تزوجت ابن عمي

بارت ٢

سلام عليكم

ركضت وره محمد بس طلعت من باب المطبخ انضربت بشي    رفعت راسي شفت  حبيبي شفت ابن عمي حامد اسمه علي بس شفته خفت و ارتبكت كللش رجعت خطوتين لوره هو كال شبيج هلكد اخوف اني
كلت لاا بس رددت  اركض وره محمد
كال عيب مو صغيرة انتي حتى تركضين
كلت اي ماشي و دخلت لهول كعدت يم بيبي  هو دخل كالت سلام عليكم ردينه بيبي كالت ادخل بعد كلبي اكعد  هو كعد بجهة ثانية يم بيبي يعني اني وهو بيبي بيناتنه كال شلونج بيبي كالت شلوني هو اني ميته بعد جدك الله يرحمه و حطت فوطتها على وجها و كامت تبجي اني احد غريب يبجي كدامي ابجي وياه دموعي تنزل بسرعه كلت بيبي لتبجين دموع تجمعت بعيوني رفعت عيوني شفت علي صافن علينه ارتبكت درت وجهي واني امسح دموعي كال لتبجين حبوبه كافي مظل عندج عيون صار ٣ سنين بس تبجين كلنه على هاي طريق بيبي مسحت دموعها وكالت شلون ماابجي وهو جان وياي بكل لحظه راد يحجي بس دخلت مرت عمي (محمود) كالت هلا  علي ابني شلونك هو كام حط ايده على صدره و كالت تسلمين خاله انتي شلونج كالت الحمدالله
اشوفه شلون حط ايده على صدره و يحجي فدووه الله يحفظه من كل عين خل شويه احجيلكم عن حبي ل علي اني احبه من اني وصغيرة لان نفس تصرفات ابوي حتى يشبه و يحب بابا حييل حتى صار ضابط مثل بابا بس محمد يدري بهاي الموضوع دائماا احجيله كللشي بس هو يفهمني يكلي بس تكبرين و تدخلين لكليه تنسين وتزوجين واحد ثاني اكول مستحييل حبي الاول انسى المهم نرجع لواقع رجع محمد دخل شاف علي موجود بسرعه شافني شفته مانطيت رد فعل سلم عليه وكال هاج جبتلج جبس و ببسي و نساتل بيبي كالت ليش جبتلها جبس مو زين عليها عندها التهابات رجعها بسرعه كلت لااا بيبي شنو يرجعها مايصير بيه شي بس لتكولون لبابا بيبي كالت اي خل يجي  كلت بيبي بدلع كالت وجعي كلت اووي بيبي شحجيت شفت علي يضحك علينه كعدت اكل جبس و نلعب بلي بالصاله كلهم كاعدين جنه نلعب اني خسرت بسرعه عطت لاااا محمد ليش هيج هو يضحك بصوت عالي وكال لان متعرفين تلعبين كلت والله اعرف بطلت العب كال احسن ولي
رجعت كعدت يم بيبي سندت راسي على جتف بيبي صفنت   كالت شبيج بنتي  جريت نفس طويل باوعت على بيبي ابتسمت كلت مابيه شي  سعديه ضربتني بشقه كالت عييب ولج كولي بيبي كلت ههههه لااا سعديه ماأتفقنه  تضربيني كالت سكتي لج حضنتها كلت احببج بيبي كالت بعد بيبي صرتي بيد سعاد ابوج ماانطاج الي حتى اربيج يمي كلت بعد شسوي ظليت يم خاله سعاد  علي كالت ليش تكوليلها خاله ليش ماتكولين يمة  ضحكت من كل كلبي كلت متقبل هيه كال ليش كلت من جنت صغيره جنت اسمع اخواتي يصيحون لامهم ماما مره صحت ماما جنت بوكتها صف  اول لو ثاني ضربتني و جوتني حطت ايدي على نار كال ليش هيج تكرهج   رفعت كتافي بمعنى مااعرف
شويه وراح صار مغرب كلت محمد بس اوكف يم باب حتى ارجع لبيت كال ليش ابقي كلت لا ارجع رجعت لبيت شفت خاله سعاد بالمطبخ كلت سلام عليكم مردت صعدت لغرفتي شفت ايلاف بالغرفه كالت رجعتي كلت اي كالت منو جان هناك كلت بس بيبي و مرت عمي و محمد و بعدين اجه علي كالت شنوو كلت شكو ركضت لغرفه مريم شويه اجت هيه و ايلاف كالت ملاك منو جان هناك كلت محمد و بيبي و مرت عمي و بعدين اجه علي كالت بقه هواي استغربت  ليش تسأل كلت لا  شويه وراح ليش تسألين كالت معليج انتي و راحن كلت معقوله تحبها مستحيل هو  شي وحيد الي بحياتي حلو هوه علي
نزلت على عشه بابا كال حضرو نفسكم باجر نروح سفره لشمال نبقه يومين تلاثه  فرحت حيل خاله سعاد كالت ويه منو نروح كال ويه اخواني حامد و محمود احتمال تجي امي  خلصت بسرعه صعدت خليت اجمل ملابس عندي تكفي لتلاث ايام  بقيت على موبايلي  لليل نمت........

دمت في حفظ الله و رعايته