😍 شمكارة-ومفيوزي 😍😍
جزء 56 😘
فليل عند نور لمن صباح وهي ناعسة
حليمة : نور بنتي نوضي مالك
انا : والو باغا غير نعس
حليمة: يالاه نوضي غير تاكلي ومن بعد رجعي تنعسي
انا : ماما عفااك
حمد:(واقف حدا لباب ) صافي صافي خلي لبنت على راحتها
انا:(جلست ) بابا كيفداير لباس
حمد : نتي لواش لباس
انا :(عنقتوا وبديت كنبكي) 😭😭😭😭
حمد: ششش صافي هابنتي ماتبكيش راه مايستاهلكش
انا :😭😭😭 ولله لعظيم ها بابا كنت ناوية نعاود ليه لحقيقة ولكن شي واحد ناض سيفط تصاور لجود
حمد: مك عاودت لي كلشي وغدا هانمشي فصباح عندو نتفاهم معاه
انا : لا لا عفاك ماتمشيش
حمد:😠😠 هانمشي باش يعرف بلي راكي محمية برجال يكون كيفما بغا يكون يهز يدوا عليك نكرضها ليه
انا :😢😢😢 مابقيتش باغا نشوفو مزال
حمد: يالاه نعسي دابا وغدا يصبح ويفتح
انا : واخا
خرج بابا وماما من عندي وأنا بقيت جالسة فضلمة وحدي كنفكر فجود يوم ما سول في ماوالو لهاد درجة كرهني هو ضلمني وأنا ما درت والو بغيت غير نعرف علاش انا علاش ياربي عمرني اديت شي واحد دايما ناس كيضلموني وكيعيروني وكنسامح ليهم نبيل انا تقت فيه حيت كنت صغيرة ضحك علي وخلاني نبغيه بسبابو وليت مدمنة مخدرات وباش كملها زاد وخلاني غارقة كنعاني بوحدي انا بغيتوا اه بغيتوا وملي مشا خلا فراغ كبير فحياتي لدرجة انه ماكرهتش نبقى دايما سكرانة وماشي فوعيي غير باش مانتفكرروش اما جود حاجة أخرى جود حبي ليه فات كاع لحدود انا كنعشقوا كنبغيه كون يطلب مني روحي نعطيها ليه عارفة راسي مهانقدرش ننساه واخا يوقع ليوقع حيت أصلا مهانقدرش نتخيل راسي مع شي واحد آخر من غير جود حيت جسمي تخلق ليه راسو باش يقيسوا وقلبي ملكوا وحدوا وحدوا 😭😭😭😭😭 ماعرفتش كيفاش هانقدر نستحمل بعدو علي ولكن خصني نولف ونتحمل كرامتي فوق كلشي
في صباح 🌅🌅
حليمة: نور نور بنتي نوضي
انا : أمم شنوا باغا
حليمة:باراكا عليك من نعاس نوضي تفطري
انا: مافياش
حليمة: هاتنوضي تكعدي ولا نريش مك على صباح
انا: ههه واخا واخا
نضت غسلت وجهي وهبطت لتحت
انا : صباح خير
كل : صباح خير
جلست فطبلة غير كنشوف بصراحة فرق كبير بين هنا وعند جود هههه ولفت لخدامات وديك لحياة ماعرفت جود اش هايكون كيدير دابا واقلة كيدير رياضة لا لا اش كنخربق ليوم لاربعا هايكون فشركة
حليمة :(كتغوت) تي فطري خلاص
أنا: اااا اه واخا
بديت كنفطر وأنا نتفكر بابا
انا: ماما فين راجلك
حليمة : مشا يشوف داك هيش ديال راجلك
انا :😱😱😱 هاويلي يا ماما عنداك يصدق جود قاتل بابا خليني نوض نمشي عندهم
حليمة: جلسي اﻷرض غير نوض وقتل
انا :(فخاطري؛ مع جود لهلا يوريك)😣😣
