انتـ 💔 ـقام 1
يوم التلات تالت يوم في المدرسه
مجد :تي هيا اطلعو بنمشي عنكم ودورو من يرفعكم ولا قولو لمراد
مراد طالع من الدار:اني عندي خدمه دبرو روسكم😁(وطلع يجري ركب السياره وفات)
علي نازل يجري ويجي طايح ناض:كله منك يا دراه
رنا نازله من فوق شبحت على كيف طاح وتنفلق ضحك😂:ههههههه وووه بنموت ههههه😂
مجد قعد يضحك:هههههههه 😂
فؤاد جي من المطبخ:خيركم😁
رنا تضحك مش قادره اتكلم:ههه على هههه طههخ طااح ههههه😂
على :تي هيا وقت
جي بوهم عبد الفتاح بعكوزه:شن قاعد انت وياه امشي دير حاجه على يامكم (وقعد ايشفط فيهم)
الجماعة كلهم طلعو يجرو ويضحكو😂
عبد الفتاح:عليك كمشه مخايب😁
عند مراد فالسياره
ايكلم في رزان:الو
رزان خطيبته:ايوا مراد
مراد :شجوك
رزان:تمام وانت
مراد:تمام الحمد لله على كل حال بتمشي للجامعه اليوم
رزان:لالا عندنا محاضره وحده للدكتور الدراه
مراد:ههه خيره كويس
رزان بعصبيه:كويس فعينك
مراد:سلمها العصبيه ههههه
رزان:مرااااد
مراد :عيون مراد😁
رزان:انت وين
مراد: ماشي للعمل خيرك
رزان :فالسياره😶
مراد :اها فااسياره
رزان :سكر وانتبه للطريق قدامك
مراد :من عيوني😍
رزان: يسلملي عيونك
مراد؛ نحبك
رزان تحشمت بهمس :حتى اني نحبك سلام😄
مراد:شن هيا
رزان سكرت عليه
مراد قعد يضحك؛ ههههههه؛(ومشي للعمل)
وصلو للمدرسه رنا
مجد :هي انزلي
رنا :نبي شلوش(فلوس)
مجد:تبي عينك بس
رنا:اهو فؤد يعطيني
فؤد رفع يديه: امفلس ماعندي شي
رنا شبحت في علي وهيا قريب تبكي
على طلع خمسه اجنيه :هاك
رنا خدتهن ونزلت :ولا عندي عشره جنيه😂💷(ومشت تجري خشت للمدرسه
وعمك على مصدوم و مجد و فؤاد ميتين ضحك😂
مجد؛ اشبح كيف زلبحاته
فؤاد؛ هههههه ريت كيف 😂
على امعصب :تو تشبح الفرخه😠
مجد:غير وسع بالك😁
علي:امشي وانت ساكت وقت
فؤاد؛ وقت عالكبيده قول😉
علي:تي سكر فمك😒
مجد:انزلو وصلنا
نزلو هما الزوز خشو عالحصه طول
مجد مشي وقعد يتصل على هاجر:الو هجورتي
هاجر:صباح الخير
مجد :صباح النور والسرور
هاجر :جوك رايق اليوم😊
مجد:امم انتي فالجامعه
هاجر؛ اي، انت جيت
مجد؛ فالطريق جاي شويه ونوصل
هاجر:رد بالك ع روحك حبيبي
مجد:حاضر يا حبيبتي
هاجر:سلام نستنى فيك. وسكرت.
مجد وقف على محل ورد خدي باقه ورد حمره كبيره وسمحه ومشي للجامعه
هاجر امقعمزه هي وصاحبتها نورس و ردينه و ورده
ورده وقفت:بنمشي للكفتيريا (تلفتت شافت مجد عنده باقه ورد) ردينه ونرجس تعالن امعايا
هاجر:واني 😶
ورده :لالا انتي اقعدي😁
هاجر:بارده اصلن انا ما نبيش نمشي😒
ورده: اقعدي ماتحركي شويه وانجو😁
ردينه ونورس وقفن ومشن امعا ورده
وهاجر حمقت لانهن خلنها بروحها
مجد قدم جهة هاجر وغمضلها عيونها
هاجر بغيض:ورده حولي يا راه( وسكتت بعد شمت عطره؛)ارتبكت
اااه مجد حول الناس يشبحو فينا
