😍😍 شمكارة-ومفيوزي 2😍😍
جزء 41
فوزية : حشوومة هاخالتي هادشي لكديري فيه شوفي ولادك كيفاش كيتعدبوا
حليمة :(خنزرات فيها) وباااز وجهك قاصح هاد لحالة لأنا فيها بسبابك نتي ومك بسبابكم بنتي خرجات من دارهم 😭😭😭 واعباااد لله طالعة لعام ما شايفاش بنتي سيري يا فوزية نتي ومك بغيتكم عمركم تشوفوا نهار زين كل نهار كندعي فيكم كيفما شويتوني فكبدتي حتى لله مك تشوات فكبدتها كنتوا كتعيرووني ببنتي شمكارة هالله نتاقم منكم وختك جابت حرامي من زنقة
فوزية :😢😢😢 خالتي ولله حتى ندمنا على داكشي لدرنا
حمد :(ورا لباب سمع هدرة كاملة وطلع لسطح شبع بكا )😭😭😭
في صباح عند نور
هئ هئ لاااااا ماما هئ هئ
كنزة : ويللي ويلي نور فيقي
انا : 😭😭
كنزة : مالك
انا: هئ هئ حلمت بماما هازينها فكفن وغادين يدفنوها
كنزة : حراام عليك اختي نوضي سيري شوفيها
انا:هئ هئ خايفة خايفة تمشي ويجريوا علي
كنزة: لا لا مانضنش عام ونتي غامرة وبغيتيهم يجريوا عليك
انا : ما عرفتش مهم ليووم هانمشي نشووف ماما ولبغى يوقع يوقع
نضت دخلت دوشت وخرجت لبست كسوة بيضة حد ركبة وضربت فوقها جاكيط ديال تجين حطيت ماكياج خفيف وهبطت لقيت كنزة كتفطر جلست فطرت معاها شاداني لخلعة
كنزة : نور واش بغيتيني نمشي معاك
انا : لا لا ماكاين لاش
كنزة : شوفي دي معاك عقد زواج وريه لداركم باش يعرفوك بلي نتي مزوجة وماتنيايش دوا
انا :😥 اووكي
كملت لفطوور وخرجت لقيت شيفور كيتسناني طلعت
شيفور : مدام فين
انا : درب سلطان
صاك شيفور وشوية شوية بدينا كنقربوا حاسة بالعافية شاعلة في من لداخل عيني عامرين دموع مامتيقاش ليووم هانشوف ماما ونعنقها ما متيقاش حاسة باﻷرض كتدوور بي
شيفور: مدام وصلنا
انا:(غير سمعت وصلنا لحمي تشوك علي من عام بابا جرا علي من هاد دار كل كلمة قالها داك نهار باقا فداكرتي دمووع ماما وغواتها بكا ختي فرااح ستهزاء فوزية ومها وأسماء مرات خويا حتى حاجة مانسيتها )
شيفور : مدام (حل لي لباب)
انا :(تنفست وهبطت)
😍😍 شمكارة-ومفيوزي😍😍
جزء 42 😘😘
تنفست وتميت داخلة مع زنقة كيف ديما دنيا عامرة دراري كيغوتوا ولعيالات واقفين كيخويو لما حدا لبااب وانا غادة عيالات كيشوفوا في باينة فيهم مافي عرفونيش عادي تبدلت بزااف اصلا هوما عمرهم شافوا شعري ولا لاطاي ديالى ديما لابسة طاكية مغطية بيها شعري وكبوووط كبر مني فهاد لحظة تفكرت نهار ضاربت مع لحية وشحال من مرة هرست شراجم ديال جيران دورت وجهي وهي تجي عيني بعين لحية وجهو صفار باينة فيه عرفني بقيت كنشوف فيه ضعاف بزااف ولصدمني هو رجليه لمقطعة سيد داير عكاز وواقف بقا في حدرت راسي وكملت حتى وقفت قدام دارنا 😢😢 دار لجراو علي منها هاد لمرة غير كاع لمرات هاد لمرة رجعت نور لولا نور لماشي شمكارة ليووم انا مرا مزوجة مرا عندها حياتها وشخصيتها ما عرفتش واش بابا ملي هايعرف هادشي هايسمح لي ولا غادي يجري
