قمر:-رجعنه حت نحضر بعد للعرس اني ونور
بعدين ماما سولفتلي كالت سيف ميقبل تسوون هسه عرس لان يريد يسافر علمود رجليه
نور:-عيني سيف خرب كلشي احنه متحضرين وهاي وهو عيني ميقبل اله يروح ويجي
قمر:-يلا ميخالف شنسوي شكالو اهل زوجج بس لاحجو
نور:-لا بس علي ظل يحجي شنو نتاخر مااعول تجين يمي😌🥰
قمر:-😏
نور:-شبيج هيج تباوعين ممصدكه بكيفج
امير:-حضرت كل شي يخص السفر واتفقت ويه دكتور هناك بدبي واجه يوم السفر طبعاً راح هو ومرته وديت حسن وياهم لان ميكدرون
بعد مرور شهر.....
قمر:-جنه كاعدين نسولف ونضحك على نور شلون تحجي ويه خطيبها وكامت تقلد عليها رفل متنه من الضحك
ومنشوف اله نفتح الباب ودخل امير وراه حسن
طبعاً عرفنه رجعو من السفر
ودخل سيف علينه صلاوات كلها كامت تصيح وتصلي على النبي اجه يمشي ع طرنه من الفرح صدوك بعده موكولش مشيته بس يرادله وقت وعلاج طبيعي
كعدو وسولفو وطبعاً نور منتظره يجيبون طاري العرس
شبيج متكوليلي تردين تموتين
نور:-شنو غير صارلنه هواي واجو همه كافي
بدو يحجون سمعي الحجي استحي اروح يمهم
قمر:-رحت سمعت الحجي اتفقو العرس على الاسبوع الجاي وسيف وهدى هم راح يسوون عرس ويانه
نور:-اني ماسولفتلج غير اطورت علاقتهم واحد يحب الثاني بس اني شاكه بيهم جنهم واحد يعرف الثاني
قمر:-شلون؟!
نور:-هو طاير بيها ماجنها بت عمه للضربه وسمعتها تكله والله قديم هذا القميص من شفتك جنت لابسه
هو يكللها يعني مانسيتي ابد
تكله لا شلون انساك مستحيل
قمر:-جذابه وين يعرفها هي حت مو هنا من البصره
هذا اخوج داهيه طلع
نور:-اسكتي وخليها لاعب لعب
هسه عوفينه منهم شوكت نروح نختار بدلات العرس
قمر:-والله راح تموتيني اني شمعرفني شوكت
نور:-دروحي سالي امير شبيج والله تعبتوني انتو
قمر:-رحت صحت امير كتله امير شنو شوكت موعد العرس
امير:-اي مو ع اساس ماشفتج من واكفه تسمعين
قمر:-ههههه شكو بيها شبيك
امير:-هيج منتظره عرسنه حبيبتي
قمر:-كافي امير مو اكولك اني اخجل من هالحجي
امير:-اروح فدوه لليخجل
قمر:-دكولي عاد
امير:-باجر ترحن تختارن البدلات انتي ونور وهدى والعرس سمعتي مبقاله بس ٥ايام
