تزوجت ابن عمي

بارت٦

سلام عليكم وياكم ملازم الاول علي عمري ٢٧ عايشه ويه امي وابوي اخوي اصغر مني اسمه احمد عمره ٢٢ فد يوم رحت لبيت عمي اشوف بيبيتي شفت محمد ابن عمي طلع ركض دخلت لبيت انضربت بملاك وهيه تركض شافتني رجعت خطوتين وارتبكت كلت هلكد اخوف اني؟؟
كالت:لااا
كلت عيب تركضين انتي بنيه
كالت ايي وراحت كعدت يم بيبي
اني هم دخلت و سلمت عليهم  وكعدت يم بيبي تذكرت جدي وكامت تبجي ملاك عساس تواسيها هيه هم كامت تجبي صفنت عليها كاعده واني بيبي بيناتنه يعني قريبه يمي باوعت عيونها جبيره رموشها طويله متبللة  من دموع هيه شافتني دارت وجها انتبهت لنفسي باوع عليها استغفرالله شسوي اني شويه و دخلت مرت عمي و سلمت عليها و دخلت محمد وبيده علاكه بس شافني باوع على ملاك سلم علي وراح انطت علاكه لملاك وكال هاج جبتلج جبس و ببسي و نساتل
  بيبي كالت ليش جبتلها جبس موزين عليها عندها التهابات كوم رجعها
كالت لاا شنو يرجعها ماصير بيه شي بس لتكولون لبابا
بيبي كالت اي خل يجي ابوج 
هيه كالت بصوت دلع بيبي
بيبي كالت وجعي
كالت اووي شنو حجيت
ضحكت عليها احسها طفله راحت كامت تلعب ويه محمد تكول تؤم هلكد ويه بعض العائله كلها تدري علاقه ملاك و محمد كللش زينه  وي بعض شويه عاطت ملاك لااا محمد مووهيج
كال لان ماتعرفين تلعبين
هيه زعلت و اجت يم بيبي صفنت بيبي كالت شبيج اخذت نفس طويل  وكالت مابيه شي سعديه
  ضربتها بشقه كالت سعديه شنو كولي بيبي
كالت لاا سعديه مااتفقنه تضربيني
هههه بيبي قريبه من كلنه
شويه ورحت لبيت  ابوي كال باجر انشاءالله احنه و عمامك نروح سفرة لسليمانيه تجي
كلت انشاءالله بس منو منو يجي
كال احنه و بيت عمك عباس و عمك محمود
كلت اذا هيج اكول لصديقي عنده كيه ناخذه يومين
كال احسن علمود نطلع سياره وحده
اتعشيت و نمت جنت تعباان اليوم رجعت من دوام صحيت صبح تريكت بدلت ابوي كال روح كول لبيت عمك عباس ساعه ستة ستةونص نطلع
كلت وعمي محمود
كال بارحه خابرني كال مااجي بس محمد يجي
كلت ماشي
رحت لبيت عمي دكيت الباب سمعت صوت تكول بابا اني افتح  الباب انفتح الباب شفتها ملاك لابسه بنطرون لززك و تشيرت داخل البنطرون شعرها تكول اندومي   ملامحها انوثيه بارزه عمي شلون يخليها تلبس هيج ملابس
كلت سلام عليكم
كالت وعليكم سلام
كلت ابوي كال سته ستةونص نطلع
كال تمام
رحت لبيت  صورتها انطبع ببالي تجهزنه و طلعنه من بيت طلعو بيت عمي شفتها هيه محمد واكفين صعدنه هيه ومحمد بأخر كوشن كل ساع اباوع عليها تحجي ويه محمد اني سقت سياره
احمد اخوي كال اشغل اغاني وين كيبل
كلت تحت يم رجلك
شغل اغاني جانت اجواء حلوه
بطريق وكفنه شويه نزلنه النسوان راحو لحمامات طلعت ملاك تركض وتصيح باباا خل اروح اشتري و طااحت كلنه ضحكنه هيه باوعت نضحك كامت تبجي هههه صدك طفله صعدنه كملنه طريق وصلنه لسيمانيه نزلنه يم فندق كالو ماكو بس غرفتين  وحده لنسوان و حده لزلم المهم اخذنه الغرفتين ارتاحنه شويه كعدنه نحجي اندك باب الغرفه محمد راح فتح دخلت ملاك مو مثل مااجينه سارحه شعرها مثل مي شعرها طويل اجت كعدت يم خلف عمي
كال تعاي شويه غنيلي ضايج
محمدكال ايي والله وكتها
احمد كال لازم صوتج حلو الكل يكول غني
محمد كال ايي وعلي بيها بحه
تحمست اسمع صوتها وهيه تغني مااعرف شنو همست بأذن ابوها عمي ضحك بصوت عالي وكال ليش تستحين محد غريب يلا لشوف
اجت لكدام شويه ومسكت ايد ابوها وغمضت عينها وكامت تغني انصدمتت شنو هلصوت الي عليها كملت فتحت عينها كلنه صفكنه الها هيه خجلت
كالت بابا خلن طلع احنه اجينه نتونس
عمي كال تتدلين روحي كولي لسعاد و اخواتج راحت شويه طلعنه  على مكان وين نروح كلت خلنروح لجبل ازمر حلوه كالوا يلاا نروح نزلنه قبل لا نصعد عمي كال ملوكه وينها ايلاف كالت مشفناهه لا هيه ولامحمد عمي راح علمود يدور عليهم طلعو من فندق ملاك عيونها حمرر  تكول باجيه عمي كال وينكم
محمد كال رحت لحمام  كلتلها روحي كالت انتضرك 
كال يلا صعدو بسياره اباوع عليها دمعتها بطرف عينها شبيها هاي بنيه وصلنه نزلنه شويه تمشينه احمد كال اوكفو خل اصوركم كال ملاك تعاي هنا قزمه ممبينه بالصوره
كالت اصلا طولي يخبلل اجت وكفت بيني وبين ابوها اجت عطرها بخشمي تخربطت احوالي استغفرالله ربي شبيه اني كعدنه بمكان شويه ملاك ومحمد راحو يتمشون اجاني اتصال رحت امشي ورديت خلصت تليفوني شفت ملاك ومحمد كاعدين وملاك تبجي و محمد يحجي وياها تقربت منهم كلت شبيج ليش تبجين هيه ارتبكت كالت لامابيه شي
كلت محمد شبيها
كال خاله سعاد و اخواتها ضربها على رجلها ورفعت حاجبها بمعنى لتحجي شي
كلت كمل
كام يحجي شلون يضربوها ويعذبوها كلت يلا كومو راح نروح رحنه قبل لا نصعد
عمي كال شبيج ليش تبجين
كالت لا ماابجي ليش ابجي
صااح محمد تعال شبيها ليش تبجي
باوع على ملاك وكال جانت مخنوكه وبجت
كال شبيج بابا راددت تحجي صحت يلاا عمي نروح رددت اخلصها من جواب وصلنه  لفندق نزلنه رددت شغله من امي رحت اروح سمعت صوت بجي و عياط دخلت شفت سعاد ماسكة شعر ملاك و تضرب بيها صحت وخري ايدج عنها ليش تضربينها
كالت و تداافع عنها همم على اساس ماتعرف شمسوي
كلت غيير اعرف شصاير
كلت من جنه بره شفتكم دتباوسون انصدمت و تعصبببت
ملاك كالت حراااام عليييج والله حراام  وراحت دفعتهاا كلت  عييب عليج مره شكبرج اااخ لوو مو مره جان عرفت شلون اتصرف