ازمة ثقة ❤

حلقة 19 قبل الاخيرة

#أزمـة_ثـقـه
الحـلـقـه التاسعـه عـشـر و مـا قبـل الاخيـره

بقلـم
محمـد مالـك
ميـرو الشريـف

درت الاختبـار وانـي ندعـي مـ نكونـش حـامـل !
و مشـت ساعـه ونــص و طلعـت النتيجـه _مشيـت انـي و عـزام نستلمــو فيهـا !
عـزام خـدي الورقـه و ايديـه يرعشـو و يشـبحلـي وانـي ضامـه أيديـا لـ صـدري و نشبحلـه بـ معنـئ " هـيا"
فتحهـآ و بـدت الابتسـامـه ترتسـم علي وجـه تدريجيـا شبحلـي و ضحـك : مـفيـش حمل !
انـي تنـهـدت بـ راحـه و هـو رمـئ الورقـه و  حضنـي !"أي حضنـي قـدام النـاس و غـمرنـي بـ صـدره _معـرفتـش شن انـدير غيـر أنـي انلـف ايديـا الـزوز عليـه و نحضنـه لان بجـد محتاجـه لـ حضـن راجـل "❤
_____________________
تقوئ تتمشـئ فـ الجامعـه و شـبحـت فايـز مع بنـت _جسمـها رعـش مع بعضهـا : هـذي منـي ؟
صحبتـها ضحكـت و هـي تاكل فـ شكلاطـه : خطيبتـه !
تقـوى شرقـت وشبحتلـهن بـ صدمـه : فايـز خطـب ! قصـدكن قـدر ينسـانـي وكـاني شـي ما لـم يكـن
صحبتـها : الدنيـا ما توقـف على حـد _صفـي نيتـك ايجيـك سيـد سيـده
تقـوى : الحمـدلله نيتـي صافيـه غيـر ربـي ايحـط فـ النـاس لـ منحبهـمش قـدامي
صحباتـها شبحنلهـآ و مشـن و خلنـهـا _ امـا هـي فـ طلبـت رقـم فايـز و كـان مقفـل !
جبـدت شنطتـها و مشتلـه : فايـز !
فايـز عقـد حواجبـه و شبحلهـا نـزل النظـاره من عيونـه شويـا : ايـوه !
تقـوى شبحـت لـ خطيبتـه كيـف أن مستـواهـا اقـل من فايـز بـ هلبـا بـس رغـم هـكي فـ أجمـل من تقـوئ
تقـوئ : معليـش ممكن،شويـا !
فـايز شـبح لـ خطيبتـه ونـاض مع تقـوئ
وقـفو على شجـره _و قـام ايديـه حطهـم فـ جيبـه : خيـر ياطـير شن فكـرك فينـا
تقـوى : انـت خطبـت الـي توا كنـت معـاها ولا ؟
فايـز : أي لان القيتـهـا بنـت نـاس صاينـه هلهـا وصاينتنـي لان حبتنـي بـ قلبهـا مـش بعيونـخا حبتنـي كـ فايـز مـش حبـت فلوسـي !
تقـوئ ضحكـت و أشـرت عليهـا واشـرت على روحهـا : شـوف الفـرق بينـي و بينهـا لـ هالـدرجـه أنـت مـعاش تشـبح !
فايـز : شنـي الفـرق أوكـي خلينـي انعدلـك "الموضـه ابتـاعـك السـروال المقيـوم و الشعـر لـ طالـع ! هـذا متعـرفـاش هـي و الفقـر مـش عيـب العيـب الجهـل،و التخـلف لـ أنتـي فيـه " و مشـي و خـلاهـا "
_____________________
بـابـا يتكلـم مع أنـس : باهـي يـعني اموركـم هانيـه غاديكـا ؟
انـس يبـرم فـ الجنـان : أي يـا بـوي بـس لو تـتصل فيهـا و اكلمهـا
بـابـا بـ نفـي و اصـرار : أنـي قـاطع وعـد لـ روحـي منكلمهـاش الا بـعد تطلـق !
انـس : ماشـي ماشـي تبـي شـي أنـت ؟
بـابـا : لا سلامتـكم و بعثلـك لـ فلـوس فـ جنسيـه !
انـس : ماشـي سـلام " و صكـر "
سنـدس طلعـت تجـري من الداخـل :ديـاب زبـط مكانـهم وقـاعد وراهـم
انـس انخـض مع بعضـه : شنــي ؟
سنـدس تبكـي : كنـت نطـمن علئ سيريـن من روانـي و هـي رعشـت مع بعضهـا وقـالت ديـاب ! و منعـرفـش شن صـار بـعدها
انـس شبحلهـا كيـف تبكـي و خـايفـه و جـي ضمهـا : الهـم الاحـرف قلتلـهم مـ يمشـوش ! " و جبـد تلفونـه ثانـي يتصـل بـ عـزام "
___________________
امـا عنـدنـا احنـي وقـت كنـت أنكلـم فـ سنـدس فـ حـديقـة المستشفى و عـزام مقابلـني يشبحلـي و يبتسـم _شـبحـت لـ ديـاب واقـف بعيـد ويـضحك :ديـاب ديـاب اهني
عـزام لـف و شـبح لـ ديـاب واقـف على سيارتـه و مرفعلـه حـاجبـه اليميـن
صكـرت على سنـدس وانـي نرعـش و مـ فطنتـش لـ شـي غيـر بـ أيد عـزام مسكـت أيـدي و نوضتنـي و بديـنـا نجـرو و ديـاب ورانـا
مشينـا لـ السيـاره ركبنـي أنـي و ركـب ولـع السيـاره و  طلعنـا من الباركـي !
عـزام ايسـوق و يشـبح لـ المرايـه و 3 سيـارات ايحـاصـرو فيـه و ديـاب السيـاره الرابعـه !
وانـي ملتفتـه نشبحلهـم بـ رعـب " هـاذم مستحيـل ننجـو منهـم 4 سيـارات بحالهـم ! "
عـزام : متتلفتيـش اشـبح يـطلقـو رصـاص !
انـي لفيـت وانـي خايـفه ونـدعـي يـ رب ننجـر منـهم ! كنـت حاسـه و عـارفـه بـ أن ديـاب حيـزبـط مكانـه و حيعيشنـا رعـب ليـه اول مـ ليـش نهايـه !