شفت فدارنا لقيت لباب محلول دار عاطية منها ريحة سانيكروا وجفاف محطوط حدا لباب باينة يالاه جفوا بلا ماندق فالباب دخلت وهي ضربني ريحة رفيسة عرفت ماما هاتكون فالكوزينة دخلت نيشان ووقفت فالباب ديال لكوزينة لقيت ماما عاطياني بظهر كتصايب لمسمن لابسة بيجامة طويلة فشيبي وحازمة راسها بزيف حياتي بقيت واقفة غير كنشوف واحد لحظة بلا مانحس
انا : مااااامااا
حليمة:(دارت وهي تغوت)نوووووووور بنتي
انا : هئ هئ ماما
حليمة:(جات تلاحت عنقاتني وبدات كتشهق)😭😭😭
انا :😭😭😭😭😭😭😭😭
بدون شعور انا وياها طحنا اﻷرض وبقينا كنبكيوا
حليمة: نوووور هئ هئ بنتيي
عصام:(هابط من لفووق كيغوت) مييي مااالك
حليمة:😭😭😭
عصام هبط وشاف ماما معنقاني و مع انا كنت عاطياه بظهر
عصام: مييي آش واقع
تلفت وانا نشوفيه وهو يتصدم
عصااام:(جا تلاح علي ) ختي نوور
انا : هئ هئ خوويا
هبطات فوزية وأسماء وهوما يتصدموا من شي لشافووه ماتيقووش بلي انا رجعت
حليمة : هئ هئ فين كنتي هابنتي فين
انا : توحشتك اماما هئ هئ
عصام: 😢😢 عيينا هاختي من تقلاب عليك فين كنتي
انا : 😢😢 خلينا نوضو من اﻷرض ومن بعد نهدروا
حليمة : اه نوضي نوضي ندخلوا لداخل
نضت وقفت كلهم بقاو كيشوفوا في عرفتهم تصدموا أصلا عمرهم شافوني هاكا طبعا ها يتصدموا
فوزية: على سلامتك أ ختي ☺☺
انا :(بقيت كنشوف فيها يالاه هانجاوبها وهي تجاوبها ماما)
حليمة: لله يسلمك يالله جري جري وصليها لمك
عصام : دخلي هاختي لداخل دخلي
حليمة: بلاتي نطفي بوطة ونلحق عليكم
دخلنا لصالون وجلست خويا بقا كيشوف في ما عرفتش فاش كيفكر
انا :😟😟 مالك
عصام : والو اختي فين كنتي
انا :(كنشوف فمراتو)😕😕
عصام:(فهمني)
أسماء : زيانيتي ا نوور
انا :(فخاطري؛ يلعنطبنمك) شكرا 😆😆
حليمة:(كتخنزر فيهم ) وانووضو قابلوا ديك رفيسة
فوزية: واخا هاخالتي
حليمة: بنتي فيك جوع باغا تاكلي
انا : لا هاماما فاطرة
ماما:(كتبووس في) اخخ يا بنتي ماكنت ماكنعس ما نشوفوا من أخير مرة عيطتي علي وقلتي لي خدامة عند شي مرا
انا : اه لا هاديك لمراا ما بقيتش خدامة عندها
عصام : وفين كنتي ومنين جاوك هاد لحوايج لغاليين للابسة
حليمة: ونتا سوقك نتا باها (يالاه هاتبدا تكرنن فيه وأنا نحبسها)
انا : ماما صافي انا ما جيتش باش ندير صداع واخا وعصام من حقوا يسول خويا شوف انا راني
فرح:(قاطعتني داخلة كتغوت) واعععع فين ختي فين
فوزية:راهم داخل فصالوون
دخلات كتجري وتلاحت تكات فوقي
فرح : هئ هئ هئ ختي
انا : كح كح نوضي وانوضي
فرح: هئ هئ توحشتك
