جزء 2 😍😍 شمكارة ومفيوزي😍😍
أنا :سلام
بق:وأخيرا طلع لبدر علينا 😃😃
أنا:شوف باراكا علي من لحموضة ديالك😬😬
بق:وصافي غير ضحكنا معاك ما تندميناش
أنا:شوف بلا ما تبقى تضحك معايا راك عارفني مزيان ،عطيني تقدية كيف ديما وخليني نقود
بق:صافي تكلماي، صبري شوية ها هما دراري ها يجمعوا ليك داكشي لبغيتي
أنا:شوف بزربة
بق:وصافي ها هما كيجمعوها ليك، بعدا جايبة شي ولا فرشي
أنا:😒😒 على أنا فين عمري خديت عندك شي حاجة وماعطيتكش رزقك
بق:ونعم لكليان هادشي باش كتعجبيني 😉😉 ديما حاضرة
أنا :شوف بلا ما تبقى تعسل علي هنا فالهضرة إلى دراري جمعوا داكشي عطيني لخرا وخليني نمشي فحالي
بق:وصافي ها بدر ما تبقاى غير على خاطرك ها تقدية
أنا:شحال 😾😾
بق:ليك نتي 300 dh
أنا:هاكا 😑😑
بق:مرحبا بفلوسك 😆😆 ها نتي مرحبا بيك فأي وقت وبيني وبينك كاين لجديد
أنا:كيفاش؟ ؟
بق:كندوي على لبيضا وما تخافيش ندير ليك ثمن مناسب خوك أنا
أنا:من نيتك باغي تبيع لي لغبرة 😞😞
بق:اه وعلاش لا
أنا:هه ياكما شايفني من دوك لبراهش لتضحك عليهم بكلمة جوج حتى تبيع ليهم ومن بعد يوليو يبوسوا ليك فرجليك باش تعطيهم يشموا
بق:وصافي مالنا على تكنزيز أنا غير قلت ليك
أنا:وحتى أنا غير قلت ليك يالاه تهلى
وأخيرا ساليت مع هاد لقلاوي ياعععع شحال ثقيل على قلب، باغي يقولبني كيف كيدير مع بزاف ديال دراري فاﻷول كيبيع ليهم لغبرة بالثمن رخيص ملي كيعرف بلي دراري ولفوا عليها ومابقاوش قادرين يحبسوا منها كيديرهم عبيد عندو ولكن أنا لا باراكا علي غير هادشي،
ودابا وصلت لبلاصة لمعلومة ديالي هاد لبلاصة ما كيعرفها حتى واحد من غيري أنا؛ أنا دابا فواحد لوزين مهجور حتى واحد ماكيدخل ليه من غيري هنا فين كندوز معظم الوقت ديالي هنا فين كنسكر و كنتقرقب وكندير بزاف ديال لحوايج ،بلاتي نقاد لبلاصة وهاني معاكم باش نكمل ليكم بطاقة تعريف ديالي ههه، اافف وأخيرا جلست وحطيت قدامي كاع تقدية لخديت من عند بق حشيش و شراب
يتبع. .....