عند جود فشركة
حمد : سلام ابنتي
سكرتيرة :(كتخنزر فيه حيت باينة فيه ماشي لباس عليه ) وي 😒😒
حمد: عفاك بغيت نشوف جود
سكرتيرة : عندك شي موعد معاه
حمد :😮😮 لا
سكرتيرة:ملي يكون عندك موعد معاه جي
حمد :(طلع ليه دم) هادا هو مكتب جود
سكرتيرة : وي
ضرب فيها حمد ودخل وسكرتيرة تابعاه كتغوت من لوور
فالمكتب جالس جود وهاني بلا مايحسو تقرع عليهم لباب
هاني: أش واقع هنا
جود:😰😰 سي حمد
حمد : اه حمد
سكرتيرة: موسيو جود حاولت نمنعوا ولكن
جود : صافي تقدري تخرجي (خرجات سكرتيرة ) سي حمد جلس أش تبغي تشرب
حمد : انا ما جايش نشرب ولا نبرك عندي ليك شي هضرة هانقولها ونمشي فحالي
جود : كنسمعك
حمد : هاديك لبنت ياكما تصحابها وحدها حتى تنوض تحط عليها يديك شوف في مزيان انا راني باها سمعتي بنتي دارت بزااف ديال أغلاط فحياتها ولكن أنا عمرني هزيت عليها يدي سمعتي ولكن باش يجي واحد من لخلا يحط يديه عليها كنقسم ليك بالله حتى نقتلوا ونشرب من دموا
هاني: عفاك تهدن
حمد : مامهدنش نهار اﻷول نتا لبغيتي تزوج بيها سمعتي كنتي عارف عندها ماضي عرفها شمكارة سمعتها مامزياناش وتقبلتيها ياااك ولكن واخا تقبليتيها بهاد أخطاء بنتي ماشي عبدة عندك
جود :سي حمد نتا راك ما عارفش أصل مشكل
حمد : لا عارف كلشي بسباب داك نبيل نتا ضلمتي بنتي وضربتيها بلا ماتسمع ليها انا كنعرف بنتي نور مزيان ضرب مهايكسرهاش قدما كيكسرها كلام لجارح وإهاناتك ليها وليوم جيت نقووليك جوج كلمات بنتي نساها سمعتي نساها
جود : راك غالط هاديك مرتي
حمد :(قرب ليه وشنق عليه ) 😡😡 إلى كانت مرتك فهي بنتي وتيقني ماكاينش شي واحد يبزز على بنتي شي حاجة ما باغاهاش هي قالت لي بلسانها بلي ما بقاتش باغاك يعني ما باغاكش فهمتي دخل هاد هدرة لدماغك وسمعني عنداك يصحاب ليك هاتخلعني برجالك ولا فلوسك انا راه ما كيهمني حد قد ولادي ولله لعظيم حتى نطيح رواح على قبلهم سمعتي ودابا هانمشي فحالي نتمنى هدرتي تكون وصلاتك
خرج حمد
هاني : وأخيرا جامعة شي واحد عرف ليك وخلاك تسكت
جود:(جلس فوق كرسي ) هاني قود بغيت نبقى وحدي
يتبع. ..فالعشية عند نور
باب : دق دق
حليمة : شكون
كنزة: قريب
حليمة: نعام ابنيتي علامن كتسولي
كنزة: سلام اخالتي أنا كنزة صاحبة نور
حليمة : مرحبا مرحبا نهار كبير هادا دخلي
كنزة : 😊😊 شكرا اخالتي
حليمة : نور وا نور
انا : نعااام
حليمة : تكلمي لصاحبتك
انا :(طليت ) شكون 😮😮 كنزة
كنزة : هبطي هبطي يالهرابة
انا :(عنقتها) هههه توحشتك
كنزة: أمم محكلك سولتي في
أنا : لا راه غير مع لوقت ومشاكيل 😔😔
كنزة : وي عارفة داكشي علاش جيت