حليمة: وااعباد لله نوضي على ختك (جراتها)
انا : كح كح
فرح :(عنقتني) هئ هئ ختي
أنا :توحشتك يالبغلة
فرح : شمكارة فين مشيتي
انا : يلعنمك العوجة
عصام: لله يستر دابا واش توحشتوا بعضياتكم ولا شنوا
حليمة:تا راه هوما هاكا
فرح :(جلسات كتشوف في ولكن هي ماشي فحال لاخرين بقشاتني مزيان سيدة خدمات يديها)
انا :😮 هاويلللي تي طلقي من يدي واش باغا تكرضي لي صبعي
فرح: حيدي لخاتم بغيت نشوفوا
حيدتوا عطيتوا ليها
فرح: نور كضحكي علي منين جاك لخاتم
انا :😌😌 ديالى
فرح: لله يمسخك واش عرفتي هدا شحال داير
انا : اممم
فرح : كيفاش أمم هدا رآه داير كتر من 10 مليون
حليمة :😱😱 10 مليون لوحي لوحي نشوف
حليمة:(دارتوا ففمها كتقشروا) ولا هيلا دهب
عصام:(خادوا ليها ) دياموند هدا
انا :😕😕😕
حليمة: 😱😱😱😱 يا ويللي على مسخوطة تي قولي انا مصيبة دايرة
انا:😒😒😒
فرح: ختي قولي منين جاوك هاد لحوايج لغالين
انا : 😶😶😶😶 نااااااري على تريكة حمد شحال فيهم
عصام:(حمر في) قوولي منين جاك هادشي
اسماء: كون راه شي موصيبة هادي وجاية باغا تلصقها فينا
سعيد (واقف حدا لباب سمع لهدرة )
سعيد: جيتي وجايبة معاك لمشاكل أشنو باغانا نفكوك كيف ديما
انا :(غمضت عيني ووقفت) شوف انا إلى جيت ليووم ماشي حيت محتجاك لا نتا لا غيرك انا راجلي مغرقني حتى ودنين سمعتي
الكل:😨😨😨
سعيد:هاديك كذبة سيري كدبيها على شي واحد آخر
😍😍 شمكارة-ومفيوزي2 😍
جزء 43 😘😘
انا :(جبدت لاكط من صاك وضربتوا بيه) يلعن لوقت لفكرت فيها نجي نشوفكم
ضربت فيهم وخرجت لمرااح كنلبس فصندالتي
حليمة :(كتجر فصندالة ) فين فين غادا
أنا :(كنبكي ) هانمشي فحالي
فرح: لا لا عفااك ماتمشيش
حليمة : واش باغاني نمووت
سعيد : 😟😟😟 عفااك ها ختي سمحيلي راني كنت معصب
أنا : لا لا عادي أصلا انا وجهي غير وجه مشاكل
حليمة:إلى مشيتي حتى خرجتي أنا ساخطة عليك
انا :😦😢😢 ماما
فرح : وصافي دخلي باراكا من لعياقا
أنا : صافي واخا هاندخل مي بلاتي ندخل لطواليط
دخلت لطواليط غسلت وجهي وخرجت لقيت فرح خاوية لي صاك وكترش فريحة ماما شافتني وهي تنغزنها
أنا : وااابااز ياختي باز مكاتحشميش
فرح:😅😅😅 عادي رآه غير ختك انا
انا : أمم
فرح : هادشي غالي راجلك فاش خداام
انا: 😏😏 ماشي سوقك
فرح : ياااك
حليمة : اجي هابنيتي جلسي حدايا توحشتك
أنا: حتى أنا ولله لعظيم
حليمة : محكلك عيطتي ولا سولتي في
أنا : لا راه غير مع كنت بلاتي بلاتي شنوا هاد ريحة
ماما: مااالك
انا: ريحة لكاروو إماما
عصام:(حدا شرجم) انا كنكمي
إنا : تسطيتي واااش باغي تخرج علي
عصام :(طفا لكاروو)
حليمة : ماالك
أنا : ممنوع نشم ريحة لكاروو
فرح :😮 مابقيتيش كتكمي
انا : لا
عصام : اوااه كيدرتي ليها.
