جزء 31 😍😍 شمكارة-ومفيوزي 😍😍
دخلت لبيت لقيت زينب موجدة لي حوايج لهانلبس
زينب :نوور هانتي ها سروال و تريكو
أنا:(هزيتهم ودرت عطيتها بظهر)
زينب:ااا نوور ختي مالك
أنا:والو
زينب:نوور عفاك سمحيلي هئ هئ أنا سباب لوصلك لهاد لحالة
أنا:زينب خرجي باغا نبدل
زينب:نور بغيت غير نعرف علاش علاش ملي كنجبد معاك هاد لموضوع كتسديه ،من نهار لمشى نبيل حالتك تدهورات
أنا :😠😠😠 دابا آش باغا
زينب:ما بغيت منك والو، نوور انا كنحس بتأنيب ضمير من جيهتك عفاك عاتبيني خاصمي علي ولو مرة واحدة فحياتك هئ هئ كل مرة كنتلاقى معاك ولا كنشوفك كاتصرفي معايا عادي وهادشي كيخليني كنتعدب من لداخل
أنا :(بالغوات)آش باغا بعدي مني آ زينب بعدي مني فهاد صباح
زينب:😢😢😢😢 عفاك سمحيلي
أنا:نسمحليك ههههه حتى نسامح راسي أنا لاولا وديك ساعة هانسامحك ونسمح لناس ﻹداوني، إلى سامحت راسي هانسمح ليك نتي وهانسمح نبيل وها نسمح لهاد لمجتمع لحكرني وحكم علي بلا مايعرف مناش دزت ومناش باقا كندووز، زينب سمعيني نتي سباب آه نتي سباب فهادشي لوصلت ليه كون هداك نهار لقلتي لي نمشيوا مع مروان عند صحابوا قلت ليك لا كوون بزاف ديال لحوايج ماكانووش هايوقعوا لي ولكن ملي كنعاود سيناريو من أول كنلقى مدنب أول وأخير هو أنا، آه أنا فهمتي أنا لحطيت كاروو فمي أنا لبغيت نبيل وسلمت ليه نفسي أنا لمني كلشي
(فهاد لحظة كانت ماما ومامات زينب كيسمعوا كلشي من ورا لباب)
زينب:(بدات كتنخصص من لبكا وخرجات)😭
أنا بركت فوق سداري وشديت فشعري كلي كنترعد حيت ما كامياش
ماما؛:نووور فينك يالاه
أنا:واخا هاني كنلبس
نضت لبست حوايج دغيا وخرجت عندها
أنا:هاني يالاه نمشيوا
مليكة:بلاتي ها بنتي تفطري بعدا رآه من لبارح ما كليتي والو
أنا:لا ما بغيت والو
ماما:(كتخنزر في) زيدي زيدي قدامي (دارت عند مليكة)سمحيلي أ مليكة ياختي برزطتك معايا 😣😣
مليكة :لا ما تقوليش هاكا نور فحال زينب
ماما :لله يرحم ليك للوالدينجزء 32 😍😍 شمكارة-ومفيوزي 😍😍
خرجت أنا وماما من دار مليكة 🏠🏠
انا:فين غادين 😦😦
ماما:غاديين لكوميسارية
أنا:😮😮😮
وحنا غادين فطريق وليت كولي كنترعد ما كامياش من صباح ماما عاقت بي
ماما :مالك 😬😬
أنا:(كنهج)وووالو
ماما:باغا لكاروو ياك 😒
أنا:عفاااك شري لي واحد راه راسي غادي يتفركع
ماما:وقفي هنا ما تحركيش هاني ها نمشي نشريه ليك ونجي
أنا:(عرق كيقطر مني )اه اه واخا سربي عفاك
ماما:😣😣 لا حول ولا قوة إلا بالله
بعد مرور 5 دقائق
ماما: هاكي
أنا:(خديتوا من عندها ويدي كلها كتفافا) ااااا بريكا آه خاصني بريكا جيبي لي بريكا
ماما:نووور تحكمي فراسك هاني هاني هانقلب ليك عليها راه مول لحانووت تقادات ليه
انا:سربي سربي جيبيها
ماما:واخا واخا
مشات ماما كتقلب عند مالين لحوانت ورجالة والو ما لقاتهاش فديك لحظة تقولوا سبحان لله حتى واحد كيكمي من غيري أنا ،أما أنا بقيت كنترعد ضرت عطيت بوجهي لحيط باش مانشووفش فبنادم ونووض صدااع كيف ديما وأنا واقفة تحطات يد على كتفي
انا:(تخلعت)😱😱😱
ماما:بشوية عليك هاكي هالبريكة
انا:(شديتها من عندها وشعلت لكاروو ودرتوا ففمي الله وأخيرا كنت حاسة بلحمي كيتخشاو فيه ماس من لداخل ،كملت لكارو
ماما:نور شوية دابا هاكي خودي لما
أنا:(كنكمي) اه واخا
خديت من عندها لما شللت فمي وغسلت وجهي
ماما:😣😣 يالاه ها نشدوا طاكسي
أنا:😧😧 أووكي
شدينا طاكسي أنا و ماما كوميسارية غير وقفنا وهي تجي فرح ختي كتجري
فرح:ماما عتقي عتقي
ماما:شنووووو 😲😲
فرح:عائلة عبد قادر كانوا هنا قاليك سيد فاﻹنعاش 😓😓
ماما:لله يالله ربي الله آش هاد لموصيبة (دارت عندي )كلشي بسبابك يا وجه الخطية خرجتي على خوتك وخاليتي ولادهم بلى أب
انا:(صمت)
فرح :(مصدومة حيت هادي أول مرة شي واحد يخاصم علي ومانجاوبووش)
ماما:😠😠 زيدو قدامي آه نوور إلى سولك كوميسير عاودي ليه داكشي لكاين ولكن وياك تقولي ليه بلي نتي ما كنتيش بوعيك سمعتي 😬😬
انا:😞😞 صافي واخا
ماما:مالك كتعوجي فكمارتك
أنا:دابا كيف درت معاكم وحلة هدرت وحلة سكت وحلة
ماما :ومازال زايداها بتخراج لعينين ... يتبع في الحلقة الموالية ..
