جزء 4 😍😍 شمكارة ومفيوزي 😍😍
12/01/2012
سررررررررررررر (جرس كيصوني)
زينب :وأخيرا هنخرجوا، من عند هاد لمعقدة ديال سيونس شي نهار تجيب لينا شي ضفدعة هنا تقول لينا حلوها
أنا: 😂😂😂 سكتي سكتي دابا تسمعك تصدق مندماك
زينب :ههه يالاه يالاه، نور آش غاتديري دابا ملي نخرجوا
أنا: برأيك آش ها ندير من طبيعة لحال غادي نمشي لدارنا
زينب:😕😕 من نيتك
أنا:اه علاش
زينب:ربي ربي واش مكاتمليش من دار
أنا:لا عادي كندخل كنتفرج ولا كنحفض
زينب:تحفضي على مالك فتاسعة راكي يالاه فتامنة ملي نطلعوا لتاسعة ديك ساعة جمعي راسك
أنا: اه دابا أشنوا باغا من لخر
زينب :عرفتي شنوا ها يجي عندي مروان دابا
أنا:وأنا مالي نتي ها تمشي عند صاحبك وأنا أش ها نمشي ندير معاك
زينب:ولا ها صاحبتي راه غادي يجيب معاه صاحبوا
أنا:😲😲 صاحبوا واش نتي بعقلك
زينب:مالك معقدة مالك عادي جدا غادي تعرفي عليه عجبك هو هداك ما عجبكش هو هداك
أنا:لا تم لا تم لا وزيدون حنا خارجين دابا مع 4 وإلى تعطلت ماما غادي تشوش علي
زينب:آلا لا كدبي على ماماك قولي ليها مولات سيونس زادتنا ساعتين
أنا :😬😬 لا ما بغيتش ها نمشي فحالي
زينب:معقدة نتيا بزاف راه عادي على مال لبنات لهنا باش حسن منك عادي جدا غير نتي كتبغي تعقدي اﻷمور
أنا:صافي ما تبزيش علي
زينب:ياكي يا نور أنا دايما كندير ليك داكشي لكتبغي ونتي لا عرفتي آش هاديري سيري فحالك عمرك تهدري معايا (ضربت في وزادت )
أنا:لا لا صافي واخا ها نمشي معاك
زينب:😮😮 بصح ياه (عنقتني)كنت عارفاك صاحبتي ديال بصح ومهاتخسريش لي يالاه دابا ها نمشيوا لطواليط
أنا:آش ها نديروا فيها
زينب:شششش (جراتني ودخلنا لطواليط)
أنا:لا ما بغيتش نديروا مكانحملوش
زينب:سكتي آش كتعرفي هاد لعكر راه ماركة جابوا لي مروان كادو
أنا:وما بغيتش نديروا
زينب:واخا يالاه قادي شعرك
أنا:صافي واخا
قاديت شعري وخرجنا من مدرسة كنتسناو فصاحب زينب ،شوية وهو يوقف علينا بواحد لوطو واو 😍😍
زينب:حبيبة توحشتك
مروان:حتى أنا ابب طلعي
زينب:اه راه معايا صاحبتي
مروان:مرحبا بيها
زينب:شكرا، نور طلعي لور
أنا :😯😯
زينب:نووووور
أنا :صافي واخا
طلعت لوطو بركت لور وزينب بركات لقدام حدا مروان ملي طلعنا لوطو وزينب كتهدر ماسكتاتش أما مروان فكان غير كيصوك وكيضحك، أنا ما كنتش معاهم كنت كنسمع غير أصوات لكتديرها كرشي من توتر خايفة لا شي واحد من خوتي يشوفني ولا شي صاحبهم يوصلها ليهم ولله حتى يقتلوني
زينب:نور وا نور هبطي راه وصلنا
أنا:اه واخا راه غير
زينب:شوفي في ما غادي يوقع والوا ياك كتيقي بي
أنا:اه كنتيق فيك فين حنا دابا
زينب:حنا فالبحر يالاه غادي يعجبك لحال مع صحاب مروان
أنا :واخا
مروان:ما تخافي من والوا صحابي ضرايفين
أنا:☺☺
ايوا مشينا جيهة لبحر حتى وصلنا عند صحاب مروان
نبيل:اوووووه ها هو أخيرا جا فين كنتي آصاحبي
مروان:هاني آصاحبي غير مشيت نجيب لبنات وجيت
نبيل:أمم زينب مرحبا بيك
زينب:ميرسي نبيل
نبيل:وشكون هاد اﻵنسة جميلة لمعاك
زينب :هادي صاحبتي نور كتقرى معايا
نبيل:متشرفين (مد لي يديه باش نسلم عليه)
أنا:شكرا
نبيل:اا نور سميتك زوينة بزاف، بصراحة كون كنا عارفين زينب عندها صاحبة بلاد لجمال كنت شحال هادي آصريت أنه يجيبك معاه
أنا:(توترت) ااااا
مروان:آش هادشي درتي آصاحبي شوف لبنت كيولات
نبيل:ديزولي يالاه أجي نعرفك على شلة كاملة (حط يديه على كتافي)
أنا :(تصدمت من هاد لحركة)😮😮
نبيل:نعرفك على ياسمين، ياسين، ناصر،صوفيا، وسليمان
أنا:تشرفت بمعرفتكم
الكل:حتى حنا مشرفين
نبيل:يالاه جلسوا
جلسنا وبقى كل واحد كيهدر على راسوا هدرة من هنا وهدرة من لهيه كلشي كيضحك، لحظة لقيت راسي حتى أنا كنهدر وكنتكلم بطلاقة معاهم
(يتبع. ....)