أنا : عادي دوايات ا ساط كيكالميو علي
حليمة : سعدي وفرحي ببنتي ما بقاتش كتكمي
انا :(بستها) يخليك لي
فرح: وتطور كبير هادا ورينا هاد كحل لعفطة سبب تغير نور شمكارة
انا : فرح ما تبقايش تقولي لي شمكارة ولا هانتسيف عليك وراكي عارفاني
نور : 🙊 هاني سميط لميط
انا : وهكاك
نور: وورينا راجلك
انا : بلاتي نقلب على تيلي
فرح:(جبداتو من وراها) هاكي
انا : 😮😮😮
خدت تيليفون ووريتهم تصويرة جود بقاو حالين غير فمهم وكيتعجبوا أما عيالات خوتي ريوكهم سالو ههه إيوا حطوا واحد قصرية ديال رفيسة ما شهيتكم فيها دوزت معاهم عشية غير ضحك ونشاط كلشي فرحان بي إلا خويا سعيد غير كيخمم ومرتوا غير كتخنزر في وحنا باركين سمعنا صوت ديال دري صغير كيبكي
سعيد: نوضي شوفي درية مالها كتبكي
أسماء :😒😒 واخا هاني هانطلع نشوفها
انا : تزادت عندكم بنت
سعيد : اه اختي
انا: تربى فعزكم
سعيد :(تنهد ) آمين هاختي
أسماء :(كتغوت من لفوق) سعيد سعيد
سعيد: هاني جاي
طلع سعيد وانا نضت بغيت ندخل لطواليط لقيتها عامرة وطلعت طواليط للفوق بدون قصد سمعت هدرة ديال خويا ومراتوا
أسماء: شوف واش ما بقاتش فيك هاد لبنت لكتموت بجوع
سعيد : ما عنديش فلوس باش نشري ليها لحليب شربيها حليب سنطرال
اسماء:(كتغوت) بنت عندها شهر وبغيتي نعطيها حليب ديال لحانووت ولكن غلط ماشي منك غلاط من ديك ختك شمكارة بسبابها دخلتي لحبس وجراو عليك من لخدمة شوفها دابا جايا باركة تبان علينا كلها مزرزرة دهب
سعيد :(صرفقها)😡😡 يلعندينمك هاديك لداوية عليها ختي و إلى طلبات نقتل على قبلها نقتل سمعتي ولله زامل لحطك وتقولي ليها شي كلمة تقلقها حتى نحر زامل بوك (غوت) فهمتي
أسماء :😢 فهمت
سمعت هدرة كاملة ودخلت طواليط قبل ما يشوفني شي واحد بصراحة بقى في لحال خويا مسكين ما عندوش باش يشري لحليب لبنتو دنوب ديك لبنت علي افف ياربي عييت احسن حاجة هاندير هي نعيط على كنزة
انا:(كنعيط فتيلي) ألو كنزة
كنزة : وي على سلامتك لتفكرتيني
انا: لا راك كنتي فراسي
كنزة: إيوا أش درتي مع دار
انا: الحمداوي لله كلشي مزيان
كنزة : الحمد لله
انا : فينك
كنزة : انا كندور فالمول علاش
انا: مزيان نطلبك طلب وما ترديهاش فوجهي
كنزة: وي قولي
انا : عفاك إلى قدرتي تقداي معاك حوايج دراري صغار
كنزة : هههه ياكما حاملة
انا : هه لا لا غير لولاد خوتي
كنزة: اووكي
انا: شوفي خودي حوايج صغار لبنيتة يالاه عندها تقريبا شهر وعنداك تنساي لحليب وليكوش ولحوايج وأه وحوايج لولد عندو خمس سنين وحتى بنت عندها تلت سنين
كنزة : صافي كوني هانية
انا : شكرا ها حبيبة
كنزة : لا لا عادي أصلا جاني ملل غير كندور ولاهوما نتلاهى
