حكاية.عشقي.صعبة.💔

البارت ٣٤

قصة .للكاتبة سموئة

..رفل مشو بيت عمي .
طلعت لگيت اهلي بعدهم واگفين بلباب .
بابا شنو هل كلام انتو بكيفكم تقررون والله ماأتزوج راكان لوتنگلب الدنيا ابدولا تفكرون مجرد تفكير

..ابو رفل .اي بلله ليش متوافقين ..موگالج وفهمج بلي صاير ويا
. يعني كولة لعبة انلعبت  عليكم .بعد شنو وجه هل رفض

..بابا رجأ اني ماريد راكان فدوة يعمري لا توافق
والله تأذيني ..

..ام رفل .ليش ياماما دشوفي شون صاير يخبل .ودكتور وخير من الله ويحبچ . وكولنة نعرف شنو انتي بلنسبة لراكان ..تعوذي من الشيطان وافقي بأبن عمچ..

..تحلمون .

..ابو رفل ..اي مو هية بكيفچ اني نطيت موافقة والخميس المشية .وكلمة زايدة ماريد اسمع
مو كافي صار كوم سنين متگاطعين بسببكم

رفل .حيدر ليش ساكت احچيلك كلمة لو كلكم ضدي

..حيدر والله يارفل .قبلي بي واسكتي وين تلگين واحد يحبچ مثل راكان .مو كافي عاد شنو وجه هل رفض ..

..رفل اهئ اهئ اهئ ..كولكم صرتو ضدي والله ماأوافق لوتنگلب الدنيا
عفتهم وركضت لغرفتي .احترگ دمي كولهم صايرين ضدي .شلون بية ..هسة شأسوي
ليش .اني متدوملي الفرحة .والله البارحة خايفة وگلبي ناغزني ....

.مرتين اطلع اسم رسلان اريد أتصل علية وارجع ابطل ..ماريد اقلقة وهوة مو هنا اا
لأن اعرفة اذا درة يجي بهل ليل .سودة علية حبيبي .

..ابورفل .بلغي بنتچ ترة ماألهة غير ابن عمهة واي واحد غيرة ماأنطيهة لو تنگلب الدنيا خل تخلي هل كلام براسهة ..

..شقصدك .تشك بنتك ترة والله عيب ..رفل ماعدهة هل سوالف .بس هية بعدهة متأثرة من الماضي
...

..اني الي عندي گلته الخميس المشية .اريدهة موافقة .ماريد اغصبهة ..اعتمد عليچ
رفل غالية ع گلبي ..بس ماأرجع اخرب وية اخوي بسببهم .ولو تفتر الدنيا كولهة متلگة مثل راكان

..رسل ..اتصلت ع رفل بليل ..دگ تقريبا ٣ مرات وهية متجاوب ..شوية النوب تصلت جاوبت ..بس هنا رفل بلگوة تحچي تشهگ. من البچي
..لچ شبيچ رفل وگعتي گلبي احچي
..لحگيني رسل ابن عمي خطبني وبابا وافق
ويگول ماتتزوجين غيرة لو تنگلب الدنيا

..عزة بعينك رسلان .صدگ چذب والله غير يتخبل
لافدوة رفل لا توافقين يعمري ارفضي ..

..هوة اني بس رفضت .لچ ماأعرف شأسوي فدوة تعالي ..بس لاتگولين لرسلان .اني اگولة

..اوك ماشي باچر من الصبح نرجع .

رسل ..اباوع لرسلان شون گاعد يگلب بصور رفل والأبتسامة متفارگ وجهة ..يارب دخيلك لاتكسر گلبة كلش نقهرت علية سودة علية.شگد.يحبهة .