يلا حبايب نبدي❤️😘واسفه على التاخير❤️
قمر:-كمت بدلت لبست تراك كولش حلوو بابا حبيبي جابه الي ورحت للاستقبال فتحت الباب وصار واحد حلوو كدامي
الشيخ ابو عمر:-دخلت قمر وصدك هي قمر كلت مايبقون هنا هي حلوه وامها بعدها صغيره اخذهم واروح للعماره
تعاي عمو هنا بصفي
قمر:-كعدت يم عمو ومبين كولش حباب حجينه وسالني شنو دارسه كولش ارتاحيت من حجيت وياه لان من اثر بابا الله يرحمه ومبين مثل بابا حباب وكلبه طيب فحبيت اعرف همه ليش مارادونه كتله عمو ليش هلكد مبتعدين علينه وليش متردونه جنتو منعرفكم هسه يلا عرفناكم لان ماما كورديه لو شنو ؟؟
الشيخ ابو عمر:-سالتني سؤال صدك فشلت منه مبتعدين كلش احنه وماكو صلة رحم ابد بينه جانت كله من وره امي
كتلها عمو احنه الاكراد على راسنه بس السالفه امي الشيخه جانت عابتها بت اخوها لمحمد ومن ماقبل كلتله بعد لاانت ابني ولااعرفك وظلو فتره طويله همه محد يحجي ويه الثاني ولحد ماقرر يتزوج والدتج هي بعد طردته من البيت السالفه بعيده على امج بس هسه بعد فوات الاوان تفقت تاخذكم لان متريد تكرر الغلط بعد ماراح محمد وهو اصغرنه
قمر:-من سولف عمو اني لاارادياً عيوني كامت تصب دمع صدوك تاذيت منها ومن الي سوته بابا وماما
امير:-اني تكطع كلبي عليها من شفتها تبجي مااتحملت اشوفها طلعت بره بالشارع وكفت سياره بالباب سلم عليه
طارق:-رحت لقمر دزتني اختي عليها ناسيه تلفونها الثاني الصرصور ورحت اجيبه لكيت ولد بلباب سلام عليكم
امير:-وعليكم السلام تفضل؟!
طارق:-اجيت اخذ امانه من قمر موجوده هي؟
امير:-اني عقل ماظل بيه وهي راساً طلعت من الاستقبال واجت
قمر:- هلو طارق تفضل هذا التلفون وكللها خل تجي باجر
طارق:-هلو قمر شلونج؟
قمر:-على الله الله يسلمك
كللها عود يلا مع السلامه
ردت انهيها وياه لان ماريد اطول اكثر وهذا الصاك واكف استحيت منه
طارق:-ماانطتني مجال لاي سلمت ودخلت وهذا يباوع علينه
امير:-يلا مع السلامه وسديت الباب حيل ودخلت للاستقبال
وهي كاعده بصف ابوي وامي والشيخه الجبير كمر وكاعد 😍
قمر:-رجعت للاستقبال ولكيت مرك لعمو كاعده وبيبي ولو اني كولش ضجت ونقهرت على الي سوته ويه بابا بس ماريد ابينلها حت لتكول محمد معرف يربيها سكتت وكعدتت وكلولي راح تجون ويانه للعماره واني نصدمت هنا حياتي مستقبلي بالكليه بالعماره ماكو كلية الاعلام وهذا حلمي
بس عمو ماكو بالعماره كليه الاعلام وهذا القسم عاجبني من زمان وحلمي
الشيخ ابو عمر:-عمو اني ماادري بهاي السوالف اخلي امير يستفسرلج وان شاء الله خير
قمر:-عمو احنه بعدنه بداية السنه يعني مصارلي هواي مداومه شلون اعوف كولشي واروح خليني على الاقل بس هاي السنه
الشيخ ابو عمر:-عمو ميصير اعوفكم ترحين باجر انتي وامير تاخذين اوراقج من الكليه وترجعين حت نطلع للعماره باجر واخلي سيف يدبر البيت والشركه هنا
قمر:-ماحبيت اكسر كلمته مثل والدي هو وعمي الجبير كتله صار عمو بس بكلبي احترك
امير:-شكد فرحت من كال اخذها وروح
كعدت الصبح ب٦تقريباً ولكيتهم كاعدين يتريكون ونور ادك الباب على قمر تكعدها حت نطلع بعد نروح للجامعه مالتها وكعدت اتريك وانتظرها
لهنا وينتهي البارت ان شاء الله يعجبكم لتنسون التصويت على القصه واهم التمييز اذا يعجبكم حبايب❤️😘