حليمة : ياويللي هاتبقاو واقفين هنا دخلوا لداخل
انا : وي يالاه ندخلوا داخل
دخلنا
حليمة : هاني هانمشي نعمر اتاي
أنا : واخا هاماما
كنزة : نور كيفدايرة لباس
انا : حمد لله وينوو شوفي لكريشة عندك بدات كاتبان(كنشوف فكرشها)
كنزة : وي بانت نور هزي راسك وشوفي في
انا : أمم هاني كنشوف فيك
كنزة : لا عيني فعينيك
انا :(شفت فيها وهوما ينزلوا دموع)😢😢
كنزة : شش صافي صافي ماتبكيش
انا : كنتعدب هاكنزة ختي كنتعدب مامتيقاش بلي جود دار في هاد لحالة
كنزة : 😢😢 صافي هاحبيبتي راه فراسي كلشي عارفاه ضربك
انا : واش كتصحابي بقا في لحال حيت ضربني لا هو راه جرحني بهدرتوا جرحني نتي مامتخايلاش لهدرة لقال لي عايرني بداكشي لفي قاليا شمكارة وجمعتك من زنقة وبلي انا مزوجة بيه غير على قبل فلوسوا وزيد وزيد
كنزة : وي عندك حق هو زاد فيه بزااف دابا شنوا ناوية ديري
انا : مابقيتش باغا نشوف جود مزال
كنزة:😲 داوية بصح
انا : اه صافي كرامتي فوق كلشي انا وياه لفراق هايكون هو الحل
كنزة : لا لا ما تقوليهاش واش عرفتي شنوا معنى طلاق يعني صافي جود مهايبقاش ملكك
انا: كنزة انا كنحماق على جود ولكن كلشي ليه حد طبعا وانا وصلت لداك لحد
كنزة : ماعرفت مانقوليك
انا: ايوا سكتي حسن
كنزة : ودابا شنوا هاديري من هنا قدام
انا : هانخرج نقلب على خدمة ونبدا نطلع فوراق طلاق
كنزة:😰😰😰 نتي هاتخدمي وجود زعما هايبغي
انا: واش دخل جود في 😬😬
كنزة : لامادخلوش
انا :😏😏
بعد مرور أسبوع
اووووع اووووع
حليمة : هاناري يابنتي مسارنك هاترديهم هاكي لفوطة مسحي
انا :(كنهج) عادي راه نتي عارفة مشكل لعندي مع لمعدة
حليمة: اه يالاه لبسي حوايجك وهبطي ياك مزال هاتمشي لديك مدرسة تخدمي فيها
انا : اه واخا مكنعرفش لدراري مي نحاول
حليمة: وانتي للاسقة باغا تخدمي عيينا فيك ونتي راسك مقسحاه
انا : ماما راه مليت هنا فدار بغيت نخرج نتلاقى مع ناس
حليمة : واش هانقوليك لمكتابة ليك هاتديه
انا:😊😊😊
ليست حوايجي وهبطت فطرت وخرجت مع دعاوى ماما 😍😍
وصلت مدرسة
انا : سلام وعليكم
مديرة: وعليكم سلام نتي نور بنت سي حمد
انا : اه
مديرة: بااك قاليا بلي باغا تخدمي نتي ياك قاريا حتى سيزيام
انا : اه
مديرة: شوفي نتي هايولي دورك هو مربية تقابلي دراري صغار تبدلي ليهم وتعطيهم بيبغو
انا: اه ماشي مشكيل
مديرة:مزيان هانتي تقدري دابا دخلي غير تشوفي وضع وتعرفي على مربيات لمعاك ودراري
انا : اه شكرا
دخلت لداخل لقيت بزااف ديال دراري صغار غير شفتهم شي حاجة تحركات في لداخل قلبي كيضرب بجهد وكرشي كتغرغر لله شحال زوينين كيحمقوا
مربية: زوينين ياك
