدين بشارع هيج صوته قريب
ضحك كال.. يلا روحي
كمت ... بس الله عليك لتنام
..والله كاعد ماانام
... قبل لا اطلع شغلت الضوه و طلعت صاااح لليييش ضحكت رحت لحمام بسررعه و رجعت على سريع
شفته كاعد بس مغمض عيونه
... انت كلت مانام شوف نمت
..شبسرعه خلصتي يلااا طفي الضوه
مطفيت رحت على جربايه تغطيت
... مو احجي وياج
..علي الله عليك نام بدون مطفي الضوه
...امري لالله
نمت صحيت الصبح نايمه على بطنه و رجلي بالكاع هو حاط ايزهرعلى راسي و ثانيه على عينه كمت بسررعه هو حس فتح عينه ابتسم باوعلي ... صباح الخير
..من الارتباك و خجل جاوبت وانت بخير
ضحك كال شبيج مو تصبح على خير صباح الخير
غمضت عيوني خررب شبيه اني ركضت لحمام غسلت و نزلت بسرعه لمطبخ شفت عمي و مرت عمي يتريكون كلت... صباح الخير
..كولو وانتي بخير
ضحك هم هم ضحكو نزلت راسي كعد احمد هم كال شكو تضحكون من صبح
علي... انت شكو
كلت تريد جاي
..ايي
احمد.. اني هم حطيت الهم
عمتي... وانتي متاكلين
..لا مااحب الريوك
..شلون كدامنه طريق تموت من جوع
...اكل بسكت و هاي الاشياء مااحب الجاي
..كالت بكيفج بس لتنسين تاخذين وياج
..لا لا
..كملو غسلت الكلاسات و رحت بدلت على سريع و حطيت كحله و مسكارا نزلت لهول بقيت اخذ صور شويه اجو كلهم صعدنه بالسياره رحنه بسياره وحده علي يسوق و احمد بالصدو عمي و عمتي و اني بالنص شغلو اغاني اجواء حلووه احمد... ملاك عندج اغاني موبايلج
.. اي بس كلها ساجده عبيد
.. هلااا و اكو احلى منها جيبي عندج خاله وياخاله
...اي ايي
شغلته علو الصوت كلنه فرحانين و نصفك بس علي معكد حواجبه لحد ماوصلنه فصلت موبايلي عن سياره صفنت على جمال الطبيعه
كلت ...خاف احنه بشمال صلواات شنو هالجمال كلها حضار و صوت العصافير ريحه التراب راشين عليها مي الله وصلنه يم بيت جبير دخلنه قبل لا ندخل لمطبخ علي صاحني كال كعدي يم امي لتحركين
كلت تمام الرياجيل راحو لديوان و احنه لمطبخ جان اكو ريحه محلوه مااعرف شنو
جانو نسوان ماشاءالله شكثرهم كامو يبوسون و يباركون على العرس تعبت كد مابست دخلنه للهول جانت مره جبيره كاعده همست عمة ايمان بأذني هاي امي بوسي ايدها رحت بست اييدها باست راسي الله يبارك بيج بنيتي انشاءالله سنه جاي تترسون بيت فروخ كلت بكلبي شنو فروخ
كعدنه يحجون و يباوعون عليه و على ملابسي حتى تضايقت و خجلت يباوعون عليه شويه و دخلت بنيه كالت راح يدخلون الرياجيل كامو كلهم صارت هووسه كلهم يكولون وين حجابي دخلو جان اول رجال شويه اكبر من عمي لابس دشداشه و غتره بعده عمي و علي و احمد و اثنين ولد مااعرفهم سلم على عمة ايمان باوعلي شفت علي يأشر براسه على ايده يعني ابوس ايده نزلت ابوس ايده سحب ايده باس راسي و باركلي على العرس
علي و احمد راحو يسلمون على بيبيتهم كعدو حجون شويه و كامو يحطون الغده رحت اساعدهم شفت مسوين باجه ييع حشى نعمة الله بقيت انقل المواعين كعدنه ناكل كعدت بين علي و احمد كل هذا اني باللبسي الي اجيت بي محد كال تعاي بدلي واني استحيت اكول
مكلت شي كل شويه احط ايدي على خشمي شفت علي و احمد هم مثل اني همست بالله هذا حال
جابو راسهم يمي احمد كال انتي هم متحبين باجه
...لا
... احنه هم
... اصلا اني نسيت احط بست بالجنطه حتى اكله عود اتريك ميته جووع
علي كال.. هسه شويه واروح لدكان اشتريلج
دانحجي
صااحت بيبيتهم هاي ليش متاكلين انتي مرت علي شسمج
رفعت راسي ملاك اسمي
...ليش متاكلين
..داكل
بقيت اكل بس التمن خلصوا ساعدتهم مقبلو اغسل المواعين جابو جاي شربوا كوه فاتحه عيوني الرياجيل كالو نروح ننام راحو ناموا بالديوان بقوا بس نسوان نعساانه كلش رحت كعدت يم عمة ايمان تمددت حطيت راسي على رجلها ونمت كالو روحي لغرفه كلت.. لا هنا احسن نمت.......

اعذروني

في امان الله ورعايته