انا : اووكي ملي تقدايهم سيفطيهم مع شيفور
كنزة : اووكي باي الحب عنداك تنساي دوا
انا : لا ماتخافيش باي😘😘
هبطت لتحت لقيت أسماء مهبطة لبنت كتعطيها فالحليب برضاعة
انا : ويتيح عطيني نهزها
اسماء:(كتخنزر في)
سعيد :😬😬 أسماء عطيها لبنت
عطاتها لي وهي كتنفخ عادراها بسبابي راجلها خرج من لخدمة لدرجة أنه ما عندوش باش يشري ليها لحليب
انا : 😀😀 أش سميتوها
سعيد : اية
انا : اية (حيدت سنسلة ديال دهب من عنقي وركبتها ليها)
سعيد: لا هاختي أش درتي
انا : ماشي مشكيل عادي هادي غير زرورة 😊😊
فرح:(بشوية) بغيت ليك غبارة دابا تاخدها مها ديرها فعنقها
انا:😅😅 سكتينا يالبغلة
لباب: دق دق
حليمة : شكون
عصام : بلاتي نمشي نحل لباب
مشا عصام يحل لباب
عصام: وي خويا شكون باغي
شيفور: أنا شيفور ديال مدام نور جبت ليها هاد لحوايج
عصام:😕😕😕
شيفور: خويا واش ما كايناش
عصام: لا كاينة اراهم
جزء 44 😘😘
خداهم عصام ودخلهم
حليمة: شنوا هادشي
انا : لا هادوا غير شي حوايج وصيت يجيبهم على قبل دراري
سعيد : ختي لاش معدبة راسك
فرح: اه ها ختي عيقتي فلوس راجلك تخسريهم علينا
انا : وصاافي ماتزيدوش فيه
جبدت لحوايج وبديت كنفرق على دراري صغار بصراحة كنزة ما نسات والو حتى من العاب وروايح دراري صغار شراتهم درت كنشوف فخويا لقيتوا فرح مسكين وحتى انا رتاحيت واخا عارفة هادشي هايديباني بيه غير شي يامات ومن بعد هايتحنسر
وصلات 8 ليل وانا باقا جالسة كنتسنى فبابا يدخل ؛ سمعت لباب دق عرفتوا بابا قلبي كيضرب بجهد ماعرفتش أش هتكون ردة فعلو افف ياربي
بابا : سلام وعليكم
حليمة :☺☺ وعليكم سلام
(دار وهو يشوفني لون تخطف من وجهو ما قال حتى كلمة وضرب فينا وطلع)
انا :(حدرت راسي وحاسة بدم تجمد لي فراسي)😟😟
حليمة : اااا بلاتي نوض نرد لعشا
فرح:😅😅 اه بلاتي نمشي نعاونك
مشاو هوما كوزينة كل لواحد باش ملاهي ما لقيت ماندير قلت نغامر ونطلع نهدر مع بابا
طلعت لفوق ودقيت فالباب حتى واحد ما جاوبني وانا ندخل لقيت بابا كيصلي مشيت جلست كنتسناه حتى سالا صالا وناض
أنا:😔😔 لله يتقبل
بابا :(كيشوف في)
انا : بابا ليوم رجعت نتمنى تقبل بي
بابا : 😣😣
انا: بابا أنا ندمت بزاف على داكشي لكنت كندير عفاك سمحلي نهار خرجت من دار قلتي لي هاد دار إلى بغيتي ترجعي ليها خاص ترجع ليها نور لقديمة بابا انا رجعت نور لقديمة تيقني ما بقيت كندير حتى حاجة خايبة تعالجت من إدمان و تزوجت عفاك هابابا هئ هئ سمحلي نزلت على ركابيا وبديت كنبكي
بابا :(نزل عندي وعنقني)😭😭😭😭😭 بنتي هئ هئ سمحيلي هئ هئ
انا :😭😭😭😭 بااااباا سمحلي
