امير:-كعدت الصبح ب٦:٠٠ كمت سبحت وبدلت لبست الدشداشه والغتره والعكال نزلت جوه شفت والدي والدتي كاعدين يتريكون
صباح الخير
الشيخه سمر:-صباح النور يمه هلا بهالطول تعل تريك ويانه
الشيخ ابو عمر:-صباح الخير تعال اتريك حت نروح للديوان عدنه مشكله ولازم نحلها لفلان عشيره...
امير:-حاضر يابه چا خواني وين ماكو لحد هسه
الشيخه سمر:-تريكو يمه قبلك وسبقوك للديوان اكل يمه والحكهم انت والشيخ
امير:-كمل والدي الريوك وكام واني اظطريت اكوم وياه مااخلي يروح وحده لازم اني وياه لان الحرس كاعد يتريكون
الشيخه سمر:-يمه مااكلت شي ابوك ينتظرك لحد ماتكمل
امير:-لايمه هاي هي شبعت صيحي الخدم يشيلو بعد
طلعنه رحنه للديوان شوي ابعد من البيت حت النسوان تاخذ راحتها
كاعدين اني وخوتي والدي والعشيره الثانيه وكاعد والدي يحللهم المشكله تخص الزرع والحصاد مال السنه واكو عشيره ثانيه كلعد تنافسهم بلكمتهم واحنه تعهدنه نحللهم المشكله ان شاء الله
اني كمت ترخصت رحت يم جماعتي لان حيل مشتاقلهم
همه ضباط فنزلوا باجازه
سيف:-امير راح شرد واني هسه هم راح اشرد
حسن:-من كل عقلك تعوف والدك وتروح بس اني وياك بقينه امير وراح وعمر بالناصريه بدوامه اكعد لا هسه اوزه لابوك
سيف:-شلون حظ ع ناس وناس طلعت العشيره الثانيه والدي وداني ع العشيره الي جاي تنافسهم انطيهم علم انو همه اليوم غداهم عدنا
رحت لبيتهم حت ابلغهم بلغتهم وافقو الجماعه واني طالع من الديوان شفت بنيه سبحان الخالق على الوجه اول مره اشوفها هي هم شافتني صافن عليها خجلت وركضت 😍
امير:-خابرني والدي كال تعال بسرعه عزمت فلان عشيره على الغده ومحتاجك يمي بسرعه عوف الي بايدك وتعال
كتله صار يابه جايك ماسافة الطريق
الشيخه سمر:- نور رفل يلا كومن بسرعه عدنه اليوم عزيمه الشيخ عازم ١٥نفر غ الغده يلا كومن ساعدني
نور:-صباح الخير يمه صار كايمه اسبح واجي للمطبخ
رفل:-اوووف يمه شبيج خليني انام فدوه خلي نور وام علي والخدم يساعدوج شلج بعد بيه اني
الشيخه سمر:-ولج كومي شني هالنوم هذا انت تشربين منوم لو هيج من الله ينزل النوم عليج كومي وبلا لغوه زايده يلا
نور:-نزلت وعفتها لكيكه نايمه(الي هي رفل) ساعدتهم وكملنه كلشي وبدو الحراس ينكلون الاكل للديوان
الشيخ ابو عمر:-ياجماعة الخير يلا تفضلو مد ايدكم وان شاء الله مايصير اله كل خير
الكل:-تسلم ياشيخ
امير:-وره ماكملنه الغده تناقشنه بالموضوع ونحلت المشكله وره ماطلعو الخطار والدي اجاه اتصال كلب حاله وجها صار اصفررررر تقربت يمه سمعته
شوكت صار هذا وهسه هو مات هاي هي جاي لبغداد يلا روح الله وياك
يابه خير شصاير !!
.......
حبايبي لتنسون التصويت والتمييز للقصه وباجر ينزل البارت😘
تتوقعون شنو صاير لابو قمر؟
وشنو راح يسوون عائلة الشيخ ابو عمر؟
