حكاية.عشقي.صعبة.💔

البارت الاول

هلاو

البارت 1

🙄قصه للكاتبه، 😊سموئه

أعرفكم بنفسي...
،
اسمي رفل حلو مو😁 عمري 19/

سنه أولى كليه هندسه مواصفاتي بيضه عيوني سود كبار شفتي حلوه شعري اسود طويل لنهايه ضهري ملامحي حلوه بريئه طولي 🤪قزومه خلوهه سكته.

عائلتي متكونه من امي وابويه وأخويه.
اخويه جبير عمره 30سنه كلمته مسموعه اسمه حيدر فديته حنين كلش..

رفل رفل كعدي ماما ساعه 8تاخرتي كومي يا ماما..

عااا عزه كمت كمت ياالله تأخرت هاي يوميه هيج..

كل عاده باوعت للموبايل الساعه ٧نبع الحنان وكعت گلبي عبالي تأخرت كمت غسلت بدلت لفيت شال.طبعا لفت الشال تاخذ ساعه يله اخلص
لبست بنطرون نيلي وقميص لحد الركبه احمر شال نيلي وكاب احمر طلعت اخبل فديتني نزلت ركض
لكيت نبع الحنان محضره الريوك  😊

.. كعدي ماما تريكي
..لا امي اكل لفه بالكليه

.. لج كعدي موزين عليج

.. اوف ماما تأخرت بابا حاجيهه اريد اروح

.. عوفيهه يا مره خل تتوكل

حيدر كعدي رفو هسه اوصلج لا تروحين بلخط 😒

رفل. اوك راح انتضرك بلباب لاتتأخر حيدوري فدوه
يله ماماتي باباتي باي
. الله وياج..

طلعت وكفت بلباب اجه الخط مشيته وبقيت واكفه انتضر..
اكو بيت كبال بيتنه فارغ اجت سياره طبكت بابه نزل منه ولد وبنيه ومره جبيره بالعمر يمكن امهم وشايلين جنط كبار يمكن راح يكعدون بي

عززه واني شعليه خل اشوف حدوري تأخر دخلت للبيت اصيح حيدر وينك حتاخر بسببك تفاجأت بحيدر كاعدبلكاع منهار ويبجي
اخوي مايوم شفت دمعه بعينه شبي دخيلك ربي حيدر شكو شبيكم شصاير
َماما شكو واحد يحجي.

... سكتي ماما صاحبه ضرغام استشهد بانفجار.

لا حول ولا قوة الا بالله العلي العظيم..

لا ضرغام اعتبره  اخويه الثاني  هوه وحيدر روح وحده شغلهم واحد..
طبعا اخويه مامتزوج  يكول شغلي خطر مااكدر اربط احد وياي..
المهم حيدر مكدر يوصلني واني عدي متحان عفتهَ وطلعت بس اني نفسيتي تعبانه من الي صار ومع ذالك  مكدرت اغيب لان امتحان كلش مهم ☹️طلعت امشي بلكي تكسي

تنقذني بهل لحضه اجت تكسي طبكت باب هذه البيت الي هس نزلو بي هاي العائله رحت امشي عليه نزل..
صباح الخير.
كال
صباح النور
كتله فدوه تطلع كال لا اعذريني كتله فدوه متأخره ع الدوام انفتح الباب قبل لا يجاوبني كال صباح الخير استاذ رسلان

. صباح النور تأخرت..كلش
لاوالله استاذ اعذرني عنوان البيت تاه عليه
. التفت عليه..
كال منو حضرتج بقيت صافنه بوجهه يمه جذبني بشكل مو  طبيعي كال الووو شبيج صافنه سألتج منو انتي رايده شي اني هنا نتبهت ع نفسي كتله اسفه بس عبالي التكسي يطلع اتاخرت ع كليتي اعذروني.. باي كال اوكفي لحضه نطه أوراق لأبو

التكسي ومشا كله استعجل وصلهم بسرعه صاح رسل وينججج اجت بنيه تخبل فدوه كالت

صباح الخير منو هاي الحلوه يادكتور رسلان وتغمز 😏هوه ضحك يمه  ضحكته تردالروح كال يله اصعدن خل اوصلجن اعتقدنفس الجامعه لولا كتله اني جامعه بغداد قسم هندسه عاطت البنيه عااااا واني نفس الشي هله
رسل. اكول ياحلوه شسمج وين بيتكم وشكد عمرج..

رفل. اسمي رفل بيتي كبال بيتكم عمري ١٩
رسل. اني رسل نفس عمرج اخت. الدكتور رسلان فديته
رفل. الله يخليكم لبعض رسلان.ورسل تسلمين..

يبنات تخلصنهه تعارف تأخرتم كلش يله..

رفل. لا تسلمون اني ماروح شكلي مامقسوملي اداوم اليوم..

رسل. صعدي يمعوده..
جرتني وصعدتني
وصلنه للكليه سلام وكلام اكلنه رزاله من الدكتور ع التأخير كعدنه سوه سوالف وضحك صارت بينه ميانه حبيتهه وحبتني الحمد لله تبين خوش صديقه ياالله المهم بين المحاضرات والامتحان خلص الدوام

طلعنه للباب اجه الخط كتله يله رسل كالت لج ما اروح شبيج خبله اخذ مكان العالم هسه اخابر اخويه رفل. صدك رسل اني اشو مشايفتج قبل بلكليه.
رسل. داومت بدايه السنه شويه وتوفه والدي وتركت الدوام  بس رسو رتبلي الموضوع ورجعني.
رفل. البقيه بحياتج حبي

. رسل. تسلمين.

ابو الخط يله رفل اصعدي. هستوني دا اصعد وجان يصيح رفلللللل 😡باوعت شفت رسلان اجه علينه كال وين طالعه كتله للبيت يعني وين كال بعد لا تروحين بالخط اني اوصلج ويه رسل كتله لا تسلم

مااكدر اهلي ميقبلون والصبح اجيت وياك ضرف طارئ تسلم وماتقصر كال صعدي بلا نقاش وحاجه ابو الخط اطلع اني اوصلهم كتله لا اوكف اروح وانت استاذ رسلان مومعناتهه وصلتني لازم تحكم بيه

باوعت ع رسل ضاجت كتلهه حبي باجر نتشاوف اعذريني كالت براحتج رسلان مرتجى ع باب السياره ويباوعلي بنضره ماعرفتهه كتلهم يله باي كالت رسل

بايات هوه  مجاوب طلعت بالخط ومشينه كال الولد ابوالخط رفل منو هذه. الولد الي جلب اله يوصلج كتله جارنه نزل جديد كالت سمر هاي ويانه بلخط

عززززه لج رفل هذه الجمال والشخصيه جاركم شبي حضي جارنه ابو الغاز ابو العتيك كبر لهيج حض
...
....رفل خربت ضحك عليهه كال واحد من الولد لج رفل هذه ابد ما جزانه يمشي ورانه يمكن خايف عليج 😒رفل خاب دولي وصلت نزلت  وكفت باب بيتنه هستوني دا افتحه وجان يرجع علاوي ابو الخط صاح رفل ونزل عليه كتله ها

خويه شكو

.. شبيچ اليوم  ناسيه موبايلج..
نطانيا تشكرت منه وطلع باوعت شفت رسلان واكف يم سيارته ويباوع عليه چن معاجبه الوضع  عابت شبي شايف نفسه..

دافوت للبيت صاح رفل اوكفي لحضه اجه يمشي عليه باوعلي بنضره حيره وكال.....

انتضرو البارت القادم اتمنه يعجبكم وصوتو حتى يصير واهس انشر 😀باااااي