بابا :😢😢 مسامحة هاييتي مسامحة
وهاكا تصالحت مع بابا و فرحتي كملات وأخيرا نقدر نقول بلي رتاحيت وأخيرا انا مع راجل لكنبغي ومع عائلتي لسامحوا لي
بعد مرور تلاتة أيام
أمم الو
جود : نعااسة فينك
انا : (فقت) على سلامتك ملي تفكرتيني
جود : ههه لا لا ولله ماناسيك واش كاين شي واحد كينسى الحب اححح شحال توحشتك يالعفريتة
انا : أمممم أش توحشتي في
جود: نكدب عليك توحشت نكويك
انا : زامل مكبوت
جود : هههه عارف راسي مهم ليووم بليل هانكون فالقصر
انا: افف وأخيرا توحشتك ازمر
جود : صافي ليوم فليل نكون تما ونبرع حبيبتي
انا : تفوو عقلك فكرك
جود : لا ولله مافكري فطبونك
انا : قطع قطع خليني نهبط نفطر
جود : باقا فداركم
انا : اه فدارنا
جود : شفتك سكنتي تما
انا : عادي دارنا
جود : داركم مهم نجي انا ينساوك ماكاينش ليشاركك معايا
انا : وباااز لغيره حتى من دارنا
جود: ماشي سوقي تلاحي دابا
انا :😗😗😗 كنبغيك (قطعت )
حليمة:(من ورايا) تبغيك لفعة ما بقيتيش كتحشمي
انا :😏😏😏 ومالي انا قلت ليك تسنطي علي
حليمة: 😞😞 نوضي نوضي تفطري
انا : بلاتي هانلبس حوايجي ونعيط على شيفور يجي يديني
حليمة :😲😲😲 علاش غادا ليووم
انا :(كنطوي فالمانطا) اه ليووم راجلي هايجي خاص يلقاني فدار
حليمة: وإلى كان هاكا سيري هانتي هبطي تفطري صافي
انا : واخا
لبست حوايجي عيطت على شيفور باش يجي وهبطت
بابا: هابنيتي كون غير بركتي حتى تغداي وسيري
انا : لا لا هايوصل ليوم بليل وضروري نكون فدار خدامة هايكونوا داروا ما بغاو
عصام: واش بغيتيني نوصلك
انا: لا شيفور هايجي دابا
عصام : إلى كان هكا مزيان
كملت لفطور و سلمت على مالين دار بابا أصر قاليك خاصوا يتلاقى مع جود وأنا بقيت غير كندور فعيني خرجت لقيت شيفور كيتسنى ركبت يالاه هاندور مع دورة وأنا نشوف زينب هي والدها هبطت
انا : زينب
زينب:😮😮
انا :(مشيت سلمت عليها) كيفدايرة ا صاحبتي
زينب:(كتعنق في ودموع فعينيها) لباس اختي توحشتك
انا : حتى انا
زينب : درب كولو داوي عليك قاليك درتي لباس وتزوجتي
انا:هه لا لاغير كيزيدوا فيه ؛ نزار كيفداير لباس
نزار: لباس ابدر
انا:😆😆 بدر هي مك
زينب: ههه ناري يا نوور والو مكاتبدليش
انا :😕😕 وجمعي برهوش ديال ولدك قوليه ما يبقاش يقول لي بدر
نزار:(كيصفق) بدر بدر بدر 😋
انا : يلعنمك يالبرهوش
زينب: هههه واش تسطيتي دايرة عقلك فيه
انا: هههه (جبدت فلوس وحطيتهم ليها فيديها) مهم انا مشيت تهلاي فراسك ا ساطة
زينب: نور حرام عليك ولله حتى عيقتي
انا : عادي شري بيهم حوايج نزار 😙😙
طلعت طوموبيل ووصلت لقصر
كنزة : 😑😑 على سلامتك ا لهرابة
انا : ههه ولله
