قدرو تعبي بلييز تفاعلو 😭
انتـ💔ـقام 5
روح مجدي وقعد يستني في رنا اتكلمه
قيس جاه :شن صار ماحكيتلي
مجدي:شوي عندي موضوع نستني فيه
قيس:باهي
مجدي شويه وجاه مسج عالوتس
رنا:اني رنا
مجدي:اهلا
رنا:احكيلي ليش غايب عنا السنين كلهن مع اني مش مدكراتك لكن صدقتك من سلمت عليك امي
مجدي:قعد يحكيها في قصته لين وصل للميتم:بعدين تلاقيت اني وواحد قاعد معايا لين توا اسمه قيس هربنا اني وياه وخدمنا اني وياه كل شي
رنا : معقوله مجد يدير هكي 😢
مجدي :بنطلب طلب صعب شويه نبيك تقولي لأمي تمشي تفسخ خطبه مجد وتو اندزلكم ورقه مو مجد تاكد الفسخ وتخطبوهالي لو سمحتي ممكن صح نعرف انه صعب بس اني هدا اللي حاطه في راسي
رنا:ليش به تخرب
مجدي:انتـ💔ـقام
رنا تبكي وتكتب :حرام عليك 😭
مجدي:حرام عليه هوا معقوله يدير هكي والله قاعدات اتار الحروق علي جسمي كان ماعندي قلب ولا القتل حرام راهو قتلته من اول ماعرفته وين
رنا فكرت زين لقت كلامه صح مسحت دموعها :باهي تو نفتح الموضوع لامي
مجدي:قوليلها بعد العرس انشالله نطلق مجد خوك
رنا:مش خوي معادش تقولي خوك باهي
مجدي:باهي
رنا:عطيني انكلمه
مجدي قعد شويه واتصل فيديو وعطي لمجد :هاك اختك
مجد خدي منه لقاها رنا ضاعفه ووجها شاحب وعيونها حمر واتار الدموع علي خدها:رنا
رنا قعدت تبكي:معقوله هكي يا مجد اتدير في خوك لا مش خوك توأمكك راه حرام عليك
مجد:اسف وربي اسف رنو
رنا عصبت :معادش تقولي رنو مش اختك اني ماعنديش خو يدير هكي في خوه انت حقير حقييير (وسكرت قعدت تبكي بعبرتها)
مجد تنهد بحزن وحط راسه بين يديه :ليش هكي
مجدي:هدا الي درته ردلك مع الايام(وطلع)
فالبيت
علي يخبط علي رنا :افتحي يا خرا😠
رنا :خش مفتوح
علي فتح الباب انصدم من منظر رنا كيف متلوحه ع السرير وضامه وسادتها وتبكي جي قعمز حداها :رنا خيرك مفروض تفرحي لانه خوك حي
رنا انفعلت:مش خويا مانحباش معادش تقولي خوك 😠
علي مصدوم :رنا خيرك شن قالك الولد
رنا هدت شويه لكن قاعده تبكي:اطلع علي
علي تنهد ووقف وطلع ورد وراه الباب
سلوي :خيرها رنا
علي بغيض:انضر شن قايللها الفرخ😠
سلوي مشت بتخش للدار
علي:خليها ماتبي حد يخش
سلوي :به
رنا اتصلت بي هاجر :الو
هاجر بصوت يا دوب ينسمع :ايوا رنا
رنا :مجد حي
هاجر:ش شنووو
رنا:والله حي
هاجر:باهي استني شوي هاني جايه (وسكرت ولبست عالساريع وخبرت امها وجت هيا وياها)
هاجر اتسلم علي سلوي:الحمد الله على سلامه مجد
سلوي :الله يسلمك
فاطمه ام هاجر:الحمد لله على سلامته
سلوي :الله يسلمك
هاجر :وين رنا
سلوي :في دارها
هاجر :بناديها وانجي (وركبت تجري خبطت ع الباب)
رنا :خشي
هاجر خشت بسرعه وضمت رنا وقعدت تبكي
ورنا ضمتها حتى هيا وقعدن يتباكن
رنا تبكي علي حـ💔ـظ هاجر كله اللي حيصيرلها بسبب خوها
هاجر تبكي فرحانه لانه خطيبها حي بس للاسف فرحـ💔ـتها مش كامله