انا: اه بزااف
مربية: هههه بلاتي بلاتي تفوت شي 10 دقايق وتسمعي لبكا وروايح تعدفي حياتك
انا: ههه ماشي لهاد درجة
مريية: هانتي هاتشوفي بعينيك
انا :(خاطري تروعات وحاسة بتقيا) 😷😷😷
مربية : مالك
انا :(شادة فمي)
مربية:(فهمات) زيدي زيدي
داتني طواليط تقييت كاع داكشي لكلت فصباح
مربية: صافا
انا : شوية
مربية: مزوجة؟ ؟؟
انا :😕😕 اه
مربية: زعما ماتكونيش حاملة
انا؛ (صرفقاتني) ها ها كيفاش
مربية: ههه مالكي عادي تقدري تكون حاملة
انا :(شداتني سخفة)😩😩
مربية:مالك
انا : نقدر نمشي حتى مرة أخرى ونرجع
مربية: وي بيان سيغ غدا رجعي
انا : اووكي ميغسي
خرجت من مدرسة حاسة باﻷرض كادوور بي لا لا مايمكنش نكون حاملة لله ياربي كيفهاندير هئ هئ هانتسطى ياربي كيفاش هانعرف كيفاش هزيت رأسي وهي تبان لي أفيش فيها طبيبة نسائية مشيت وقفت حدا لباب وقلبي حاساه هايسكت بلخلعة 😲😲؛ قلت بسم لله ودخلت
انا : سلام
سكرتيرة : سلام
انا : عفااك هاختي بغيت نشوف طبيبة
سكرتيرة : وي وي هاكي عمري هاد لورقة
انا : بشحال هاختي
سكرتيرة :100 درهم
انا :😖😖 اووكي
خديت ورقة وعمرتها جلست فصالة حتى عيطات لي سكرتيرة نضت وحاسة بسخونية طالعة معايا قلبي كيضرب ف 90
دخلت لقيت طبيبة جالسة
طبيبة: وي تفضلي
انا :😆😆 شكرا
طبيبة: نور ياك
انا : وي
طبيبة : مزوجة مامزوجاش
انا : لا مزوجة
طبيبة: اووكي شنوا مشكل
انا :(كنسرط فريقي ) بغيت نعرف راسي واش حاملة
طبيبة : اووكي تفضلي معايا
انا:😵😵😵
طبيبة: تكاي فوق بيانص وهزي قميجة
انا :(درت داكشي لقالت لي وهي تحط واحد مادة لزجة على كرشي ودارت فوقها واحد اﻷلة كتديها وتجيبها بقات كديرها تقريبا شي ربع ساعة وكادير تعابير بوجها) اش واقع
😍😍شمكارة-ومفيوزي 😍😍
جزء 58 😘😘
طبيبة: شحال ماجاتك ليغيكل
انا : طالعة ف 3 شهور علاش
طبيبة: وي واضح
انا: عفاك قولي لي شنوا واقع
طبيبة : مدام الف مبروك نتي حاملة
انا :(ضربني ضو)😨😨😨 كيفاش
طبيبة: نتي حاملة عندك 3 شهور
انا :(تصدمت)
طبيبة: مدام صافا
انا : بغيت نمشي فحالي
طبيبة: اووكي مي بلاتي نعطيك شي فيتامين
انا : (نضت بلا مانمسح داكشي من كرشي وخرجت)
😭😭😭😭😭😭😭 لله ياربي أش هاندير 😭😭😭 ماربيت حتى راسي بقا لي غير دراري صغار هئ هئ اش هاندير لله ياربي ومشكل واقفة مع جود على طلاق متأكدة غير هايسمع خبر حملي هايبغي ياخد لي لولد 😭😭😭 (درت لقيت ناس كيشوفوا في )مالكم عمركم شفتوا شي واحد كيبكي ولا شنوا تفوو
نضت مشيت لبحر وبركت كنبكي وكندب وكنشكي حاسة براسي هانتفركع 😭😭
*****: لهاد درجة كتبغيه
انا :(هزيت راسي) 😱😱😱 نبيل
نبيل: وي انا