كنزة: شوفي بلا حلوف أنا ماشي سوقي حرام عليك مشيتي وخليتيني بوحدي
انا : وراه دار شدووني
كنزة:ههه غير كنضحك معاك راه حتى انا ما كنتش مساليا راه عاودت حليت كابيني ديالى
انا : 😀😀 إيوا على سلامتك
كنزة: فراسك ليووم أحباء هايرجعوا
انا :😏😏 فراسي يالاه قلنا تهنينا منهم هاهوما رجعوا
كنزة: باااز ياختي طلعي طلعي بدلي خلينا نخرجوا نقادوا لحالة
انا : صافي واخا
طلعت دوشت ولبست حوايجي هبطت مشيت مع كنزة دزنا عند كوافور درنا لاسيغ وسوان دو فيزااج ومن بعد مشينا لموول تقدينا ورجعنا لقصر
جزء 45 😘😘
وصلت لقصر لبست (صورة) جيت كيوت بزاف أما كنزة لبسات( صورة) وهبطنا لتحت كنتسناو
أنا : اناستازيا كلشي موجود
اناستازيا: وي مدام
كنزة: افف هادوا مالهم تعطلووا
صوت طوموبيل
انا :(فرحانة) هاهوما جاو
مشينا بزربة وهو يتحل لباب
كنزة :(كتبان لي كتجري عنقات هاني )
انا :😮😮 هاويلللي على هاد درية هادشي كولو وحش
جود : هادشي سميتوا لحوب نتي ما تفهميش فهادشي 😜😜
انا:😏😏 اممم نتا لكتفهم
هاني : واباز ليكم على دخلة باديين بنكير
انا وجود:(فنفس لوقت)ماشي سوقك
هاني:😕😕
جود:(قرب عندي وجرني من خصري) الحب 😍😍
انا:لعمر 😍😍
جود : رووح 😘😍
انا : لعقل 😍😍
جود:(باسني فخدي) توحشتك
انا : كون شفتي انا
الكل:😕😕
سارة : 😎😎 دخلوا دخلوا هاد جوج إلى بداو رآه ماكيساليوش
جود : 😏😏
دخل كلشي وبقيت انا وجود
جود : إيوا 😉😉
انا : مالنا اش واقع
جود : توحشتك أو بزاااف (خشا راسوا فعنقي) توحشت نشم ريحتك و نبوس شفايفك (باسني ففمي) أو ن
انا : أو ننن 😉😉 سير فحالك ههه خلينا ندخلوا على أقل نتعشاو ومن بعد نشوفوا ننن 😉
جود :😀 اووكي
دخلت انا وجود لداخل جلسنا تعشينا عادي كنديو ونجيبوا فالهدرة عيينا كنسولوهوم على خدمة كيف ديما ما جاوبوناش وصافي كل واحد طلع لبيتو
انا وجود متكين
جود: اش درتي مع داركم
انا : الحمد لله تصالحت معاهم
جود: مزيان
انا: جوده بابا بغا يشوفك
جود : اه علاش لا واخا
انا:(عنقتوا ) كنموت فيك اراجلي لعزيز
جود: حتي انا كنموت عليك ا مرات مشرملة
انا : ههه، جود
جود : نعاام
انا : عمرك عاودتي لي ولا عرفتيني على عائلتك
جود :😬😬 أصلا ماكاين لاش تعرفيهم
انا : جود رآه خاصك
جود:(قاطني بقبلة قوية على فمي وانا طبعا تجاوبت معاه كيف ديما ههه وصافي نسيت شنوا كنت باغا نقول)
في صباح
جود: نور
إنا :(كنلبس فسوتيان ) وي
جود : مادامت ليك مكانة ديالى
انا: لكنتي لابس لبارح
جود : اه
أنا : شوف لمجر اﻷول هاتلقاها فيه
جود : صافي هاهي
انا :(لبست تيشورت ) جود شنو واش حتى ليوم هاتمشي خدمة زعما يالاه جيتي
جود : لا مشرووع اووطيل قريب يوجد وضروري نشرف على تفاصيل
