قمر:سلمت على ميس وهي هم مستعجله اجه اخوها عليها وراحت واني همان دخلت جوه راساً دخلت لغرفتي لان جنت كولش تعبانه وراسي يريد ينفجر
امير:لبنيه ظلت معلكه براسي وعلى جمالها وكلشي بيها حلوو مابيها غلطه اجو الزلم وراحو وماادري على شنو يحجون اخر شي كلي الشيخ صيحلي امك وبيبيتك صحت على نور
نور:دك باب الاستقبال وصاح امير علينه ورحتله وراد امي والشيخه الجبيره صحتهم ودخلو للاستقبال
الشيخ ابو عمر:حجيه اني اكول اخذ بنت اخوي وامها ويانه لان اهلها بشمال وهنه اثنين حرمات يبقن بغداد صعبه ناخذهن ندللهم والله امانه بعد همه صاروا
الشيخه ام سالم:احسن حل هذا يمه والك اجر تربي يتيمه
هاي بعد اتفقنه يجون ويانه كليلهم يحضرون روحهم وهذا البيت اجره الهم حت يستفادون منه والشركه ابيعها واشتريلها شي بيها يكون مستقبلهم
امير:مااعرف ليش فرحت من كال ابوي الشيخ راح يجون ويانه هاي الحلوه راح تصير كدامي دوم
الشيخه سمر:نسالهم شيخ هم نعرف هي شنو مقرره شنو بالها ميجوز نصرف من عدنا
الشيخ سالم:اي اسالوها ان قبلت هلا بيها وان ماقبلت نعرف شنو قرارها وشنو الي تريده
الشيخه ام سالم:اي شيخ احنه نروح نسالها وان شاء الله نرجعلك خبر
الشيخ سالم:ان شاء الله بس صيحولي بنت اخوي اشوفها اتعرف عليها
ان شاء الله شيخ هسه تجيك
الشيخه سمر:رحت صحت على نور يمه نور شوفي بنت عمج ابوج يريدها
نور:ان شاء الله يمه صار
رحت على قمر لكيتها تباوع بصور عمي خطيه نكسر كلبي عليها
حبيبتي قمر ابوي الشيخ يريدج بالاستقبال كومي شوفي
قمر:وره مادخلت للغرفه فتحت التلفون اشكال الرسائل كولها مراسلتني بس مجاوبت احد جنت كولش مالي خلك وحالتي صعبه طلعت صور بابا وبجيت وبجيت لحد مادخلت عليه نور كالت عمي يريد يشوفني!
مااعرفه شنو يريد مااعرف حت شنو احجي وياه
نور:راح تتعرفين عليه وتشوفي شكد حنون وقلبه طيب وان شاء الله يكونلج اب وعم
ماكو مثل بابا بالدنيا هاي كولها ولاراح يجي احد مثله حبيبي بابا مشتاقتلك ياروحي😢💔
..................................
لاتنسون حبايب التصويت على القصه😘❤️