انا :(كنترعد) كيفاش عرفتيني هنا
نبيل: ماكيهمش مهم انا هنا
انا :شووف جيني من لخر وقول لي شنوا باغي
نبيل: نتي عارفة مزيان شنوا باغي نور عقلتي على أول مرة تلاقينا فيها
انا:😬😬 أسوأ نهار فحياتي
نبيل : يمكن بالنسبة ليك ولكن أنا لا
انا : شوف لله يرحم ليك والدين عطيني تيساع حجار لعافية يشدوك فرقني
نبيل: لهاد درجة ماحاملاش تشوفي في شنوا لفرق بيني وبين داك جود ديالك حنا بجوج غلطنا فيك ياك انا مشيت وخليتك وحتى هو نفس شي
انا : بلا ماتقارن راسك بجود هو إلى تصرف بديك طريقة فحيت عندو سبب نتا لا ونزيدك واخا انا حاليا بعيدة على جود وماكنتشاوفوش كاينة حقيقة وحدة عمرها تبدل لهي انا كنعشق جود كنحماق على تراب لكيمشي عليه حيت هو بكل بساطة راجل عليك
نبيل:(هز يديه بغا يضربني)
انا : حدك تما سمعتي ووياك تفكر تحط علي يديك سمعتي ونزيد ندكرك انا حد ساعة باقا سميتي مدام جود بنشيد
نبيل : هاتندمي على هادشي لقلتي
انا : أمم واخا شوف لله يرحم بااك نتمنى تكون هادي آخر مرة نشوفك فيها حيت بكل بساطة شوفة فيك كتجيب لي تقية وخاصة فهاد للمرحلة فحياتي انا حاملة دابا ونخاف نبقى نشوف فشي بعضين يصدق ولدي طالع ليهم ما قادا على مراض نفسيين مزال فحياتي 😆😆
نبيل:😤😤😤😡😡😡
انا : بسلامة (هزيت سبرديلتي وزدت )😏😏
طلعت من لبحر مرتاحة بردت غدايدي فداك زامل وطلعت لدار
حليمة : ويلي فين تعطلتي
انا : والو
حليمة : مال عينيك منفوخين واش باكية
انا: لا غير غبرة دخلات لي لعيني
حليمة : تي قوولي مالك.
انا :😭😭😭😭 حاملة ها ماما حاملة
حليمة : حاملة 😮😮😮 ومالك كتبكي مالك جايباه من زنقة راه عندو باه سمعتي مسحي دمووعك
انا : أش كتخربقي جود إلى عرفني حاملة ولله حتى ياخد لي لولد
حليمة : نساي هادشي كامل دابا دخلي لداخل رتاحي وغير بشوية عليك
انا : واخا
دخلت لداخل وهي تحط ماما اتاي ومسمن ديال شحمة ضربت طبسيل كامل عاد نضت
فرح : مالك هاختي كانوا حابسينك
حليمة : عادي راها كتوحم
فرح :😮😮😮 لا ماتقوليهاش
انا :😣😣
فرح : نااري ياختي سعداتك هاتولدي شي ولد كيشبه داك جود ديالك احح دوك قنينفات ودوك عينين لله لله
انا : نوضي قودي علي يلعنمك واش انا كنقوليك حاملة ونتي جالسة كتوصفي لي فزامل ديال جود
فرح : واش فيها
انا :😕😕 باز ياختي باز
في صباح
حليمة : هاكي هابنيتي لبسي هاد مونطو راه برد تحرك
انا: أري
حليمة:كون غير بركتي بلاش ليك من هاد للخدمة
انا : ماما دوينا 😬😬
حليمة : أش هانقول ليك سيري