انا :(بستوا فخدوا) اووكي الحب تهلا فراسك وعنداك تنسى ليووم بليل معروضين عند دارنا
جود : لا لا مهانساش
انا:😊😊
هبطنا لتحت لقيت كنزة هي وهاني مهبطين شوانط
انا :😮😮 فين غادين
هاني: لفيلا تصلحات و هانمشيوا ليها
انا : تسميتها لا 😬😬
كنزة : هانتي تشووفي قاليك ضروري نمشيوا لدارنا
أنا: هاني تسطيتي لا
هاني : وراك نتي وياها لتسطيتوا عادي وقتما بغيتوا تشوفوا بعضياتكم تلاقاو
انا: جود دوي
جود : مالمك عادي جدا سيد بغا ياخد راحتوا فدارو مع مراتو
انا : هاني بصح مامرتاحش هنايا
هاني:😏😏 اه
انا : يلعنطبنمك قولي شنوا مامريحكش
جود : كنبغي نكوي مراتي فدرووج مي بوجودكم كنزة كتحشم
جود :😂😂😂😂
كنزة : هاني حشم شوية 😠😠
هاني :😏😏 تفركعي
خرج كنزة وهاني مشاو لدارهم
سارة:(كيتعوج) صباح خير
الكل: صباح نور
انا : اممم سارة زيانيتي اش كدير لوجهك
سارة : اووه حبيبة ميغسي زين وداكشي غير من عند لله
انا :😕😕😕 كتكدب علي
سارة : هههه وصافي بلاتي يمشي جود ونعاود ليك
جود : من نيتك الخرا إفتتاح اووطيل ما بقا ليه والو شكون هايعاوني أنا ملي هاتبقى مع نوور
سارة: وي عندك لحق
انا : ياااك وأنا نبقى بوحدي هنا كنزة مشات ورجعات لخدمتها وأنا أش عانبقى ندير هنا وحدي
سارة : أمم عندك لحق اش ظهر ليك ديري أعمال خيرية بصفتك مدام جود بنشيد
جود : اه مزيانة هاد لقضية تقدري مثلا تكلفي بالجمعيات لبسميتي وبالخيريات
انا :😮😮 داويبن بصح
جود : وي بصح وتقدري تبداي من ليووم
انا: اه علاش لا
خرج جود وأنا بقيت كنفكر فالهدرة لقال لي جود احسن حاجة هو حتى أنا نولي نخدم اش فيها مزيانة
فليل 🌉🌉
جود: اووه مال هاد طريق عامرة شوفي هاد لقلاوي كواقف (كيكلاسوني) طيط طيط
انا : راه عادي هادوا هما إحياء شعبية
جود :😕😕
انا : صوك صوك راه حيد من طريق
جود : واش هنا
انا : صافي وقف غير هنا
وقف جود وهبطنا كلشي كيشوف فينا شراجم تحلوا كيطلو منهم ناس أما بنات ديال درب ريوكهم سالو
جود :😮😮 تي مال هادوا ( تعكل كان هايطيح )
انا : ههه غير بشوية ههه وقوصوا عليك هاساط رد بالك
جود :😕😕 واععع دابا عاد عرفت منين جايبة تقواس ونحس
انا : 😬😬 جوود
وقفت قدام لباب كندق
ماما: شكون
انا : قريب
ماما:( حلات لباب وهي تعنقني) كيفدايرة 😚
انا : لباس
ماما :(كتشوف فجود)😮😮
جود :✋✋ سلام
ماما :😮😮😮
انا :(نغزتها ) ياويللي هاماما جمعي عينيك
ماما: ااااا مرحبا مرحبا دخلوا
جود : 😊😊 ترحب بيك جنة
انا؛ (درت كنشوف فيه ) منين جاك هاد آداب
ماما : ويللي سكتي ياهاد لمكرضة دخل اوليدي مرحبا بيك ماتديش عليها راه هاكا خضرة
انا؛ لاوا طايبة
