تزوجت ابن عمي

بارت1

سلام عليكم
اسمي ملاك عايشين بديالى احنه اكراد خل احجيلكم شويه عن عائلتي امي تزوجت بابا مااجاهم طفل بعد ست سنوات ماما كالت لبابا يتزوج بابا ماحب فكره وكال مو مهم طفل المهم اني احبج فماما قنع بابا و ازوج خاله سعاد محد جان يحب خاله سعاد لان ام لسان كللش بعد شكم شهر خاله سعاد جابت اختي الجبيره مريم و سنتين جابت هم اختي ايلاف بعد ثلاث سنين سبحان الله ماما حبلت بابا فرح كللش بس الفرحه ماتمت ماما ماتت بولادتي تربيت يم بابا و خاله سعاد صح جانت متحبني و تكرهني و بابا عوضلي حنان الام جان ام واب بنفس الوقت جنت مدلله كللش يم بابا جنت اشبه بابا سمره و شعري كيرلي مثل ميريام فارس بضبط هذا شي خلاني مااحب نفسي لا اخواتي اثنيناتهم بيضه شعر سرح بس اني سمره شعر كيرلي
صارت عمري١٥ سنه هنا بدت قصتي احنه منطقتنه كلها عمامي و اهل بابا
صحيت من النوم ساعه ٣ ظهر نزلت جانوا خاله سعاد و بابا يشربون جاي بابا كال هلا بنيتي الغاليه صح النوم رحت لحضنه خاله سعاد كالت بعد نامي لمغرب شعندج باوعت كلت خاله سهرت بارحه جنت اشوف مسلسلي كالت بعد صغيره على مسلسلات ومادري شنو بابا كال خلي شعندج وياهه يامره كلت بابا عادي اروح اشوف بيبي كال عادي بس لتروحين وحدج كلت تمام كال يلا اني اروح لسوك رحت غسلت و بدلت لبست بنطرون و بدي شسورت شعري صار كيرلي اكثر فتحته و رحت اشوف ايلاف تجي وياي كلت ايلاف تجين وياي نروح لبيت بيبي كالت لا مابيه اروح كلت لمريم كالت ولي عني انتي ثانيه خرجت من الغرفه كلو يلا عادي اروح وحدي نزلت كلت خاله اني اروح كالت دروحي ولي من عندي لاترجعين انشاء الله خرجت من بيت و دمعه بطرف عيني بيت العمي حامد الجبير بينه بيت واحد و بيت عمي محمود الي عايش ويه بيبي بيت عمي مسعود هم بنفس الفرع بس مانحجي وياهم بسبب مشاكل مرته لسانها طويله اكثر من خاله سعاد
رحت دكيت الباب طلع ابن عمي محمد اصغر مني بسنه احبه كللش هو صديقي و اخوي دائما نحجي ويه بعض صح هو ولد بس يفهمني احسن من اخواتي و بنات عمي ناكل نلعب بلي كلت هلو حمودي شلونك كال ها ولج بخير انتي كلت الحمدالله كالت دخلي دخلي دخلت بيبي و مرت عمي كاعدين بصاله كلت سلام اني اجيت بيبي كالت هلا بنت الغاليه بيبي جانت تحب امي كلش كلت هلا بيبي شلونج وبستها كالت على الله بخير ها عمه شلونج كالت يابعد عمتج انتي شلونج كلت زينه الحمدالله جنت ضايجه و اجيت يمكم محمد كال هو انتي كل يوم يمنه مو شي جديد
كلت انت معليك مجايه لبيتك جايه لبيت عمي
كال انجبي كالت مرت عمي محمد عيب ماما ميصير
كلت هههه عادي عمه متعوده يلا نروح نلعب بلي كال يلا بدينه نلعب ساعتين بديت اجوع واني مماكله شي كلت محمد جوعانه شمسوين غده
كال باكله وانتي متحبيها
كلت روح لدكان اشتريلي جبس جايبه فلوس وياي
كال انجبي اني علمود فلوس احجي
كلت لالا موهيج
كال رح اروح لاتجين وياي اروح ارجع سريع كلت
لا عفيه اريد اجي وياك فدوه ركض وراح ركضت وراه لحد ماطلع من بيت رددت اركض وراه انضربت بشي رفعت راسي شفت...........
هاي اول قصه الي اتمنى تعجبكم وغلسوا على سحكات