خرجت من دار يالاه خرجت من زنقة وهو يبان لي كحل لعفطة ديال جود متكي على طوموبيل ناري حاسة براسي هانسخف ولد لقحبة زيان ماعرت واش قاد لحية ولا شنوا احح شحال توحشتوا ناري ما كرهتش نمشي نتلاح عليه بشي بوسة لالا ويلي لا رزني رزني يا نوور درت راسي غادة لعندوا وأنا نقلب طريق 😎😎
😍😍 شمكارة-ومفيوزي😍😍
جزء 59 😘😘
درت مع دورة وهو يتبعني
جود : نور وقفي (شدني من دراعي)
انا :(قلبي كيضرب بجهد) نعاام
جود : بغيت ندوي معاك
انا : كنضن هدرة بيناتنا سالات سمحلي دابا انا غادة لخدمة
جود: نوور حتى إمتى هانبقاو على هاد لوضع
انا : قريب إنشاءلله هانطلقوا ومهايبقى لا وضع لا زمر
جود :(غوت) اش كتخربقي إنا طلاق ولا قلاوي
انا : جود ماتغوتش حنا ماشي وحدنا هنا فزنقة هدر بشوية
جود: واش باغا تسطي دينمي زيدي قدامي (بدا كيجر في )
انا :(كنبكي وكنغوت) طلق طلق مني اجود حرام عليك هادشي لكدير في 😢😢
جود :(طلق مني) 😟😟😟
انا : جود سمعني انا عارفة راسي غلطت ملي خبيت عليك مي انا كنت خايفة خايفة منك فهمتي كنت خايفة من ردة فعلك حيت عارفاك ملي كتعصب ماكتعقل على حتى واحد انا فلحفلة ملي شفتوا تصدمت لساني تعقد ما عرفت مانقول من بعد حاولت نقول ليك ولكن ماكانش لوقت حيت مشينا أكادير من بعد رجعنا وكنت باغا نعاود ليك كلشي مي نتا شوف شنوا درتي انا ديك يومين لشفت فيها داك زامل كنت هانتسطى خفت خفت لنخسرك
جود : وي انا هادشي علاش تعصبت
انا :✋✋ بلاتي باقي ماكملتش هدرتي ؛ ضربك لي تقبلتوا بكل بساطة لا حقاش لواحد ملي هايشوف دووك تصاور يقدر بكل بساطة يقتل ولكن كلامك هاجود كلامك قتل شي حاجة في من لداخل فينما كنتفكر هدرتك كنحس بموس فقلبي كيحفر في كنضن هاد لمووس يقدر يوقف من لحفيير ولكن خاصك تعرف بلي هايخلي اثار في انا كنبغيك كتر مانتا تقدر تصور ولكن فنفس لوقت كاينة كرامتي لنتا هنتيها وجرحتيني فيها وهي لواقفة بياناتنا دابا
جود : 😔😔😔
أنا : جود كنشكرك حيت بفضلك عرفت شنوا معنى وحدة تكون مرا وكيفاش تكون عائلة وكنشكرك حيت خرجتيني من لوسخ لأنا فيه وبغيت نوضح ليك واحد قضية انا عمرني ما بغيتك على لفلوس حيت أصلا آخر همي هوما لفلوس ودابا سمحلي خاصني نمشي لخدمة اكيد مدرسة هاتكون حلات
(ضربت فيه وزدت بلا مانحس عيوني نزلوا منهم دموع حاسة براسي مخنوقة حطيت يدي على كرشي)
انا :(حاطة يدي على كرشي) ما عرفتش واش هاتكون ولد ولا بنت مي كنتمنى مادوزش من نفس هادشي لكندووز منوا حيت صعيب بزااف أنا هاندير مستحيل باش نخليك توصل وكنواعدك هانوقف فوجه أي واحد حاول ولا فكر يآديك كنواعدك نتا ولدي انا ولدي تمرة الحب ديالى انا كنبغي باباك بزااف عارفة قصحت معاه لهدرة ولكن احسن باش حتى هو يحس نفس إحساس لكنحسوا دابا
